Айцец францішканін Дхія Азіз з сірыйскай парафіі ў Якубіі вызвалены. Пра гэта ў аўторак паведаміла францішканская Кустодыя Святой Зямлі. 

5 студзеня ў будынку курыі Гродзенскай дыяцэзіі адбылася аплаткавая сустрэча для ўсіх супрацоўнікаў — як духоўных, так і свецкіх — гэтай структуры. У сустрэчы прынялі ўдзел біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.

Пачынаючы са студзеня, Папа Францішак будзе давяраць свае традыцыйныя штомесячныя малітоўныя інтэнцыі з дапамогай адмысловага відэапаслання. Першы відэазварот Святога Айца будзе распаўсюджаны 6 студзеня, паведаміў кіраўнік таварыства «Апостальства малітвы» айцец езуіт Фрэдэрык Фарнос.

Папа Францішак выказаў падзяку біскупам ЗША за збор ахвяраванняў на карысць Касцёла ў краінах Лацінскай Амерыкі і Карыбскага рэгіёну. Ініцыятыва ўзнікла ў 1966 годзе і сёлета адзначыць свой 50-гадовы юбілей.

4 студзеня адбылася аплаткавая сустрэча для ўдзельнікаў «Рэкалекцый на байдарках». Для іх гэта добрая нагода збірацца разам у час Божага Нараджэння, дзяліцца белым хлебам, дзелячыся адначасова сабою ўзаемна.

Увайшло ў сілу Усёабдымнае пагадненне паміж Апостальскай Сталіцай і Дзяржавай Палесціна, падпісанае 26 чэрвеня 2015 г. Прыняты дакумент з’яўляецца вынікам перамоў, праведзеных з дапамогай двухбаковай рабочай камісіі на працягу апошніх некалькіх гадоў.

4 студзеня ў рэктаральным касцёле Звеставання Найсвяцейшай Панне Марыі (пабрыгідскім) у Гродне адбылася першая ў новым годзе сустрэча манахінь, якія служаць на тэрыторыі Гродзенскай дыяцэзіі. Сёстры сабраліся на свой дзень духоўных разважанняў таксама для таго, каб падзяліцца аплаткай і скласці адна адной святочныя віншаванні.

Адразу пасля навагодніх святаў хлопцы і дзяўчаты са смаргонскага Савіо-клуба выехалі на двухдзённы адпачынак і духоўныя практыкаванні ў Лебедзева. Канікулы сталі для іх добрай нагодай, каб пабыць разам, лепш пазнаць адзін аднаго, пазнаёміцца з некаторымі правіламі сваёй суполкі і абмеркаваць іх.

У кінатэатрах па ўсім свеце з’явіўся новы фільм пра Маці Тэрэзу. Гэта ўнікальная стужка, заснаваная на невядомых на працягу доўгага часу лістах законніцы. Ужо зараз можна паглядзець трэйлер фільма.

4 студзеня ў канферэнц-зале пры царкве свв. Пятра і Паўла ў Мінску дзеці, моладзь і ўдзельнікі руху «Легіён Марыі» наладзілі калядны канцэрт для дзяцей з Беларускага дзіцячага хоспіса.