Увесь кастрычнік вернікі Каталіцкага Касцёла моляцца на ружанцы. Спосаб ружанцовай малітвы прыйшоў з хрысціянскага ўсходу, дзе з'явіўся прыкладна ў III ст. Сучасная форма Ружанца ўсталявалася ў 1470-х гадах, а ў 1520 г. яна была асвечаная Папам Львом X і названа Ружанцам Найсвяцейшай Панны Марыі.
Месяц верасень стаў асаблівым часам для сястры Марыі Веранікі ад Божай Міласэрнасці: у апошнія дні месяца яна склала вечныя манаскія абяцанні ў санктуарыі Маці Божай Шкаплернай у Гудагаі. Законніца належыць да Кангрэгацыі Сясцёр Кармэлітак ад Дзіцятка Езус, заснавальнікамі якой з’яўляюцца а. Анзэльм ад св. Андрэя Гарсіні і Марыя Тэрэза ад св. Юзафа (Тэрэза Керацінская).
Аб патрэбе сучаснага свету ў моцнай «“ін’екцыі” сямейнага духу» казаў Папа Францішак 7 кастрычніка падчас агульнай аўдыенцыі на плошчы св. Пятра. У кантэксце правядзення Сінода Біскупаў Пантыфік вырашыў прысвяціць свае бліжэйшыя катэхезы адносінам паміж Касцёлам і сям’ёй у перспектыве іх карысці для ўсяго чалавецтва.
Папа Францішак можа здзейсніць Апостальскае падарожжа ў Мексіку ў 2016 г. Аб гэтым заявіў кіраўнік Прэс-службы Апостальскай Сталіцы а. Фэдэрыко Ламбардзі.
4 кастрычніка адбылася адпустовая ўрачыстасць у парафіі Св. Францішка ў раёне в. Копішча.
6 кастрычніка на Сінодзе Біскупаў на тэму сям’і, які праходзіць у Ватыкане, пасля завяршэння выступленняў бiскупаў па праблематыцы першай часткi «Instrumentum laboris» аб выкліках, якія стаяць перад сям’ёй, пачалася праца ў лiнгвiстычных групах па праблематыцы той жа першай часткi дакумента. У Сінодзе ўдзельнічае Мітрапаліт Мінска-Магілёўскі арцыбіскуп Тадэвуш Кандрусевіч.
