На гэтых днях спаўняецца 30 гадоў святарскага служэння ксяндза Рамана Факсінскага. Клуб інтэлігенцыі каталіцкай Магілёва (КІК) з удзячнасцю ўзгадвае час пастырскага служэння святара і віншуе яго з юбілеем, дзякуючы за цяжкую, але плённую працу, падтрымку і дапамогу і жадаючы Божага благаслаўлення і апекі Маці Божай на жыццёвым шляху, узмацнення веры і цвёрдасці ў нясенні крыжа.

У Варшаве праходзіць 27-я Міжнародная парафіяда дзяцей і моладзі. У гэтым годзе мерапрыемства сабрала 1 500 удзельнікаў з усёй Еўропы (Польшча, Беларусь, Расія, Германія, Іспанія, Літва, Латвія). З Беларусі ў парафіядзе ўдзельнічаюць прадстаўнікі 20 парафій.

12 ліпеня наша рэдакцыя завітала ў радашковіцкую парафію Найсвяцейшай Тройцы, каб разам з усёй парафіяй, а таксама гасцямі парафіі і нашымі сябрамі падчас святой Імшы ў малітве і пасля Імшы ў падрыхтаванай праграме прыгадаць вялікага паэта — Янку Купалу, які ў гэты ж дзень у 1882 годзе быў ахрышчаны ў гэтай святыні.

«Хачу падзяліцца з вамі сваёй гісторыяй навяртання, якая, спадзяюся, пэўным чынам прагоніць магчымыя сумневы і нязгоды наконт набалелага пытання пра шостую запаведзь».

Папа Францішак у рамках перыядычных перастановак, прадугледжаных для дыпламатычнага персанала Святога Пасаду, скіраваў сакратара Апостальскай Нунцыятуры ў Рэспубліцы Беларусь мансеньёра Філіппо Чампанэллі на службу ў Дзяржаўны Сакратарыят Яго Святасці і прызначыў мансеньёра Марынко Антоловіча сакратаром Апостальскай Нунцыятуры ў Рэспубліцы Беларусь.

З 27 чэрвеня па 3 ліпеня адбыліся рэкалекцыі для сем’яў руху “Gloriosa Trinita” з парафіі Святой Сям’і ў Лідзе. Рэкалекцыі праходзілі ў Міждыяцэзіяльнай духоўнай семінарыі ў Пінску.

З 28 чэрвеня па 3 ліпеня адбылася 16-я Салезіянская моладзевая евангелізацыйная пілігрымка (СМЕП-16), у якой прынялі ўдзел людзі з многіх куткоў Беларусі. За шэсць дзён каля 170 пілігрымаў прайшлі 105 кіламетраў са Смаргоні да Будслава.

«Калі б вы былі толькі сынамі цярпення — гэты пляц сёння не быў бы напоўнены людзьмі», — адзначыў Апостальскі Нунцый у Беларусі Клаўдыё Гуджэроцці падчас дзённай Імшы 4 ліпеня на ўрачыстасцях у Будславе. 

А пілігрымы, якія прыйшлі ў Будслаў усёй сям'ёй: татам, мамай, сынамі і дочкамі — могуць голасна прамовіць: «Мы тут, і мы тут для Цябе, якая трымаеш малога Сына на руках, трымаеш, як і мы сваіх дзетак».

Беларускія каталіцкія скаўты – актыўны моладзевы рух, які выхоўвае юнакоў і дзяўчат быць сапраўднымі хрысціянамі і патрыётамі сваёй Бацькаўшчыны. Аднак што робяць скаўты, калі перакрочваюць мяжу паміж юнацтвам і дарослым жыццём? Адказам на гэтае пытанне ў будслаўскую святочную ноч стаў скаўцкі абрад Fiat – «Няхай будзе так» (лац.) – адданне сваёй волі ў Божыя рукі.

Святой Імшой, якую ўзначаліў Апостальскі Нунцый у Беларусі арцыбіскуп Клаўдыё Гуджэроцці, завяршыліся 4 ліпеня ўрачыстасці ў Будславе. У гэтым годзе яны праходзілі пад дэвізам “Марыя – прытулак грэшных”.

Фэст абраза Маці Божай Будслаўскай сам па сабе з'яўляецца аднаўленнем беларускай хрысціянскай традыцыі, аднак у гэтым годзе нацыянальны характар свята быў асабліва заўважным.

“Сёння ў Будслаўскім санктуарыі мы становімся перад Той, якая ёсць прытулак грэшнікаў, з надзеяй, што Яна прывядзе нас да свайго Сына – Міласэрнага Езуса, які ўратуе нас ад усялякага жыццёвага шторму і прывядзе ў порт збаўлення”, - сказаў падчас святой Імшы апоўначы ў Будславе Мітрапаліт Мінска-Магілёўскі арцыбіскуп Тадэвуш Кандрусевіч.

“Ці можа быць пакліканне да кансэкраванага жыцця сумным?” – гэтае пытанне гучала падчас прэзентацыі на тэму “Год кансэкраванага жыцця”, якая была прадстаўлена ў межах урачыстасцяў у Будславе 3 ліпеня а. Міхаілам Цвячкоўскім МІС.

Вернікі, якія прыбылі на штогадовыя ўрачыстасці ў Будслаў, што праходзяць сёлета пад дэвізам “Марыя – прытулак грэшных”, сабраліся 3 ліпеня на святой Імшы для пілігрымаў. Эўхарыстыю ўзначаліў дапаможны біскуп Гродзенскай дыяцэзіі Юзаф Станеўскі.