Мінскі касцёл Свв. Сымона і Алены (Чырвоны касцёл) з’яўляецца адным з самых наведваемых у беларускай сталіцы. У нядзелю тут праходзіць восем святых Імшаў.

26 сакавіка дапаможны біскуп Мінска-Магілёўскай архідыяцэзіі і біскупскі вікарый для г. Магілёва і Магілёўскай вобласці Аляксандр Яшэўскі SDB наведаў каталіцкія парафіі Шклоўшчыны — Шклоў, Фашчаўку і Княжыцы.

З 20 па 25 сакавіка Мітрапаліт Тадэвуш Кандрусевіч з групай спецыялістаў з мінскай школы бізнесу знаходзіўся ў ЗША па запрашэнні фонду Urbi et Orbi («Гораду і свету»), які падтрымлівае дыялог паміж католікамі і праваслаўнымі з мэтай паляпшэння ўзаемаразумення і сяброўства.

«Гісторыя беларускага народа сведчыць аб тым, што ён заўсёды знаходзіў мірныя шляхі для вырашэння ўзнікаючых праблем. У сувязі з гэтым заклікаю дзяржаўную ўладу і яе апанентаў, а таксама грамадскія арганізацыі і людзей розных поглядаў да канструктыўнага дыялогу...».

19 сакавіка дапаможны біскуп Мінска-Магілёўскай архідыяцэзіі і біскупскі вікарый для г. Магілёва і Магілёўскай вобласці Аляксандр Яшэўскі SDB наведаў парафію Божай Міласэрнасці ў Асіповічах.

Занепакоены захаваннем Божага закону, які з’яўляецца гарантам ў будаванні шчаслівага жыцця, Каталіцкі Касцёл выказвае сваю глыбокую заклапочанасць патэнцыяльнай магчымасцю распаўсюджвання гендарнай ідэалогіі ў беларускім грамадстве.

13 сакавіка арцыбіскуп Тадэвуш Кандрусевіч, Мітрапаліт Мінска-Магілёўскі, прыняў удзел у мерапрыемствах, звязаных з адкрыццём выставы, прысвечанай памяці ахвяраў лагера смерці ў Трасцянцы.

«Перыяд Вялікага посту патрэбны нам для таго, каб глыбей зазірнуць у сябе, засяродзіцца над уласным жыццём, больш увагі прысвяціць духоўным справам і клопату аб вечным збаўленні», — чытаем у Пастырскім лісце біскупа Гродзенскага Аляксандра Кашкевіча на Вялікі пост, якое будзе зачытана ў парафіях Гродзенскай дыяцэзіі ў першую нядзелю Вялікага посту 5 сакавіка.

«Не трэба пакланяцца самому сабе і сфармаванаму намі нашаму «я», якое мы баімся страціць. Сваімі сіламі мы не дасягнём вечнага Валадарства, бо на шляху да яго знаходзіцца злы дух. Аднак Хрыстус перамог яго і адчыніў нам брамы неба. Трэба толькі скарыстацца плёнамі Яго перамогі», — піша арцыбіскуп Тадэвуш Кандрусевіч у Пасланні на Вялікі пост.

«Час Вялікага посту — гэта час нашага вяртання да Бога, адзінага ў Тройцы: Айца і Сына, і Духа Святога. Час вяртання да адраджэння, якое здзейснілася праз ваду і Духа Святога ў хросце і канфірмацыі», — піша ў сваім пасланні на Вялікі пост біскуп Віцебскі Алег Буткевіч.

26 лютага Мітрапаліт Тадэвуш Кандрусевіч наведаў парафію Свв. Сымона і Алены ў Мінску (Чырвоны касцёл), дзе ўзначаліў святую Імшу. Напярэдадні Вялікага посту, які сёлета распачынаецца 1 сакавіка, арцыпастыр заклікаў звярнуць увагу на грэх занядбання даверу Богу.

«Манаскае жыццё ў нашым Касцёле стала яго сапраўдным сэрцам. І яно будзе нястомна біцца на працягу ўсяго існавання Касцёла», — адзначае ў сваім звароце біскуп Аляксандр Яшэўскі SDB, адказны за пастырства Інстытутаў кансэкраванага жыцця і таварыстваў апостальскага жыцця пры епіскапаце Беларусі. 2 лютага ў Каталіцкім Касцёле адзначаецца Дзень кансэкраванага жыцця.

29 студзеня Мітрапаліт Мінска-Магілёўскі арцыбіскуп Тадэвуш Кандрусевіч наведаў сталічную парафію Беззаганнага Зачацця Найсвяцейшай Панны Марыі (Сухарава) і ўзначаліў святую Імшу.

З кароткім візітам у Варшаву прыехалі каталіцкія біскупы Беларусі. 25 студзеня іерархі сустрэліся з прадстаўнікамі нямецкай дабрачыннай арганізацыі Renovabis, Папскага таварыства Дапамога Касцёлу на Усходзе пры польскім епіскапаце, а таксама з Канферэнцыяй Біскупаў ЗША. Гэта тры найбуйнейшыя інстытуцыі, якія ўжо многія гады дапамагаюць Касцёлу ў Беларусі.

Гэты ліст святары абвесцяць  у апошнюю нядзелю студзеня 2017 года на ўсіх святых Імшах, альбо выкарыстаюць яго думкі ў казаннях. Акрамя таго, ліст вывесяць на прыкасцёльнай дошцы аб’яваў на перыяд да Папяльцовай серады.