У канадскай правінцыі Квэбек з судоў выключаюць практыку прысягі на Бібліі. У імя «секулярызму», «культурнай і рэлігійнай разнастайнасці» хрысціянская традыцыя выключаецца з публічнай прасторы, паведамляе L'Observatoire de la Christianophobie.

У Берліне на 65-м Міжнародным кінафестывалі «Берлінале» ўручылі ўзнагароды. Традыцыйна была ўручана прэмія экуменічнага журы, якую заснавалі дзве найбуйнейшыя хрысціянскія супольнасці Германіі: Каталіцкі Касцёл і Лютэранская Царква.

13 лютага да Дня святога Валянціна на вялікі экран выходзіць кінаверсія нашумелага адкрытага эратычнага рамана «50 адценняў шэрага». На хрысціянскім сайце, які выступае за абарону ненароджанага жыцця, заклікаюць падпісаць петыцыю, каб байкатаваць фільм.

Ордэн кармэлітаў прадставіў лагатып Кармэліцкіх Дзён моладзі, якія пройдуць у межах Сусветнага дня моладзі ў Кракаве ў 2016 годзе.

Абнародаваны зварот кіраўніка Украінскай Грэка-Каталіцкай Царквы да святароў аб служэнні ва ўмовах вайны. Як падкрэсліў Патрыярх Святаслаў, давер да Царквы ў грамадстве застаецца найвышэйшым. А гэта азначае, што людзі чакаюць ад духоўных лідараў арыенціраў у гэты складаны час.

У В'етнаме парушаюцца правы чалавека, у тым ліку права на рэлігійную свабоду. Пра гэта паведамляюць пазаўрадавыя арганізацыі, якія працуюць у краіне.

Каталіцкі Касцёл у Крыме, апынуўшыся ў новых рэаліях, працягвае несці Евангелле жыхарам паўвострава. Пра гэта распавёў у інтэрв’ю для рускай версіі Ватыканскага радыё Генеральны вікарый Адэска-Сімферопальскай дыяцэзіі біскуп Яцэк Пыль.

Хутка ў Каталіцкім Касцёле арцыбіскуп Сан-Сальвадора Оскар Арнульфа Рамэра-і-Гальдамес, забіты 35 гадоў таму ў час цэлебрацыі святой Імшы, будзе далучаны да ліку благаслаўлёных.

На пабудову ледзяной святыні, правобразам якой стала царква ў цэнтральнай Румыніі (вобласць Сібіу), спатрэбілася 15 дзён. Пасля ўзвядзення святыню асвяцілі праваслаўны, каталіцкі і пратэстанцкі святары.

Чэмпіянат Еўропы сярод святароў па міні-футболе пройдзе ў Вене 23-27 лютага. Фаварытам турніру лічыцца Польшча, якая сёлета будзе абараняць заваяваны летась у Беларусі тытул.

Рэдакцыя французскага сатырычнага часопіса «Charlie Hebdo», у якой у пачатку студзеня адбыўся тэракт і якая ўвесь гэты час была ў цэнтры ўвагі грамадскасці, праінфармавала аб тым, што ў бліжэйшы час часовы прыпыніць сваю працу.

У сваёй Рэзалюцыі № 2036 (2015) Парламенцкая Асамблея Рады Еўропы(ПАРЕ) асудзіла гвалт супраць хрысціян і заклікала прыняць дадатковыя меры па «садзейнічанню мірнага суіснавання рэлігійных суполак у дзяржавах-сяброўках Рады Еўропы», паведамляе Інстытут рэлігійнай свабоды Украіны.

У венесуэльскім горадзе Мерыда чатыры каталіцкія святыні сталі аб’ектамі вандалізму. Касцёлы былі закіданы бутылкамі з гаручымі сумесямі, а іх сцены былі распісаныя зневажальнымі графіці ў адрас Апостальскага Нунцыя манс. Альдо Джардана, які знаходзіўся ў гэтым горадзе з нагоды 30-годдзя візіту св. Яна Паўла ІІ.

2 сакавіка 2015 г., у дзень нараджэння і гадавіну абрання на Пасад св. Пятра Эўджэніо Пачэлі — Папы Пія XII — у Ватыкане адбудзецца сусветная прэм’ера мастацкага фільма «Цені праўды» (Shades of Truth), які развенчвае «чорную легенду» аб маўчанні Пантыфіка перад абліччам трагедыі Халакосту.