“Мы прызначаны для хвалы, якую мае Езус у небе. Але перад гэтым нас чакае крыж, які мы павінны несці. Для гэтага мы павінны быць моцнымі духоўна. Менавіта таму кожны год у Вялікі пост мы, нягледзячы на складаную і цяжкую дарогу нашага жыцця, разам з Езусам падымаемся на гару Табор”, - падкрэсліў Мітрапаліт Мінска-Магілёўскі арцыбіскуп Тадэвуш Кандрусевіч падчас Імшы ў другую нядзелю Вялікага посту, 16 сакавіка. Імшу іерарх цэлебраваў у мінскім архікатэдральным касцёле.

15 сакавіка Мітрапаліт Мінска-Магілёўскі арцыбіскуп Тадэвуш Кандрусевіч узначаліў Імшу ў гадавіну асвячэння архікатэдральнага касцёла Імя Найсвяцейшай Панны Марыі. Касцёл быў асвячаны ў 1710 г.

“III нядзеля Вялікага посту прысвечана Нацыянальнаму дню „Caritas”. Разам з распачатымі духоўнымі практыкамі гэтага перыяду мы накіроўваем нашыя думкі і сэрцы да людзей убогіх, патрабуючых, а таксама тых, хто бескарысліва апякуецца імі”, - адзначаюць біскупы Беларусі.

“Ужо на працягу некалькіх гадоў як у Паўсюдным Касцёле, так і ў нас практыкуецца гэтак званае „Духоўнае ўсынаўленне”, якое заключаецца ў малітве за дзяцей, жыццё якіх знаходзіцца ў небяспецы, а таксама за іх бацькоў. Яна трывае дзевяць месяцаў, і больш урачыста мы распачынаем яе на Звеставанне Пана, - адзначаецца ў паведамленні. - Просім, каб як мага большая колькасць веруючых і людзей добрай волі далучылася да гэтай формы малітвы за захаванне жыцця дзіцяці, якое знаходзіцца пад сэрцам маці”.

Па традыцыі на другім тыдні Вялікага посту супрацоўнікі дабрачыннага каталіцкага таварыства “Карытас” у Беларусі збіраюцца на духоўныя практыкаванні. У гэтым годзе да іх далучыліся таксама валанцёры арганізацыі, на якіх ускладаецца асноўная частка дзейнасці. Удзельнікаў духоўных практыкаванняў прымаў “Карытас” Мінска-Магілёўскай архідыяцэзіі ў Цэнтры св. Лукі ў Ляскоўцы.

13 сакавіка ў архікатэдральным касцёле Імя Найсвяцейшай Панны Марыі ў Мінску адбылася Імша падзякі ў першую гадавіну абрання Папы Францішка – кардынала Хорхе Марыё Берголіо – на Святы Пасад. Імшу ўзначаліў Апостальскі Нунцый у Беларусі арцыбіскуп Клаўдыё Гуджэроцці.

13 сакавіка, у гадавіну абрання Папы Францішка, урачыстая Імша адбылася ў катэдральным касцёле ў Пінску. Імшу з удзелам шматлікіх вернікаў, выкладчыкаў, выхавацеляў, духавенства курыі і катэдральнай парафіі, кансэкраваных асобаў узначаліў біскуп Пінскі Антоні Дзям’янка.

13 сакавіка адбылася сустрэча духавенства і кансэкраваных асобаў Мінска-Магілёўскай архідыяцэзіі. Сустрэчу, якая праходзіла ў парафіі Св. Яна Хрысціцеля ў Мінску, узначаліў Мітрапаліт Мінска-Магілёўскі арцыбіскуп Тадэвуш Кандрусевіч.

13 сакавіка адбылося першае ў бягучым годзе пасяджэнне Рады святароў Мінска-Магілёўскай архідыяцэзіі. Пасяджэнне праходзіла ў парафіі Святога Яна Хрысціцеля ў Мінску.

13 сакавіка, у гадавіну абрання кардынала Хорхе Марыё Берголіо - Папы Францішка – на Святы Пасад, сваімі думкамі і ўражаннямі пра Пантыфіка падзяліўся з catholic.by дапаможны біскуп Гродзенскай дыяцэзіі Юзаф Станеўскі.

13 сакавіка 2014 г. – першая гадавіна абрання Папы Францішка на Святы Пасад. Пра Пантыфікат і асобу Папы распавёў catholic.by Мітрапаліт Мінска-Магілёўскі арцыбіскуп Тадэвуш Кандрусевіч.

«Дзякую Богу за цудоўны дзень, за спрыяльнае надвор’е і за вашу прысутнасць на гэтай сустрэчы» — гэтымі словамі кс. Біскуп Алег Буткевіч распачаў Эўхарыстыю падчас сустрэчы святароў і законных асоб у Паставах, якая адбылася 11 сакавіка.

11 сакавіка адбылася сустрэча Мітрапаліта Мінска-Магілёўскага арцыбіскупа Тадэвуша Кандрусевіча і старшыні Мінскага аблвыканкама Сямёна Шапіры.

Біскуп Віцебскі Алег Буткевіч 11 сакавіка прызначыў марыяніна а. Аляксандра Жарнасека з парафіі Св. Юзафа ў Оршы экзарцыстам дыяцэзіі. Да гэтага часу Віцебская дыяцэзія не мела свайго экзарцыста.

9 сакавіка біскуп Пінскі Антоні Дзям’янка ўзначаліў у пінскім катэдральным касцёле набажэнства Песняў Жальбы. Іерарх звярнуўся да вернікаў з гаміліяй.