Рэдакцыя французскага сатырычнага часопіса «Charlie Hebdo», у якой у пачатку студзеня адбыўся тэракт і якая ўвесь гэты час была ў цэнтры ўвагі грамадскасці, праінфармавала аб тым, што ў бліжэйшы час часовы прыпыніць сваю працу.

Літоўскія біскупы, якія сустрэліся ў Ватыкане з Папам Францішкам, запрасілі яго наведаць Літву. Апошні раз краіну з афіцыйным візітам наведваў Ян Павел ІІ у 1993 годзе.

Папская рада па культуры 4 лютага пад старшынствам кардынала Джанфранка Равазі сабралася ў Ватыкане на сваю генеральную асамблею. Сярод пытанняў, якія вынесены на абмеркаванне, адэкватная прадстаўленасць жанчын у касцёльных структурах, а таксама негатыўныя наступствы жаночай пластычнай хірургіі.

У катэхезе падчас агульнай аўдыенцыі 4 лютага Папа Францішак працягнуў апавядаць пра важнасць асобы бацькі ў жыцці дзіцяці і сям’і. «Мінулы раз я казаў аб небяспецы “адсутных” бацькаў, а сёння хачу паглядзець, галоўным чынам, на пазітыўны аспект», — адзначыў Пантыфік.

1 лютага ў сталіцы адбылася экскурсія «Мінск — горад пад аховай Маці Божай», якую праводзіў гісторык Павел Дзюсекаў. На экскурсіі можна было пачуць пра цікавыя моманты з гісторыі Чырвонага касцёла, Пішчалаўскага замка, герба горада і г.д. Сваімі ўражаннямі і пачутым дзеліцца ўдзельніца экскурсіі Кацярына Парыжаская.

Святы Айцец у чарговы раз заклікаў да спынення ваенных дзеянняў ва Украіне. «Мае думкі зноў скіроўваюцца да ўмілаванага народа Украіны. На жаль, сітуацыя пагаршаецца і супрацьстаянне паміж бакамі ўмацоўваецца. Памолімся, перш за ўсё за ахвяр, сярод якіх шмат мірных жыхароў, і за іх сем’і, і папросім Пана, каб як мага хутчэй спынілася гэта жахлівае братазабойчае насілле», — сказаў Папа 4 лютага на заканчэнне агульнай аўдыенцыі ў ватыканскай Зале Паўла VI.

3 лютага ў Гродне адбылася сустрэча законных сясцёр і айцоў, якія нясуць душпастыскую паслугу ў Гродзенскай дыяцэзіі. Сустрэча была прымеркавана да Дня кансэкраванага жыцця, які адзначаўся 2 лютага.

Душпастырства студэнцкай і працуючай моладзі «Open» Гродзенскай дыяцэзіі на чале з яго кіраўніком кс. Антоніем Грэмзам падрыхтавала відэаролік пра падрыхтоўку каталіцкай моладзі Гродзеншчыны да Сусветнага дня моладзі, які пройдзе ў Кракаве (Польшча) у 2016 годзе.

Бог заўсёды прыходзіць, каб лячыць нашыя зламаныя сэрцы. Хрыстус, як кажа Евангелле, аздараўляў многіх, якія цярпелі на розныя хваробы, і выгнаў многіх злых духаў, таму мы сёння без сумнення можам ісці да Яго са сваімі праблемамі, цяжкасцямі, клопатамі нашага штодзённага жыцця.