Хіба аніводзін беларус, якога б запыталіся на вуліцы, не змог бы распавесці анічога пра гэту асобу. А між тым гэта імя заслугоўвае вялікай увагі, як з боку беларускага, дзе біскуп Слосканс быў прызначаны Апостальскім адміністратарам Мінскім і Магілёўскім у маі 1926 г, так і з боку латышскага, дзе ў далёкім 1893 годзе ў мястэчку Стэрневе і нарадзіўся будучы святар.

15 красавіка падчас агульнай аўдыенцыі на плошчы св. Пятра ў Рыме Папа Францішак скіраваў прывітанне настаяцелям і навучэнцам вышэйшай духоўнай семінарыі ў Гродне. На плошчы прысутнічалі таксама біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі.

13-14 красавіка па дарозе з Масквы ў Кіеў Мінск наведалі члены экуменічнай супольнасці Тэзе з Францыі на чале з яе прыёрам братам Алоісам. У першы дзень яны наведалі мінскі архікатэдральны касцёл Імя Найсвяцейшай Панны Марыі, у другі – грэка-каталіцкі цэнтр святога Язэпа і праваслаўную царкву Усіх смуткуючых радасць.

Ва ўрочышчы Курапаты аднаўляецца штотыднёвая талака па прыбіранні мемарыялу памяці. У планах валанцёраў стварэнне новай крыжовай алеі і мемарыялізацыі «дарогі смерці», па якой у лясны масіў прывозілі людзей, прыгавораных да расстрэлу.

У нядзелю пасля вячэрняй святой Імшы ў мінскім касцёле свв. Сымона і Алены адбыўся дабрачынны канцэрт, прымеркаваны да святкавання Вялікадня, а таксама ў падтрымку дабрачыннага каталіцкага таварыства «Карытас».

12 красавіка праваслаўныя вернікі нашай краіны святкуюць Уваскрасенне Хрыста. Сардэчна віншуем з гэтым святам перамогі Божай Любові над грахом! Хрыстос уваскрос, дарагія браты ў Хрысце!

11 красавіка Беларусь перажывае чацвёртую гадавіну тэракту ў мінскім метро. У гэты дзень за памерлых і пацярпелых у гэтай народнай трагедыі памоляцца ў каталіцкіх парафіях Мінска.

Для візіту ў Беларусь Пантыфіка ў якасці кіраўніка дзяржавы не патрэбны «дазвол» Беларускай Праваслаўнай Царквы, заявіў айцец Сяргей Лепін, старшыня сінадальнага Інфармацыйнага аддзела вышэйузгаданай Царквы. «Наш Прэзідэнт запрашае да сябе кіраўніка іншай дзяржавы, і калі гэта дзяржаўны візіт, Беларуская Праваслаўная Царква ў гэтым не прымае ніякага ўдзелу, і ніякіх “дазволаў” з яе боку ў дадзеным пытанні не патрабуецца», — заявіў праваслаўны святар, словы якога прыводзяцца на сайце church.by.

Вялікдзень… Свята аднаўлення, вызвалення ад граху, свята надзеі, што адкрывае дарогу жыцця, адказ Бога на пытанне чалавека. Свята бязмежнай любові…

7 красавіка ва ўзросце 87 гадоў адышла ў вечнасць с. Агата Пачобыт з супольнасці Сясцёр Маці Міласэрнасці (Вастрабрамскай).

7 красавіка ва ўзросце 97 гадоў адышла ў вечнасць с. Апалонія Сімеона Сінкевіч з Кангрэгацыі Дачок Беззаганнай Марыi.

Хай прагучыць, хай адгукнецца:
«Хрыстос васкрос!
Жыве!
Жывецца
і нам усім
наноў ды з воляй:
любоўю грэх Бог перадолеў!»

«Ягнятка белае кладзем зверху і апошнім, калі ў велікодным кошыку ўжо ўсё складзена: і вяндлінкі кавалак, і калбасы "пальцам пханай" скрылёк, і хлеба луста, і соль, і кавалак булкі, як казала мая бабуля, "на дражджах", ды чырвоныя, ці цыбульнага колеру, ці ўжо часцей розных колераў яйкі», — кажа Ганна Казіміраўна, трымаючы ў руках прыгожы, невялічкі кошык, на якім ужо зіхацяць кроплі асвячонай вады.

Стравы ў Вялікую суботу асвячалі Мітрапаліт Тадэвуш Кандрусевіч і Апостальскі Нунцый арцыбіскуп Клаўдыё Гуджэроцці.

“Дарагія суайчыннікі! Віншую вас з Вялікаднем, - гаворыцца ў віншаванні. - У гэтыя светлыя веснавыя дні мільёны людзей аб’ядноўвае прадчуванне цуду Уваскрэсення, дзякуючы якому абнаўляецца свет, абуджаюцца вера і надзея”.