“Няхай Пан дасць нам усім – святарам і біскупам – ласку заўсёды знаходзіць і заўсёды памятаць нашу першую любоў, каб мы былі пастырамі, не саромеліся правесці канец свайго жыцця прыніжанымі ці нават страціўшымі розум. Няхай Бог дае нам заўсёды ласку наследаваць Езуса, ісці па Яго слядах, ласку ісці за Ім” - адзначыў Пантыфік.

Папа Францішак абвясціў аб сваім намеры здзейсніць пілігрымку да Вайсковага мемарыялу ў Рэпідульі, на поўначы Італіі, каб памаліцца за ахвяраў усіх войнаў. Нагодай для візіту стане 100-годдзе пачатку І Сусветнай вайны, якое адзначаецца сёлета.

Папа ўзначаліў 5 чэрвеня абрад апошняга развітання пасля пахавальнай св. Імшы па памерлым 2 чэрвеня кардынале Дурайсамі Саймане Лурдусамі. Былому прэфекту Кангрэгацыі па справах Усходніх Касцёлаў было 90 гадоў.

Касцёл «не здранцвелы» – Касцёл «свабодны». Гэта падкрэсліў 5 чэрвеня Святы Айцец. У сваёй гаміліі падчас ранішняй Эўхарыстыі ён звярнуў увагу на тры групы людзей, якія прэтэндуюць, каб называцца хрысціянамі: прыхільнікі «аднастайнасці», «альтэрнатывы» і «перавагі». Для іх, адзначыў Папа, Касцёл не з’яўляецца домам, яны выкарыстоўваюць яго ў якасці «арэнды».

5 чэрвеня Папа Францішак прыняў ў Ватыкане ўдзельнікаў сустрэчы прадстаўнікоў епіскапатаў і нацыянальных кіраўнікоў душпастырства цыган, якая праходзіць у Рыме. Двухдзённая праца форума, арганізаванага Папскай радай пастырства эмігрантаў і падарожнікаў, адбываецца пры ўдзеле дэлегатаў з 26 краін Амерыкі, Азіі і Еўропы. Часта цыгане знаходзяцца на ўзбочыне грамадства і на іх глядзяць з варожасцю і падазронасцю. Яны амаль не ўключаны ў палітычную, эканамічную і сацыяльную дынаміку краін пражывання, адзначыў Пантыфік.

«Так зможам па-сапраўднаму радавацца з тымі, хто радуецца, плакаць з тымі, хто плача, быць блізка да тых, хто самотны ці ўстрывожаны, папраўляць таго, хто памыляецца, суцяшаць таго, хто сумны, прымаць і дапамагаць тым, хто ў патрэбе. Існуе глыбокая сувязь паміж пабожнасцю і пакорай. Дар пабожнасці, які дае нам Святы Дух, робіць нас пакорнымі, спакойнымі, церпялівымі, прыміранымі з Богам, ставіць на пакорную службу іншым», — адзначыў Пантыфік.

«Ёсць нешта, што Езус робіць сёння. Я перакананы, што Ён так робіць. Ён паказвае Айцу свае раны, і просіць за нас нібыта кажучы: «Ойча, гэта іх кошт! Дапамажы ім, абарані іх. Яны Твае дзеці, якіх Я збавіў праз гэта. Бо інакш не зразумела, чаму Езус пасля ўваскрасення меў хвалебнае і цудоўнае цела, на якім не было сінякоў і знакаў ад бічавання, але былі раны. Пяць ранаў. Чаму Езус захацеў забраць іх на Неба? Каб маліцца за нас. Каб паказваць Айцу кошт: «гэта кошт, і зараз не пакідай іх адных. Дапамажы ім», — сказаў Папа.

“Езус нас суправаджае, вядзе, бярэ за руку і падымае нас, калі мы падаем”, - нагадаў Папа Францішак у разважанні падчас малітвы “Regina Caeli” на плошчы св. Пятра 1 чэрвеня. “Уваскрослы Езус знаходзіцца недалёка ад хрысціян, якіх пераследуюць і дыскрымінуюць. Ён побач з кожным чалавекам, які пакутуе”, - падкрэсліў Пантыфік.

1 чэрвеня пасля нядзельнай малітвы “Regina Caeli” на плошчы св. Пятра Папа Францішак пажадаў даверыць вырашэнне драматычнага канфлікту ва Украіне і ў Цэнтральна-Афрыканскай Рэспубліцы матчынаму заступніцтву Найсвяцейшай Панны Марыі, Каралевы Міру.

Падчас візіту ў дыяцэзію Касана-ала-Ёніё ў Калабрыі, які адбудзецца 21 чэрвеня, Папа Францішак сустрэнецца са зняволенымі, невылечна хворымі, беднымі, пажылымі, моладдзю, святарамі і семінарыстамі. Першым пунктам падарожжа Пантыфіка будзе мясцовая турма, куды Папа прыбудзе на верталёце непасрэдна з Ватыкана.

Лепшы свет немагчыма пабудаваць пры дапамозе нянавісці, але толькі дзякуючы сіле любові, адзначыў Папа Францішак на сустрэчы з дзецьмі з бедных і праблемных сем’яў, якія ўдзельнічалі ў ініцыятыве Папскай рады па культуры “Падворак дзяцей”.

Хрысціянская радасць — іншая. Гэта «радасць у надзеі», якая не мінае. «У момант выпрабавання мы яе не бачым. Гэта радасць, якая ачышчаецца выпрабаваннямі і нават выпрабаваннямі штодзённымі», — сказаў Папа Францішак.

"Яшчэ раз, як рабілі мае папярэднікі, прашу прабачэння за тое, што мы зрабілі, каб адбыўся падзел паміж хрысціянамі, і прашу Святога Духа дапамагчы залячыць раны, якія мы нанеслі братам", - сказаў Папа Францішак падчас агульнай аўдыенцыі 28 мая. Пантыфік падзяліўся ўражаннямі ад апостальскага падарожжа на радзіму Хрыста, якое здзейсніў 24-26 мая.