«У мінулым, калі адкрытае вызнанне веры ў Беларусі ўскладнялася, многія людзі захавалі свой рэлігійны скарб у сем’ях. Пры гэтым вельмі ўражвае аднаўленне хрысціянскага жыцця ў апошнія 25 гадоў», — такую думку выказаў намеснік генеральнага дырэктара дабрачыннай каталіцкай арганізацыі «Рэнавабіс» Герхард Альберт.

7 красавіка ва ўзросце 87 гадоў адышла ў вечнасць с. Агата Пачобыт з супольнасці Сясцёр Маці Міласэрнасці (Вастрабрамскай).

7 красавіка адбылася сустрэча Міністра замежных спраў Рэспублікі Беларусь Уладзіміра Макея з Апостальскім Нунцыем у Беларусі арцыбіскупам Клаўдыё Гуджэроцці.

У ноч Уваскрасення Пана моладзь парафіі Унебаўзяцця Найсвяцейшай Панны Марыі i св. Язафата Кунцэвіча ў Сапоцкіне малілася пры магіле Пана ў гродзенскіх парафіях і ў парафіях свайго дэканату. На працягу ночы маладыя людзі разам са сваім пробашчам наведалі 13 святыняў.

7 красавіка ва ўзросце 97 гадоў адышла ў вечнасць с. Апалонія Сімеона Сінкевіч з Кангрэгацыі Дачок Беззаганнай Марыi.

На Вялікдзень прэфект Кангрэгацыі па справах Усходніх Касцёлаў кардынал Леанарда Сандры даслаў на рукі Апостальскага візітатара для грэка-католікаў Беларусі архімандрыта Сяргея Гаека віншавальны ліст з нагоды 25-годдзя аднаўлення літургічнага жыцця і адкрытага душпастырства Беларускай Грэка-Каталіцкай Царквы.

Увечары ў Вялікую суботу, 4 красавіка, біскуп Гродзенскі Аляксандр Кашкевіч узначаліў літургію Пасхальнай вігіліі ў катэдральным касцёле св. Францішка Ксаверыя ў Гродне.

6 красавіка, у велікодны панядзелак, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў касцёле святых Сымона і Алены ў Мінску.

“Мы распачынаем гэты дзень – дзень перамогі нашага Збаўцы Езуса Хрыста над грахом і над смерцю”, - сказаў на пачатку рэзурэкцыйнай Імшы ў віцебскім катэдральным касцёле Езуса Міласэрнага велікодным ранкам 5 красавіка біскуп Віцебскі Алег Буткевіч.

“Зноў у нашым горадзе і ў нашай святыні на світанні ў велікодную раніцу радасна б’юць званы, абвяшчаючы Уваскрасенне Божае”, – так з радасцю выказваліся некаторыя з вернікаў конкатэдральнай парафіі ў Магілёве.

У час Вялікага посту ў многіх парафіях Беларусі праводзіцца інсцэніраваны Крыжовы шлях. Напярэдадні велікодных урачыстасцяў, у Вялікую пятніцу 3 красавіка, моладзь мінскай парафіі Божага Цела таксама падрыхтавала інсцэніраваную містэрыю Крыжовага шляху.

3 красавіка, у Вялікую пятніцу, у конкатэдральнай парафіі Магілёва адбыўся адмысловы інсцэніраваны Крыжовы шлях, які падрыхтавала моладзь парафіі пад падтрымцы с. Веры MSW.

У Вялікую суботу, 4 красавіка, дапаможны біскуп Мінска-Магілёўскай архідыяцэзіі Юрый Касабуцкі наведаў некаторыя парафіі Магілёўскага дэканату, каб асвяціць велікодныя стравы і падзяліцца пасхальнай радасцю.

Сотні гомельскіх католікаў сабраліся ў Пасхальную вігілію ў касцёле Нараджэння Божай Маці, маліліся і слухалі Слова Божае да самай раніцы. З-за недахопу месцаў у касцёле службы праводзіліся паралельна ў дзвюх залах. Многія прыйшлі ў гэтую ноч з дзецьмі, і многія абрады адмыслова праводзіліся для маленькіх вернікаў.

4 красавіка біскуп Віцебскі Алег Буткевіч узначаліў урачыстасць Пасхальнай вігіліі ў катэдральным касцёле Езуса Міласэрнага ў Віцебску.