Часопіс «Дыялог» адзначае 20-годдзе. З гэтай нагоды біскуп Антоні Дзям’янка, ардынарый Пінскай дыяцэзіі і Генеральны сакратар Канферэнцыі Каталіцкіх Біскупаў Беларусі, скіраваў свае пажаданні.
18 студзеня часопіс „Дыялог” адзначае 20-годдзе. Kультурна-рэлігійны часопіс быў заснаваны Ордэнам айцоў вербістаў у 1994 годзе. Каля крыніц часопіса стаяў а. Ежы Мазур SVD, сенняшні біскуп Элцкі (Польшча).
Каўчэг з Дарамі Трох Каралёў прыбывае ў Мінск 17 студзеня і будзе знаходзіцца там да 24 студзеня. Дары будуць выстаўлены для пакланення ў царкве пры Доме міласэрнасці.
12 студзеня, у свята Хросту Пана, біскуп Пінскі Антоні Дзям'янка наведаў з калядным візітам парафію Унебаўзяцця Найсвяцейшай Панны Марыі ў в. Асавая і парафію Нараджэння Найсвяцейшай Панны Марыі ў г. Століне Пінскага дэканату.
Традыцыйна ў пачатку года каталіцкія святары наведваюць вернікаў з душпастырскім візітам, падчас якога асвячаюць іх дамы і кватэры. Падчас «каляды» дапаможны біскуп Пінскай дыяцэзіі Казімір Велікаселец і вікарый гомельскай парафіі Нараджэння Божай Маці кс. Дамінік Шыманскі наведалі ўжо дзясяткі сем'яў.
12 студзеня, у свята Хросту Пана, у парафіі Святога Духа ў Віцебску са святочным канцэртам выступіў Гарадскі камерны хор (мастацкі кіраўнік Таццяна Жукава) КСЦ “Віцебск”. У праграме канцэрта прагучалі песні-калядкі “Ціхая ноч”, ”Зямля і неба”, спевы да Маці Божай на беларускай і рускай мовах, калядныя песні на музыку рускіх кампазітараў.
8 студзеня моладзь парафіі Святога Андрэя Баболі ў Полацку наведала з калядным прадстаўленнем дзяцей у мясцовым прытулку, каб дзеці, пазбаўленыя бацькоўскай любові, мелі магчымасць сустрэць Хрыста ў іншым чалавеку, адчуць сябе шчаслівымі і патрэбнымі.
У эфіры перадачы «Сёння вечарам» пераможца расійскага песеннага праекта «Голас» беларус Сяргей Валчкоў распавёў, што верыць у Бога, з’яўляецца практыкуючым хрысціянінам і спявае ў царкоўным хоры. Пры гэтым менавіта ў святыні ён упершыню ўбачыў сваю будучую жонку.
Дзякуючы каталіцкаму дабрачыннаму таварыству «Карытас» Віцебскай дыяцэзіі дзеці парафіі ў Лынтупах здзейснілі паездку ў Мінск, дзе наведалі заапарк і дэльфінарый.
Святочны абед для бедных зноў арганізавалі ў адзіным у Беларусі Доме міласэрнасці ордэна Маці Тэрэзы ў Гомелі. 7 студзеня, калі праваслаўныя святкуюць Божае Нараджэнне, каталіцкія законніцы зладзілі сапраўднае свята для гомельскіх бяздомных.
Дабрачыннае каталіцкае таварыства “Карытас” Мінска-Магілёўскай архідыяцэзіі правяло акцыю “Зімовая дапамога” для адзінокіх людзей і сем’яў прыёмнага тыпу.
Пры падтрымцы каталіцкага дабрачыннага таварыства “Сaritas” Віцебскай дыяцэзіі ў парафіі Унебаўзяцця Найсвяцейшай Панны Марыі ў Мёрах адбылося святочнае мерапрыемства для маладых людзей з абмежаванымі магчымасцямі.
ІІ Нядзеля пасля Божага Нараджэння для вернікаў парафіі Святой Тройцы ў Ружанах стала днём сустрэчы з ардынарыем Пінскай дыяцэзыі — біскупам Антоніем Дзям'янкам. У святой Імшы, якую ўзначаліў біскуп, прынялі ўдзел таксама некалькі вернікаў праваслаўнага веравызнання.
4 студзеня ў Мёрах (Віцебская дыяцэзія) у трынаццаты раз адбыўся конкурс каляднай песні “Зорка Бэтлеема”. Конкурс праходзіў у раённым Доме культуры.
Дапаможны біскуп Пінскай дыяцэзіі Казімір Велікаселец і пробашч гомельскай парафіі Нараджэння Божай Маці кс. Славамір Ласкоўскі павіншавалі епіскапа Гомельскага і Жлобінскага Стэфана са святам Божага Нараджэння. Праваслаўныя вернікі адзначаюць яго 7 студзеня.