6 жніўня ва ўзросце 86 гадоў адышла ў вечнасць с. Кацярына Клешч з супольнасці Сясцёр Маці Міласэрнасці (Вастрабрамскай).

Будслаў, дзе знаходзіцца цудатворны абраз Маці Божай, часта называюць духоўнай сталіцай Беларусі. Але месца, куды да Апякункі Беларусі ідуць тысячы пілігрымаў, называлі і нацыянальнай сталіцай нашага краю, распавядае гісторык Кастусь Шыталь. 

У гэтым годзе сёстры салезіянкі візітаторыі EEG “Маці Бога” (Беларусь, Грузія, Расія, Украіна) з 26 ліпеня па 10 жніўня перажываюць свае духоўныя рэкалекцыі ў Шчучыне ў айцоў піяраў. Ксёндз Уладзімір Кабак SDB дапамагае ў гэтым глыбокімі канферэнцыямі, святой Імшой, сакрамэнтам паяднання і малітвай.

У Росіцу на ўрачыстасці ў гонар благаслаўлёных мучанікаў айцоў Юрыя Кашыры і Антонія Ляшчэвіча крочыць пешая пілігрымка з Барысава. Пілігрымка пачалася 31 ліпеня.

Музычны гурт “AVE” Вышэйшай духоўнай семінарыі ў Гродне 4 жніўня выступіць на плошчы св. Пятра ў рамках міжнароднай міністранцкай пілігрымкі ў Рым. Выступленне беларускіх музыкантаў-семінарыстаў адбудзецца ў рамках імправізаванага канцэрту, у якім прымуць удзел таксама музычныя калектывы з Венгрыі, Бельгіі, Італіі і Германіі.

З 25 па 31 ліпеня адбывалася Міжнародная сустрэча піярскай моладзі (Piarist Youth Meeting 2015) у г. Хорн (Аўстрыя). У сустрэчы ўдзельнічалі больш за 200 маладых людзей з васьмі краін Еўропы: Аўстрыі, Венгрыі, Італіі, Польшчы, Славакіі, Чэхіі, Украіны, а таксама, па запрашэнні айцоў Паўла Нэймана SP і Томаша Абрамовіча SP, з Беларусі – група піярскай моладзі з Ліды і Шчучына разам з а. Андрэем Агелем SP.

31 ліпеня адышоў у вечнасць Валерый Сайко – бацька с. Ганны Сайко, якая працуе ў п. Гатава Мінска-Магілёўскай архідыяцэзіі.

Унікальны касцёл у Княжыцах пры дарозе на Магілёў, былы дамініканскі касцёл у стыле віленскага барока ў Смалянах, гіганцкі каталіцкі храм св. Веранікі ў Селішчы – што аб’ядноўвае ўсе гэтыя святыні? Справа ў тым, што гэтыя помнікі архітэктуры зараз паціху разбураюцца.

З дня 25 ліпеня 2015 г. ксёндз Ян Саламон вызвалены з выканання абавязкаў рэктара Міждыяцэзіяльнай вышэйшай духоўнай семінарыі імя святога Тамаша Аквінскага ў Пінску ў сувязі з неаднаразовай просьбай святара, скіраванай як да цяперашняга біскупа Пінскай дыяцэзіі, так і да яго папярэдніка. Новым рэктарам семінарыі прызначаны ксёндз Андрэй Рылка.

З 17 па 22 ліпеня ў Навагрудку прайшлі курсы-рэкалекцыі для кансультантаў сямейнага жыцця, якія арганізавала Рада па справах сям’і пры Канферэнцыі Каталіцкіх Біскупаў у Беларусі. Сёлета ў рэкалекцыях прынялі ўдзел рыма-католікі, праваслаўныя і грэка-католікі з усёй Беларусі – кансультанты і навучэнцы «Школы сямейнага жыцця» ў Гродне і Мінску разам са сваімі сем’ямі.

22 ліпеня адышла ў вечнасць Рамуальда Толкач – маці с. Марыны Толкач ISSM, якая працуе ў курыі Мінска-Магілёўскай архідыяцэзіі.

У Варшаве прайшла 27-я Міжнародная парафіяда дзяцей і моладзі. З Беларусі ў парафіядзе ўдзельнічалі прадстаўнікі 20 парафій. Парафія Гродна-Аўгустовак у апошні дзень спаборніцтваў заняла 2 месца ў турніры па футболе (катэгорыя гімназія).

Міжнародны каталіцкі кінафестываль хрысціянскіх фільмаў і тэлепраграм “Magnificat” рыхтуецца пабіць уласны рэкорд. У гэтым годзе на кінафорум, які пачнецца 30 жніўня, адабраны 50 дакументальных стужак і тэлеперадач. Такой колькасці конкурсных прац за ўсю гісторыю фестываля ў праграме яшчэ ніколі не значылася.