18 красавіка, калі ў Беларусі быў прызначаны Рэспубліканскі суботнік, у Гомелі прайшоў наступны этап добраўпарадкавання Прудкоўскіх могілак. Своеасаблівы міжканфесійны суботнік правялі Гомельская юдэйская рэлігійная супольнасць «Бэйт Яакаў», абласная габрэйская супольнасць «Ахдут», дзяржаўнае прадпрыемства «Гомельскі спецкамбінат» і хрысціянскія вернікі, у тым ліку скаўты гомельскай рыма-каталіцкай парафіі Нараджэння Божай Маці.

У свята Божай Міласэрнасці, 12 красавіка, у парафіі Маці Божай Ружанцовай у Мінску адбылося першае набажэнства да Божай Міласэрнасці, што стала пачаткам новай парафіяльнай традыцыі. З гэтага дня Беларусь штогод праз урачыстую малітву будзе аддавацца ў апеку Божай Міласэрнасці. 

Інстытут тэалогіі імя свв. Мятода і Кірылы БДУ 16-18 красавіка праводзіць міжнародную навуковую канферэнцыю «Рэлігія і/або штодзённасць». У межах канферэнцыі 17 красавіка быў арганізаваны круглы стол «Рэлігія і школа», на якім Мінска-Магілёўскую архідыяцэзію прадставіў кс. ліц. Аляксандр Яшэўскі SDB.

16 красавіка, у чарговы дзень пілігрымкі падзякі за 25 гадоў існавання семінарыі ў Вечны горад, настаяцелі і навучэнцы Вышэйшай духоўнай семінарыі ў Гродне пасля сустрэчы з Дзяржаўным Сакратаром Папы кардыналам П’етро Паралінам удзельнічалі ў святой Імшы ў базыліцы св. Пятра. Імшу ўзначаліў дапаможны біскуп Гродзенскай дыяцэзіі Юзаф Станеўскі.

11 красавіка, у вігілію Нядзелі Божай Міласэрнасці, цыстэрс брат Уладзімір Лапацкі OCist атрымаў дыяканскае пасвячэнне. Прэзбітэрскае пасвячэнне атрымаў у гэты ж дзень дыякан Рамуальд Сяргей Касматовіч, францішканін. Абодва паходзяць з Беларусі. Урачыстасць адбылася ў базыліцы францішканаў у Катавіцах-Панеўніках, удзяліў пасвячэнне біскуп Віктар Скворц, Мітрапаліт Катавіцкі.

13 сакавіка 2015 года ў Рыме Святы Айцец Францішак абвясціў Юбілейны Святы Год, у цэнтры якога будзе Божая Міласэрнасць. Год Міласэрнасці распачнецца 8 снежня 2015 года.

16 красавіка, у чарговы дзень наведвання Вечнага горада, біскупа Гродзенскага Аляксандра Кашкевіча, дапаможнага біскупа дыяцэзіі Юзафа Станеўскага, настаяцеляў і навучэнцаў Вышэйшай духоўнай семінарыі ў Гродне прывітаў Дзяржсакратар Папы Францішка кардынал П’етро Паралін. Сустрэча з іерархам адбылася ў базыліцы св. Пятра.

Ксёндз Раман Рачко, рэктар Вышэйшай духоўнай семінарыі ў Гродне, які ў гэтыя дні разам з семінарыйнай супольнасцю знаходзіцца ў пілігрымцы ў Рыме, дзеліцца з карэспандэнтам catholic.by сваімі ўражаннямі.

15 красавіка адышоў да вечнага Валадарства шчыры беларус, грэка-каталіцкі святар і духоўны айцец многіх адданых справе Беларушчыны навукоўцаў і людзей культуры — а. Аляксандр Надсан.

15 красавіка навучэнцы і настаяцелі Вышэйшай духоўнай семінарыі ў Гродне пасля сустрэчы з Папам Францішкам, што адбылася падчас агульнай аўдыенцыі на плошчы св. Пятра, наведалі Ватыканскія музеі, дзе маглі бліжэй пазнаёміцца з гісторыяй Апостальскай Сталіцы і папства і глыбей адчуць Паўсюдны Касцёл.

Хіба аніводзін беларус, якога б запыталіся на вуліцы, не змог бы распавесці анічога пра гэту асобу. А між тым гэта імя заслугоўвае вялікай увагі, як з боку беларускага, дзе біскуп Слосканс быў прызначаны Апостальскім адміністратарам Мінскім і Магілёўскім у маі 1926 г, так і з боку латышскага, дзе ў далёкім 1893 годзе ў мястэчку Стэрневе і нарадзіўся будучы святар.

12 красавіка, у свята Божай Міласэрнасці, дзеці з парафіі Святой Сям’і ў Лідзе выступілі ў сваім касцёле з прадстаўленнем аб муцы, смерці і Уваскрасенні Езуза Хрыста.

14 красавіка ў гомельскім Доме міласэрнасці сёстры ордэну Місіянерак Любові (Маці Тэрэзы) зладзілі святочны велікодны абед для мясцовых жабракоў і бяздомных. Сёстры амаль штодня кормяць бедных, а вялікія святочныя абеды традыцыйна ладзяць на Каляды і Вялікдзень у той час, калі гэтыя святы адзначаюць праваслаўныя, якіх у Гомелі большасць.

15 красавіка падчас агульнай аўдыенцыі на плошчы св. Пятра ў Рыме Папа Францішак скіраваў прывітанне настаяцелям і навучэнцам вышэйшай духоўнай семінарыі ў Гродне. На плошчы прысутнічалі таксама біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.

Новая кніга кс. Караля Тамэцкага, святара, які шмат гадоў выконваў пастырскае служэнне на Магілёўшчыне, пабачыць свет 16 красавіка.