Парафія Святой Ганны ў Дзяржынску (Мінска-Магілёўская архідыяцэзія) 26 ліпеня святкавала парафіяльную ўрачыстасць святых Яўхіма і Ганны, бацькоў Найсвяцейшай Панны Марыі.

26 ліпеня біскуп Гродзенскі Аляксандр Кашкевіч прывітаў у дарозе ўдзельнікаў VI пешай пілігрымкі Гродна-Навагрудак. Пілігрымы, якіх амаль 50 чалавек, вырушылі з Гродна 25 ліпеня і накіроўваюцца на месца мучаніцкай смерці благаслаўлёных сясцёр назарэтанак у Навагрудку.

З 24 па 26 ліпеня ў Івянцы праходзіла Малітоўная сустрэча моладзі. У яе межах адбываліся святыя Імшы, круглыя сталы, канцэрты, выступленне гурта з Польшчы "Божая банда былых бандытаў" і інш. Прапануем вашай увазе відэаматэрыялы з сустрэчы моладзі.

У вёсцы Крыўчыцы Пінскага раёна паступова адраджаецца каталіцкае жыццё. Зімой 2015 г. дэкрэтам біскупа Пінскага Антонія Дзям’янкі там была ўтворана парафія пад тытулам святой Ганны.

“Я веру ў вас, Касцёл верыць у вас і спадзяецца на вас. Вы – наша будучыня, і няхай яна будзе шчаслівай і Хрыстовай!” – з такімі словамі звярнуўся Мітрапаліт Мінска-Магілёўскі арцыбіскуп Тадэвуш Кандрусевіч да ўдзельнікаў Малітоўнай сустрэчы моладзі ў Івянцы на заключнай Імшы 26 ліпеня.

Раніцай 25 ліпеня ў парафіі Найсвяцейшага Адкупіцеля ў Гродне была адпраўлена святая Імша, якая распачала 6-е пешае паломніцтва да месца мучаніцкай смерці сясцёр назарэтанак з Навагрудка.

Спецыяльным госцем "музычнай майстэрні" і моладзевай сустрэчы ў Івянцы стаў гурт з Польшчы “Божая банда былых бандытаў”, альбо “4В”. Удзельнікі гурта – былыя наркаманы і злачынцы.

Унікальны касцёл у Княжыцах пры дарозе на Магілёў, былы дамініканскі касцёл у стыле віленскага барока ў Смалянах, гіганцкі каталіцкі храм св. Веранікі ў Селішчы – што аб’ядноўвае ўсе гэтыя святыні? Справа ў тым, што гэтыя помнікі архітэктуры зараз паціху разбураюцца.

Вечар другога дня моладзевай сустрэчы ў Івянцы завяршыўся канцэртам ўдзельнікаў "музычнай майстэрні", гуртоў “Laudans” і “Parakletos”. Разбавіла музычную частку праграмы грандыёзнае і запамінальнае фаершоў.

Дарагія сябры, у гэтым матэрыяле мы прапануем беглы агляд усіх падзей з Малітоўнай сустрэчы моладзі, якая праходзіць у Івянцы з 26 па 28 ліпеня. Матэрыял абнаўляецца ў рэжыме рэальнага часу.

Юныя ўдзельнікі Малітоўнай сустрэчы моладзі ў Івянцы змаглі лепш пазнаёміцца з працай каталіцкіх журналістаў на майстар-класе, які айцец Аляксандр Улас правёў у суботу.

Канцэртам-малітвай скончыўся першы дзень сустрэчы моладзі ў Івянцы, якая праходзіць з 24 па 26 ліпеня.

Упершыню евангелізацыйная група «4В» (Божая банда былых бандытаў) дзялілася гісторыямі свайго жыцця з беларускай моладдзю. Усе ўдзельнікі маюць асабістую гісторыю навяртання да Хрыста. Пётр, Гося і іншыя ездзяць у шпіталі, турмы, інтэрнаты і абвяшчаюць евангелле.

З дня 25 ліпеня 2015 г. ксёндз Ян Саламон вызвалены з выканання абавязкаў рэктара Міждыяцэзіяльнай вышэйшай духоўнай семінарыі імя святога Тамаша Аквінскага ў Пінску ў сувязі з неаднаразовай просьбай святара, скіраванай як да цяперашняга біскупа Пінскай дыяцэзіі, так і да яго папярэдніка. Новым рэктарам семінарыі прызначаны ксёндз Андрэй Рылка.

У час малітоўных сустрэч, у час рэкалекцый у Вялікі пост, у пакутных набажэнствах альбо проста ў многіх канферэнцыях мы чуем запрашэнне святароў да навяртання і пакаяння. Сёлета гэтыя словы-запрашэнні гучаць асаблівым чынам, бо перажываем год пад лейтматывам "навяртанне і пакаянне". Чаму навяртанне такое важнае для чалавека? Што яно ў сабе змяшчае?