Калі будзеце захоўваць Мае запаведзі, застанецеся ў любові Маёй, як і Я захаваў запаведзі Айца Майго і застаюся ў Ягонай любові (Ян 15, 10)
Гэтыя словы ўзяты з доўгай прамовы, запiсанай у чацвёртым Евангеллі (Ян 13, 31-17,26), з якою Езус звярнуўся да сваіх вучняў пасля Апошняй Вячэры. У прамове падкрэсліваецца, што захаванне Ягоных запаведзяў дазваляе нам заставацца ў Ягонай любові. Прыведзеныя словы адсылаюць нас да аднаго з папярэдніх вершаў, дзе Езус кажа сваім апосталам: "Калі любіце Мяне, запаведзі Мае будзеце захоўваць» (Ян 14, 15). Бачна, што любоў да Езуса павінна быць прычынай, коранем, з якога вырасце захаванне Ягоных запаведзяў.
З гэтага вынікае своеасаблiвая зваротная сувязь паміж любоўю да Езуса і захаваннем Ягоных запаведзяў. Любоў да Езуса схiляе нас жыць з кожным разам усё больш верна Ягоным Словам, у той жа час Слова Езуса, здзейсненае на практыцы, дазваляе нам трываць у любові да Яго і, урэшце, усё больш і больш узрастаць у ёй.
Калі будзеце захоўваць Мае запаведзі, застанецеся ў любові Маёй, як і Я захаваў запаведзі Айца Майго і застаюся ў Ягонай любові
«Заставацца ў Ягонай любові». Што Езус хацеў гэтым сказаць?
Няма сумнiваў, Ён хоча сказаць, што выкананне Ягоных запаведзяў з’яўляецца знакам, доказам таго, што мы - Ягоныя верныя сябры. Гэта ўмова таго, што Езус адкажа нам узаемнасцю на нашае сяброўства і дасць нам сваё. Але здаецца, што Езус хоча сказаць нешта яшчэ, i менавіта тое, што выкананне Яго запаведзяў нараджае ў нас тую любоў, якая ўласцiвая для Яго самога. Ён паказвае нам той шлях любові, якi мы бачым праз усё Ягонае зямное жыццё: тую любоў, якая рабіла Езуса адзіным з Айцом, і ў той жа час пабуджала Яго ўвасабляцца і быць адзiным са сваімі братамі, асабліва з найменшымі, самымi слабымi і абяздоленымi.
Любоў Езуса была любоўю, якая лечыць усе раны душы і цела, дае свет і радасць у кожнае сэрца, пераадольвае ўсе падзелы і паўсюль прыносiць братэрства і адзінства.
Калі мы будзем уключаць у свае ўчынкi слова Езуса, Ён сам будзе жыць у нас i адначасова зробіць нас прыладамi сваёй любові. Калі будзеце захоўваць Мае запаведзі, застанецеся ў любові Маёй, як і Я захаваў запаведзі Айца Майго і застаюся ў Ягонай любові
Як жа мы будзем жыць Словам Жыцця ў гэтым месяцы? Будзем увесь час памятаць пра мэту, якую яно нам вызначае, сапраўды будзем імкнуцца да жыцця хрысціянскага, якое не задавальняецца пасрэдным, халаднаватым і знешнім выкананнем запаведзяў, але напаўняецца велікадушнасцю. Так дзейнічалі святыя і таму сталiся жывым Словам Бога.
Давайце ў гэтым месяцы абярэм адно Ягонае Слова, адну Ягоную запаведзь і паспрабуем ажыццявiць яе ў сваiх дзеяннях.
А паколькi новая запаведзь Езуса («Любіце адзін аднаго, як Я палюбіў вас») з’яўляецца ў пэўным сэнсе сэрцам і квiнтэсэнцыяй усіх запаведзяў Езуса, давайце жыць ёю з усiм радыкалізмам.
“Час Вялікага посту – гэта чарговы шанс, дадзены нам Богам, каб зноў адчуць Яго любоў і блізкасць. Сустрэча з Езусам можа перамяніць наша жыццё, надаць яму сэнс, напоўніць яго шчасцем і радасцю. Каб гэтыя змены маглі адбыцца ў нашых сэрцах, патрэбен толькі наш дазвол, бо Пан Бог заўсёды шануе волю чалавека”, - адзначае біскуп Гродзенскі.
“Пост – гэта час, каб паставіць нашы душы перад люстэркам і ўбачыць, якімі мы на самой справе ёсць. Таму Вялікі пост з’яўляецца добрай нагодай, каб прайсці духоўны медагляд з мэтай выявіць нашы духоўныя хваробы і паставіць дыягназ. Гэта патрэбна, каб вывесці нас з грахоўнай цемры ў святло Божай праўды і дазволіць Божай ласцы вылечыць нашы хваробы”, - адзначае Мітрапаліт.
З 1 сакавіка 2014 г. пілігрымы і турысты змогуць перакрочыць парог папскай рэзідэнцыі ў Кастэль Гандольфа, каб наведаць мясцовыя сады, якія да гэтага часу былі закрыты для шырокай публікі. Такое рашэнне прыняў сам Папа Францішак. У 2013 г. Святы Айцец адмовіўся праводзіць летні адпачынак у Кастэль Гандольфа, як часта рабілі яго папярэднікі. Гэтая рэзідэнцыя належыць Рымскім Пантыфікам з XVII ст. і ахоплівае тэрыторыю амаль у 55 гектараў.
Старшыня Украінскай Міжцаркоўнай Рады епіскап Аляксей Дземідовіч 2 сакавіка апублікаваў зварот у сувязі з сепаратысцкімі праявамі і пагрозай прымянення ўзброеных сіл Расійскай Федэрацыі ва Украіне. У ім гаворыцца аб недапушчальнасці знаходжання ваеннага кантынгенту РФ на тэрыторыі Украіны, аб недапушчэнні братазабойчай вайны паміж Украінай і Расіяй і аб неабходнасці ўзмоцненай малітвы за Украіну і яе народ.
Каталіцкае дабрачыннае таварыства «Карытас» Мінска-Магілёўскай архідыяцэзіі падаравала дзецям з анкалагічнымі захворваннямі, якія жывуць у Дабрачынным сацыяльна-рэабілітацыйным цэнтры св. Лукі зімовае свята, якое было арганізавана якраз з нагоды дня народзінаў яго маленькіх жыхароў.
3 сакавіка адбылася сустрэча Мітрапаліта Мінска-Магілёўскага арцыбіскупа Тадэвуша Кандрусевіча з намеснікам старшыні Магілёўскага аблвыканкама Валерыем Малашкам і старшынёй Магілёўскага гарвыканкама Уладзімірам Цумаравым.
1 сакавіка моладзь парафіі Узвышэння Святога Крыжа сабралася, каб памаліцца, паразважаць на тэму “Межы даверу” і па-хрысціянску адпачыць. Праводзіў сустрэчу кс. Андрэй Рылка.
2 сакавіка парафія Св. Юды Тадэвуша ў Лучаі (Віцебская дыяцэзія) запрасіла ўсіх жадаючых да копіі цудатворнага абраза Маці Божай Будслаўскай, якая перэгрынуе ў Лучаі ўжо трэці месяц і прабудзе там да Вялікадня. Гасцямі нядзельнай Імшы стаў хрысціянскі гурт "Laudans" з Мінска.
Не назапашваць багацці толькі для сябе, але ставіць іх на служэнне іншым - з такім заклікам звярнуўся да вернікаў, сабраных на плошчы св. Пятра, Папа Францішак перад нядзельнай малітвай “Анёл Панскі” 2 сакавіка.
