У межах праекту “Акно ў свет” прайшла паездка дэлегацыі ў складзе прадстаўнікоў дабрачыннага каталіцкага таварыства “Карытас” у Беларусі і грамадскага аб’яднання бацькоў дзяцей і моладзі з інваліднасцю «БелАПДИиМИ» у Аўстрыю. Удзельнікі паездкі пазнаёміліся з сістэмай дапамогі інвалідам ад ранняга ўзросту да самастойнага пражывання і мелі магчымасць падзяліцца вопытам у гэтай сферы з партнёрамі з Аўстрыі і Арменіі.

Мітрапаліт Мінска-Магілёўскі арцыбіскуп Тадэвуш Кандрусевіч 20 студзеня наведаў храм пры Доме міласэрнасці ў Мінску, дзе ўшанаваў Дары Трох Каралёў – святыню з Афона, прынясенне якой ажыццяўляецца па благаслаўленні Патрыярха Маскоўскага і ўсяе Русі Кірыла. Дары прыбылі ў Беларусь 17 студзеня.

19 студзеня біскуп Алег Буткевіч узначаліў у парафіі Св. Антонія Падуанскага ў Віцебску, дзе 10 гадоў выконваў абавязкі пробашча, сваю першую нядзельную Імшу пасля біскупскага пасвячэння, якое адбылося 18 студзеня.

Парафія Св. Юзафа ў Маладзечне падарыла дабрачыннаму каталіцкаму таварыству “Карытас” калядныя падарункі “Самарытанскі кашалёк”. Гэтыя падарункі збіраюць самі дзеці і дораць іншым дзецям.

Рух “Пралайф Беларусь” збірае подпісы пад петыцыяй у парламент Беларусі з мэтай таго, каб у другой рэдакцыі закона аб ахове здароўя былі ўлічаны папраўкі, прапанаваныя рухам. На сённяшні момант дазволена даабортнае кансультаванне, а ўрачам дадзена права адмаўляцца ад абортаў.

1 лютага Папа Францішак сустрэнецца з удзельнікамі Нэакатэхуменальнага Шляху. З прадстаўнікоў Гомельскага дэканату Пінскай дыяцэзіі, дзе актыўна развіваецца Нэакатэхуменальны Шлях, на сустрэчу ў Рым адправяцца пробашч гомельскай парафіі Нараджэння Божай Маці ксёндз прэлат Славамір Ласкоўскі і пробашч светлагорскай парафіі Узвышэння Святога Крыжа ксёндз дэкан Тадэвуш Саморэк.

Капліца св. Казіміра ў г.п. Ружаны знаходзіцца на могілках гарадскога пасёлка. Капліца з’яўляецца аб’ектам гісторыка-культурнай спадчыны, помнік архітэктуры ранняга класіцызму, першапачаткова ўваходзіла ў склад комплексу базыльянскага кляштара. Дата заснавання капліцы пазначаецца як 1792 г.

Новы біскуп - гэта вялікая падзея для дыяцэзіі і паўсюднага Касцёла. Калі біскуп яшчэ і той, хто нарадзіўся, рос і сталеў на той зямлі, на якой зараз будзе служыць, то гэта асаблівая Божая ласка, што агортвае ягоны родны край.

18 студзеня ў катэдральным касцёле ў Віцебску падчас урачыстай Імшы адбылося біскупскае пасвячэнне ардынарыя Віцебскай дыяцэзіі Алега Буткевіча. Галоўным пасвячаючым біскупам быў Апостальскі Нунцый у Беларусі арцыбіскуп Клаўдыё Гуджэроцці, асістуючымі — Мітрапаліт Мінска-Магілёўскі арцыбіскуп Тадэвуш Кандрусевіч і біскуп Гродзенскі, старшыня Канферэнцыі Каталіцкіх Біскупаў Беларусі Аляксандр Кашкевіч.

18 студзеня адзначаецца 20-годдзе культурна-рэлігійнага часопіса “Дыялог”. Свае віншаванні скіроўваюць супрацоўнікі рэдакцый часопісаў “Наша вера”, “Аve Maria” і выдавецтва “Pro Christo”.

17 студзеня ў Беларусь упершыню прыбылі Дары Трох Каралёў. Святыня, якая мае непасрэднаe дачыненне да зямнога жыцця Хрыста, была дастаўлена з манастыра святога Паўла (гара Афон).

17 студзеня ў Мінскім епархіяльным упраўленні адбылася сустрэча Патрыяршага Экзарха ўсяе Беларусі Мітрапаліта Мінскага і Слуцкага Паўла з Апостальскім Нунцыем у Беларусі арцыбіскупам Клаўдыё Гуджэроцці.

27 студзеня ў гомельскім касцёле Нараджэння Божай Маці пачынаюцца штогадовыя катэхезы, разлічаныя на людзей незалежна ад канфесіі, светапогляду, як вернікаў, так і атэістаў. Сустрэчы будуць праходзіць па панядзелках і чацвяргах у 19.30.

Дзеці з анкалагічнымі захворваннямі, якія жывуць у Дабрачынным сацыяльна-рэабілітацыйным цэнтры св. Лукі, наведалі дэльфінарый «Немо». Білеты дзецям падарыў дэльфінарый, а паездку дзяцей і іх бацькоў  на прадстаўленне арганізавала каталіцкае дабрачыннае таварыства “Карытас” у Мінску.