14 студзеня падчас літургіі ў гарадскім парку Каломба Папа Францішак здзейсніў кананізацыю першага ў гісторыі шры-ланкскага святога — Джозэфа Вазы — святара, які прысвяціў сваё жыццё дбайнаму служэнню каталіцкай супольнасці Шры-Ланкі.

Міру, згоды і зажыўлення ран, нанесеных грамадзянскай вайной, пажадаў Папа Францішак народу Шры-Ланкі ў сваім першым звароце, прамоўленым у аэрапорце Каломба.

Тэма міру была ў цэнтры прамовы Папы Францішка, скіраванай да прадстаўнікоў дыпламатычнага корпусу, акрэдытаванага пры Апостальскай Сталіцы. 12 студзеня Святы Айцец прыняў дыпламатаў на аўдыенцыі, якая штогадова праходзіць у хуткім часе пасля святаў Божага Нараджэння.

Папа Францішак даў інтэрв’ю каардынатару партала «Vatican Insider» Андрэа Тарніэлі і ватыканісту італьянскай «La Stampa» Джакама Галеацы. Размова з Пантыфікам завяршае кнігу гэтых журналістаў «Папа Францішак. Гэтая эканоміка забівае», прысвечаную сацыяльнаму навучанню Святога Айца.

Падчас урачыстай Эўхарыстыі ў Сікстынскай капэле 11 студзеня Папа Францішак удзяліў сакрамэнт хросту 33 немаўлятам. Паводле традыцыі, уведзенай святым Янам Паўлам ІІ, у свята Хросту Пана Пантыфік хрысціць дзяцей супрацоўнікаў ватыканскіх устаноў.

8 студзеня адбылася кароткая сустрэча Папы Францішка са знакамітай амерыканскай актрысай Анджэлінай Джалі. Кіназорка прыбыла ў Ватыкан з нагоды дэманстрацыі фільма “Нязломлены”, прадзюсерам якога з’яўляецца.

12-19 студзеня Папа Францішак адправіцца ў сваё сёмае апостальскае падарожжа за межы Італіі – на Шры-Ланку і Філіпіны. У сувязі з гэтым кіраўнік Прэс-службы Апостальскай Сталіцы а. Федэрыко Ламбардзі паведаміў журналістам некаторыя дэталі падарожжа, якое сведчыць пра ўвагу Пантыфіка да Азіі.

Папа Францішак маліўся за ахвяр тэракту ў Парыжы, дзе ў выніку нападу на рэдакцыю сатырычнага штотыднёвіка “Charlie Hebdo” загінулі 12 чалавек і 11 атрымалі раненні. 8 студзеня падчас ранішняй Імшы ў капліцы ватыканскага Дома св. Марты Пантыфік звярнуўся да вернікаў з заклікам аб малітве за ахвяраў і навяртанні забойцаў.

21 лютага Папа Францішак прыме на прыватнай аўдыенцыі Канцлера Германіі Ангелу Меркель. Інфармацыю пацвердзіў намеснік кіраўніка Прэс-службы Святога Пасаду Чыра Бэнэдэціні.

4 студзеня Папа Францішак агучыў імёны новых кардыналаў. Гэта адбылося падчас сустрэчы з вернікамі на малітве “Анёл Панскі”.

З нагоды 70-й гадавіны вызвалення канцэнтрацыйнага лагера “Аўшвіц” яго былыя польскія зняволеныя 7 студзеня будуць прыняты на аўдыенцыі ў Ватыкане Папам Францішкам. Іх будуць суправаджаць таксама былыя вязні нацысцкіх катавальняў з Францыі, Германіі і Чэхіі.

На мацярынства Касцёла звярнуў увагу Святы Айцец 1 студзеня ў гаміліі на Эўхарыстыі ва ўрачыстасць Святой Багародзіцы Марыі. Папа нагадаў, што Найсвяцейшая Дзева аб’яднана з Езусам, “таму што атрымала ад Яго пазнанне сэрца, пазнанне веры, якое сілкуецца досведам маці і ўнутранымі адносінамі з Сынам”.

Грамадства, якое ігнаруе бедных і пераследуе іх, само збядняе сябе да стану галечы, адзначыў Папа Францішак 31 снежня вечарам падчас урачыстых Нешпараў на заканчэнне года, якія адбыліся ў ватыканскай базыліцы.

З нагоды 23-га Сусветнага дня хворых, які будзе адзначацца 11 лютага 2015 г., Папа Францішак звярнуўся да ўсіх абцяжараных хваробамі людзей, а таксама да прафесіяналаў і валанцёраў у галіне аховы здароўя.