1 мая ў Мінску прайшоў першы гарадскі велапарад і адкрыццё веласезону 2015. Прынялі ўдзел у заездзе і прадстаўнікі каталіцкай супольнасці - пяць святароў з розных парафій на чале з Мітрапалітам Мінска-Магілёўскім арцыбіскупам Тадэвушам Кандрусевічам.

3 мая Мітрапаліт Мінска-Магілёўскі арцыбіскуп Тадэвуш Кандрусевіч прыняў удзел у сустрэчы на тэму “Шляхі ўзаемаразумення паміж немцамі і беларусамі”. Сустрэча адбылася ў межах Мемарыяльнай паездкі ў Трасцянец “Памятаем дзеля агульнаеўрапейскай будучыні”, прысвечанай 70-годдзю Перамогі над фашызмам.

3 мая ў Смаргоні завяршыліся ХХІІ Дні моладзі Гродзенскай дыяцэзіі. У іх прынялі ўдзел амаль 2 тысячы маладых людзей з усёй дыяцэзіі, а таксама з Мінска-Магілёўскай архідыяцэзіі і Пінскай дыяцэзіі.

3 мая, у V Велікодную нядзелю, Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў святую Імшу ў мінскім касцёле свв. Сымона і Алены.

2 мая ў межах ХХІІ Дзён моладзі Гродзенскай дыяцэзіі адбылася эўхарыстычная адарацыя, падчас якой вельмі шмат людзей прыступіла да сакрамэнту пакаяння. Адарацыя і сакрамэнт пакаяння падрыхтавалі маладых людзей да пасвячэння ў “Рух чыстых сэрцаў”.

2 мая ў першай палове дня ў межах ХХІІ Дыяцэзіяльных дзён моладзі ў Смаргоні адбылася катэхеза ў групах. Дні моладзі Гродзенскай дыяцэзіі сёлета прысвечаны словам благаслаўленняў Езуса “Шчаслівыя чыстыя сэрцам, бо яны Бога ўбачаць” (Мц 5, 8).

2 мая ў межах ХХІІ Дзён моладзі Гродзенскай дыяцэзіі Смаргонь наведаў Апостальскі Нунцый у Беларусі арцыбіскуп Клаўдыё Гуджэроцці. Іерарх узначаліў святую Імшу, падчас якой сустрэўся з маладымі вернікамі Касцёла на Гродзеншчыне.

2 мая ў парафіі ў Дзераўной святкаваўся залаты юбілей сужэнства Леаніда і Станіславы Дубатовак, якія маюць 3 дзяцей, 6 унукаў і 2 праўнукаў. Святую Імшу цэлебраваў біскуп Пінскі Антоні Дзям’янка.

Міжнародная дыяканія евангелізацыі “Каштоўная пярліна” руху “Святло-Жыццё” разам са сваім мадэратарам кс. Ірэнэушам Копачам 1 мая здзейсніла сваю штогадовую пілігрымку ў Нацыянальны санктуарый Маці Божай Будслаўскай.

1 мая ў Смаргоні пачаліся XXII Дні моладзі Гродзенскай дыяцэзіі. На запрашэнне біскупа Гродзенскага Аляксандра Кашкевіча адказалі амаль дзве тысячы маладых людзей, што прыбылі з усёй дыяцэзіі і з іншых дыяцэзій Беларусі.

1 мая ў мінскім касцёле святых Сымона і Алены адбыўся агульнанацыянальны сімпозіум з нагоды Года кансэкраванага жыцця. На ім прысутнічала адна трэць законных асобаў, якія працуюць у нашай краіне.

1 мая ў Смаргоні пачаліся XXII Дыяцэзіяльныя дні моладзі Гродзенскай дыяцэзіі. Горад вельмі гасцінна і сардэчна прывітаў амаль 2 тысячы маладых людзей, якія прыбылі з усёй дыяцэзіі – гэтая лічба стала рэкорднай за ўсю гісторыю прaвядзення Дыяцэзіяльных дзён моладзі.

1 мая ў Пінску адбыліся ўрачыстасці ў гадавіну асвячэння катэдральнага касцёла Унебаўзяцця Найсвяцейшай Панны Марыі. Святую Імшу цэлебраваў біскуп Пінскі Антоні Дзям’янка.

«Быць адкрытым на Бога, аддаць усё сваё жыццё ў Яго рукі, не баяцца ісці за голасам свайго сэрца…» — некалькі простых, а, можа, складаных парад для тых, хто шукае сваёй дарогі ў жыццi, дае сястра-аспірантка Вікторыя Гомза з Кангрэгацыі Сясцёр Найсвяцейшай Сям’і з Назарэта.