Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Моладзь з Дунілавіч, Варапаева і Ляхаўшчыны ўдзельнічала ў сустрэчы «Моц веры»
Беларусь - Віцебская дыяцэзія
21.10.2012 18:53

20 кастрычніка 2012 г. у парафіі Найсвяцейшай Тройцы ў Дунілавічах (Віцебская дыяцэзія, Пастаўскі дэканат) адбылася сустрэча моладзі пад назвай «Моц веры». Удзельнічалі ў сустрэчы маладыя вернікі з Дунілавіч, Варапаева і Ляхаўшчыны.

На самым пачатку пробашч парафіі Найсвяцейшай Тройцы кс. Павел Самсонаў прывітаў хлопцаў і дзяўчат, якія прыехалі, каб супольна разважаць над верай, з’яднацца ў малітве і разам правесці хвіліны радасці ў забавах.

Падчас канферэнцыі, якую прамовіў кс. Чэслаў Куцмеж, прагучаў заклік да моладзі задумацца над сваёй верай: ці яна сапраўды жывая, ці праяўляецца ў адносінах да іншых людзей, якія навокал нас, ці сведчаць нашы ўчынкі аб тым, што мы хрысціяне? Святар адзначыў, што мы не можам быць толькі веруючымі ў святыні, а павінны сведчыць аб сваёй веры паўсюль, дзе знаходзімся: у школе, у краме ці ў супольнасці з сябрамі. Ксёндз Куцмеж прыгадаў словы св. Якуба, што «вера без учынкаў мёртвая», таму, як дадаў, трэба старацца, каб наша адзінства з Езусам было заўсёды дзейснае і жывое.

Пасля канферэнцыя моладзь праявіла творчасць падчас працы ў групах. Вынікамі сталі калажы на тэму «Вера для мяне — гэта…». Потым удзельнікі з’ядналіся ў супольнай ружанцовай малітве і святой Імшы.

Другая частка сустрэчы распачалася вячэрай, а пасля адбыўся доўгачаканы «вясёлы вечар». Забаўляльная праграма прайшла ў атмасферы радасці і еднасці.

На заканчэнне ўдзельнікі падзякавалі кс. Паўлу Самсонаву за запрашэнне і гасціннасць.

С. Марына Брылёнак

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме

Беларусь - Віцебская дыяцэзія

27.06 08:50Біскуп Алег Буткевіч памаліўся за ахвяраў Беразвецкай трагедыі
26.06 16:36У Віцебску прайшла міжнародная канферэнцыя на тэму духоўнай спадчыны Францішка Скарыны
26.06 14:17«Горад Скарыны вачыма мастакоў»: у Віцебску адкрылася выстаўка да 500-годдзя беларускай Бібліі
20.06 10:33Упершыню ў Будслаў ладзіцца пілігрымка для людзей з алкагольнай і наркатычнай залежнасцямі
14.06 12:49На Браслаўшчыне знайшоўся старадаўні абразок з малітвай на беларускай лацінцы
13.06 16:48«Мы танцавалі ў гэтым клубе на выпускным, а сёння тут касцёл»: у Віцебску асвяцілі касцёл св. Антонія
12.06 15:05Сведчанне веры: працэсія Божага Цела прайшла вуліцамі Віцебска
12.06 10:14У Віцебску абмеркавалі праблемы ўрачэбнай этыкі
05.06 17:35Брат Канстанцін Гушча МІС з Наваполацка атрымаў дыяканскае пасвячэнне
02.06 08:48Беларус Яўген Жукоўскі прыняў дыяканскае пасвячэнне ў супольнасці сальватарыянаў