7 студзеня вернікі Цэркваў, якія жывуць паводле юліянскага календара, святкуюць Божае Нараджэнне. Ражджаство адзначаюць у тым ліку праваслаўныя вернікі Беларусі.
Моладзь араторыя імя святога Яна Боско ў Смаргоні разам з с. Ірынай Барцэвіч FMA 5 студзеня падарыла дзецям-інвалідам святочны спектакль “Не знайшлося месца сярод багатых”.
5 студзеня, у ІІ Нядзелю пасля Божага Нараджэння, у парафіі Св. Юды Тадэвуша ў Лучаі пасля Імшы вернікі атрымалі калядны падарунак: у чарговы (ужо восьмы) раз у касцёле выступіў гурт "Recha" на чале з Андрусём Такіндангам. Таксама сюрпрызам для вернікаў стала прысутнасць на канцэрце Апостальскага Нунцыя ў Беларусі арцыбіскупа Клаўдыё Гуджэроцці.
6 студзеня Каталіцкі Касцёл адзначае ўрачыстасць Аб’яўлення Пана, вядомую таксама як Тры Каралі. Евангелле паводле Мацвея апавядае аб магах або мудрацах з Усходу, якія, ідучы за зоркай, прыбылі ў Ерузалем і Бэтлеем, шукаючы нованароджанага юдэйскага караля.
4 студзеня ў парафіі Св. Зыгмунта ў Баранавічах праходзіла калядная сустрэча моладзі Пінскай дыяцэзіі.
У перыяд Божага Нараджэння па ініцыятыве біскупа Антонія Дзям'янкі ва ўсіх парафіях Пінскай дыяцэзіі праходзіла «каляда» з удзелам іерархаў, каб падзяліць з вернікамі радасць свята. Католікаў Брэсцкай вобласці наведаў пінскі ардынарый, Гомельскай вобласці - дапаможны біскуп Казімір Велікаселец.
4 студзеня ў Беларусь прыбыў новы Мітрапаліт Мінскі і Слуцкі, Патрыяршы Экзарх усяе Беларусі Павел. Кіраўніка Беларускай Праваслаўнай Царквы сустрэлі ў Нацыянальным аэрапорце “Мінск”. Ад імя беларускай дзяржавы Мітрапаліта прывітаў упаўнаважаны па справах рэлігій і нацыянальнасцяў Леанід Гуляка.
У парафіі Беззаганнага Сэрца Марыі ў Оршы па традыцыі адзначылі заканчэнне Актавы Божага Нараджэння. Пасля Імшы дзеці і моладзь прадставілі батлейку, а потым атрымалі салодкія падарункі.
У межах фестывалю “Дні хрысціянскай культуры ў Віцебску” для пацыентаў Віцебскай абласной клінічнай бальніцы была падрыхтавана калядная выстава. Дзеці і настаўнікі клуба “Юнікс” падрыхтавалі творы, выкананыя ў тэхніцы акварэлі, гуашы, папяровай пластыкі і інш. і ўпрыгожылі адну з вялікіх залаў шпіталя.
2 студзеня дэлегацыя браслаўскага касцёла наведала відзаўскі дзіцячы дом сямейнага тыпу, гаспадыняй якога з’яўляецца даўняя парафіянка мясцовай святыні Святлана Дземідкевіч. Нядаўна яна стала мамай для шасцярых хлопчыкаў і дзяўчынак, якія па розных прычынах засталіся без бацькоўскай апекі.
У Гомельскай дзіцячай вёсцы адбылося свята для сірот-інвалідаў. На ранішнік да дзяцей прыехала шмат гасцей: прадстаўнікі ўлады, дабрачыннага каталіцкага таварыства “Карытас-міласэрнасць”, праваслаўны святар, госці з Польшчы.
«Слова да вернікаў» — пад такой назвай на Віцебскім абласным радыё выходзіць каталіцкая перадача, якую вядзе кс. Валерый Марціноўскі, а з чэрвеня 2014 г. - кс. Іван Кароткін. Прапануем чарговы выпуск перадачы.
28 снежня ў парафіі Маці Божай Фацімскай у Баранавічах упершыню адбылася калядная сустрэча вернікаў з біскупам Пінскім Антоніем Дзям’янкам. Іерарх узначаліў у парафіі Імшу, а пасля падзяліўся аплаткай з прысутнымі.
29 снежня, у свята Святой Сям’і, адбылася сустрэча сем’яў баранавіцкага цэнтра руху “Сужэнскія сустрэчы”. Яе наведаў біскуп Пінскі Антоні Дзям’янка, які ўзначаліў Імшу, што праходзіла ў Доме Святой Тройцы.