7 кастрычніка на святой Імшы ў ватыканскай базыліцы Святы Айцец Бэнэдыкт XVI абвесціць св. Яна з Авілі і св. Хільдэгарду з Бінгена Дактарамі Касцёла. Гэта адбудзецца падчас інаўгурацыі Сіноду Біскупаў па новай евангелізацыі.

Прэс-служба Апостальскай Сталіцы абвясціла каляндар падзей з удзелам Святога Айца на кастрычнік–лістапад 2012 г. У гэтыя два месяцы Папа здзейсніць паездку ў Ларэта, абвесціць двух новых дактароў Касцёла і кананізуе семярых благаслаўлёных.

Раніцай 2 верасня папа Бэнэдыкт XVI узначаліў святую Імшу, якая прайшла ў Кастэль Гандольфа ў рамках традыцыйнай сустрэчы Кола вучняў прафесара Ратцынгера — аб’яднання былых студэнтаў, у якіх Пантыфік выкладаў, будучы прафесарам рэгенсбургскага ўніверсітэта. У гаміліі Святы Айцец звярнуў увагу на тое, што Закон, які Ізраэль атрымаў ад Бога, — гэта закон, які дае сапраўдную мудрасць.

Пасланню да Філіпянаў, напісаным святым Паўлам падчас яго знаходжання ў вязніцы, прысвяціў агульную аўдыенцыю Святы Айцец Бэнэдыкт XVI. Аўдыенцыя ў сераду 27 чэрвеня прайшла ў зале Паўла VI і стала апошняй перад выездам Папы на адпачынак.

Ва ўрачыстасць святых Пятра і Паўла 29 чэрвеня Святы Айцец Бэнэдыкт XVI уручыць паліі 44 арцыбіскупам-мітрапалітам. Палій арцыбіскупаў сімвалізуе паслухмянасць Папу і іх асаблівую блізкасць да Святога Пасаду.

«З Беззаганнага Сэрца Марыі сёння мы прагнем пачарпнуць новы давер, каб даць напоўніць сябе яе радасцю, якая знаходзіць сваю найглыбейшую крыніцу ў Пану», — адзначыў Святы Айцец Бэнэдыкт XVI падчас сустрэчы з вернікамі ля Гроту Маці Божай з Люрд у Ватыканскіх садах. Увечары 31 мая 2012 г. там адбылася традыцыйная ружанцовая працэсія са свечкамі на заканчэнне месяца мая, прысвечанага Панне Марыі.

«Пяцідзясятніца — гэта свята адзінства, узаемаразумення і згодных адносінаў паміж людзьмі», — адзначыў Святы Айцец Бэнэдыкт ХVI падчас святой Імшы ў нядзелю Спаслання Духа Святога. Сёлета ўрачыстасць прыпала на 27 мая.

Апостальская Сталіца паведаміла аб запланаваных мерапрыемствах на бліжэйшыя некалькі месяцаў з удзелам Святога Айца Бэнэдыкта XVI. Вядома, што 13 мая Папа накіруецца з пастырскім візітам у горад Арэццо, а праз два тыдні, 1—3 чэрвеня, прыме ўдзел у Сусветнай сустрэчы сем’яў у Мілане.

Вечарам у Вялікі чацвер 5 красавіка 2012 г. Святы Айцец Бэнэдыкт XVI узначаліў святую Імшу Вячэры Пана. Падчас літургіі, што адбылася ў Папскай базыліцы св. Яна на Латэране, Пантыфік абмыў ногі дванаццаці святарам Рымскай дыяцэзіі, як падчас Апошняй Вячэры гэта сваім вучням зрабіў сам Хрыстус.

У нядзелю 4 сакавіка 2012 г. Святы Айцец Бэнэдыкт XVI наведаў парафію ў маладым рымскім мікрараёне Таррына. Убачыўшы вялікую колькасць дзяцей на літургіі, Пантыфік усклікнуў: «Аднак, Рым жыў і будзе жыць заўтра!»

«Усе мы маем патрэбу ва ўнутраным святле, каб перамагаць жыццёвыя выпрабаванні. Гэтае святло прыходзіць ад Бога і дае нам яго Хрыстус», — нагадаў Святы Айцец Бэнэдыкт XVI падчас разважанняў перад малітвай «Анёл Панскі» ў нядзелю 4 сакавіка 2012 г.

10 сакавіка 2012 г. у рымскай базыліцы Грыгорыя Вялікага Cвяты Айцец Бэнэдыкт ХVI узначаліць урачыстыя нешпары, у якіх прыме ўдзел глава Англіканскай Царквы арцыбіскуп Кентэрберыйскі Роўэн Уільямс.

У нядзелю 19 лютага 2012 г. Святы Айцец Бэнэдыкт XVI цэлебраваў святую Імшу з 22 кардыналамі, якім напярэдадні надаў гэтую годнасць. У гэты ж дзень у Ватыкане адзначаецца свята катэдры св. Пятра.

18 лютага 2012 г. у ватыканскай базыліцы святога Пятра адбылася кансісторыя, падчас якой Святы Айцец Бэнэдыкт ХVI уручыў дваццаці двум новым кардыналам пурпурныя берэты і пярсцёнкі — сімвалы кардынальскай годнасці, а таксама назваў тытулы Касцёлаў, у якія яны прызначаны.

Да малітвы як дару прабачэння тым, хто крыўдзіць нас і чыніць перашкоды, заахвоціў Святы Айцец Бэнэдыкт XVI удзельнікаў агульнай аўдыенцыі. У катэхезе, што адбылася 15 лютага 2012 г., Пантыфік асаблівым чынам разважаў над трыма момантамі знаходжання Хрыста на крыжы.

Клапаціцца і суцяшаць хворых, а таксама памятаць пра веру — галоўны сродак у змаганні з хваробамі. Аб гэтым нагадаў Святы Айцец Бэнэдыкт XVI у разважанні да нядзельнай малітвы «Анёл Панскі» падчас агульнай аўдыенцыі 5 лютага 2012 г.

2 лютага 2012 года, у свята Ахвяравання Пана і Дзень кансэкраванага жыцця, Святы Айцец Бэнэдыкт ХVI узначаліў урачыстыя Нешпары ў базыліцы св. Пятра. Звяртаючыся да кансэкраваных асоб, Папа заахвоціў іх ажывіць пачуцці, якія сталі прычынай ахвяравання сябе Пану.

Часта для чалавека ўлада азначае валоданне, моц, дамінаванне, поспех. Аднак для Бога ўлада — гэта служэнне, пакора і любоў. Пра гэта казаў Святы Айцец Бэнэдыкт XVI у разважанні перад нядзельнай малітвай «Анёл Панскі». Адбылася яна 29 студзеня 2012 г. на плошчы Святога Пятра ў Ватыкане.

Вясна 2012 года плануе быць насычанай для Пантыфіка. У Ватыкане апублікавалі план мерапрыемстваў з удзелам Святога Айца Бэнэдыкта XVI з лютага па красавік 2012 года.

25 студзеня 2012 года ў рымскай базыліцы св. Паўла за мурамі адбыліся нешпары навяртання святога Паўла, якія ўзначаліў Святы Айцец Бэнэдыкт ХVI. Свае разважанні Пантыфік прысвяціў сутнасці экуменізму і Тыдня малітваў за адзінства хрысціянаў, які ў гэты дзень завяршыўся.