13-14 красавіка па дарозе з Масквы ў Кіеў Мінск наведалі члены экуменічнай супольнасці Тэзе з Францыі на чале з яе прыёрам братам Алоісам. У першы дзень яны наведалі мінскі архікатэдральны касцёл Імя Найсвяцейшай Панны Марыі, у другі – грэка-каталіцкі цэнтр святога Язэпа і праваслаўную царкву Усіх смуткуючых радасць.

Тыдзень Божай Міласэрнасці для вернікаў Іўя быў насычаны рознымі падзеямі: пачаўся і працягнуўся наведваннем шматлікіх хворых у розных шпіталях Іўеўскага раёна, а скончыўся канцэртам з удзелам ансамбля «Рафіка» і выступам маладога музыкі Антонa Шукава.

12 красавіка, у Нядзелю Божай Міласэрнасці, у касцёле Святога Духа ў Віцебску адбылося асвячэнне новай парафіяльнай залы, якое здзейсніў біскуп Віцебскі Алег Буткевіч.

У Нядзелю Божай Міласэрнасці, 12 красавіка, у Доме культуры ў Сапоцкіне (Гродзенская дыяцэзія) сабралося каля 120 чалавек, каб убачыць містэрыю, падрыхтаваную дзецьмі і моладдзю з парафіі Унебаўзяцця Найсвяцейшай Панны Марыі.

«Галоўнае – не перамога, а паяднанне»: пад такім дэвізам 10-11 красавіка прайшла сустрэча міністрантаў у парафіі Маці Божай Фацімскай у Жодзіне. Такія сустрэчы сталі звычайнымі для каманд з марыянскіх парафій Жодзіна, Барысава і Мінска, а прадстаўнікі Маладзечна і Полацка ўдзельнічалі ў першы раз.

Святкаванне Вялікадня паводле беларускіх традыцый адбылося ў браслаўскай парафіі. 11 красавіка моладзь Браслава і Мёраў сабралася разам, каб святкаваць Уваскрасенне Пана.

“Вялікі дзень! Душы ўваскрашэнне, Уваскрашэнне праўды і дабра, Сумленнасці, любові і натхнення, І міласці ў вобразе Хрыста”, - гэтымі словамі 12 красавіка пачаўся велікодны канцэрт “Хачу спяваць праз усё жыццё” ў салезіянскім араторыі імя св. Яна Боско ў Смаргоні.

У другую велікодную нядзелю Касцёл перажывае свята Божай Міласэрнасці. Свята было ўстаноўлена 15 год таму святым Янам Паўлам ІІ. Лічыцца, што гэта “апошняя саломінка” для грэшнікаў. Езус Хрыстус падчас аб'яўленняў святой сястры Фаўстыне Кавальскай заклікаў маліцца Вяночкам да Божай Міласэрнасці.

Ва ўрочышчы Курапаты аднаўляецца штотыднёвая талака па прыбіранні мемарыялу памяці. У планах валанцёраў стварэнне новай крыжовай алеі і мемарыялізацыі «дарогі смерці», па якой у лясны масіў прывозілі людзей, прыгавораных да расстрэлу.

Новая кніга «Адзінаццаць мучаніц», аўтарам якой з'яўляецца Марыя Стажынская, выйшла ў «Выдавецтве Гродзенскай дыяцэзіі». Выданне кнігі прымеркавана да 15-й гадавіны беатыфікацыі адзінаццаці сясцёр-мучаніц з Навагрудка.

Пра парафію Святога Духа ў Гродне, ад заснавання якой прайшло тры гады, распавядае для catholic.by яе пробашч — кс. Павел Салабуда. Заснаванне, трываласць вернікаў, будаўніцтва святыні, планы, спадзяванні і іх спаўненне...

11 красавіка ў Шчучыне адбыліся рэкалекцыі для моладзі, якая рыхтуецца да сакрамэнту канфірмацыі ў гэтым годзе. У аднадзённых рэкалекцыях прымалі ўдзел каля 40 кандыдатаў.

У нядзелю пасля вячэрняй святой Імшы ў мінскім касцёле свв. Сымона і Алены адбыўся дабрачынны канцэрт, прымеркаваны да святкавання Вялікадня, а таксама ў падтрымку дабрачыннага каталіцкага таварыства «Карытас».

У нядзелю Божай Міласэрнасці, 12 красавіка, моладзь парафіі Святога Мікалая, біскупа, у Геранёнах падрыхтавала і паставіла пантаміму.

Вернікі парафіі ў Сапоцкіне, сярод якіх дзеці і моладзь, па традыцыі штогод у нядзелю Божай Міласэрнасці здзяйсняюць пілігрымку ў парафіяльную капліцу ў Свяцку (Гродзенская дыяцэзія), дзе знаходзіцца абраз “Езу, давяраем Табе”. Удзельнікі пілігрымкі ў гэтае свята, устанаўлення якога пажадаў сам Хрыстус, хочуць даверыць Езусу Міласэрнаму свае справы і клопаты.