26 ліпеня ў клюшчанскім касцёле, адным з самых аддаленых касцёлаў Гродзеншчыны, адбыўся парафіяльны фэст у гонар святога Яўхіма, бацькі Маці Божай.
25 ліпеня ў касцёле Найсвяцейшай Тройцы ў Ішчолне (Гродзенская дыяцэзія, Шчучынскі дэканат) адбылася ўрачыстасць, прысвечаная 500-годдзю існавання парафіі.
Дапаможны біскуп Гродзенскай дыяцэзіі Юзаф Станеўскі разам са спонсарамі ААТ “ЗОВ-профиль” наведаў дзіцячы лагер адпачынку “Нецеч” пры дабрачынным каталіцкім таварыстве “Карытас” Гродзенскай дыяцэзіі.
З 13 па 24 ліпеня ў парафіі Св. Міхала Арханёла ў Смаргоні праходзіў лагер для дзяцей з 6 да 14 гадоў “Вакацыі з Богам”. На працягу двух тыдняў каля 100 дзяцей разам з 30 аніматарамі i памочнікамі, кс. Станіславам Краўчанкам SDB, с. Веранікай Блізнюк FMA, с. Валянцінай Кот FMA і дыяканам Алегам Каралёвым SDB разважалі над жыццём св. Яна Боско праз сведчанне хлопцаў, якія яго сустрэлі пры жыцці.
23-26 ліпеня ў Вышэйшай духоўнай семінарыі ў Гродне адбыліся рэкалекцыі «Распазнанне паклікання». У рэкалекцыях прынялі ўдзел каля 40 маладых людзей з розных парафій Гродзенскай дыяцэзіі.
Аб розных відах голаду, якія можа адчуваць чалавек, і аб тым, што толькі Езус Хрыстус можа заспакоіць найбольш важны, духоўны голад, казаў біскуп Гродзенскі Аляксандр Кашкевіч на нядзельнай Імшы 26 ліпеня ў парафіі Адшукання Святога Крыжа ў Жырмунax (Радунскі дэканат).
27 ліпеня ў Вышэйшай духоўнай семінарыі ў Гродне адбыўся экзамен для кандыдатаў на першы год навучання. Перад гэтым, 23-26 ліпеня, абітурыенты прынялі ўдзел у рэкалекцыях па распазнанні паклікання.
26 ліпеня ў парафіі Найсвяцейшай Тройцы а/г Жодзішкі (Гродзенская дыяцэзія, Смаргонскі дэканат) адбылося ўрачыстае адпустовое мерапрыемства, прысвечанае святой Ганне – апякунцы касцёла. Сабралося больш за тысячу вернікаў: парафіян, гасцей з суседніх парафій і з-за мяжы.
27 ліпеня біскуп Гродзенскі Аляксандр Кашкевіч сустрэўся ў Гродзенскай курыі з новапасвечанымі святарамі дыяцэзіі і ўручыў ім дэкрэты, якімі выслаў новапрэзбітэраў на першыя пляцоўкі, дзе яны будуць дапамагаць пробашчам.
26 ліпеня біскуп Гродзенскі Аляксандр Кашкевіч прывітаў у дарозе ўдзельнікаў VI пешай пілігрымкі Гродна-Навагрудак. Пілігрымы, якіх амаль 50 чалавек, вырушылі з Гродна 25 ліпеня і накіроўваюцца на месца мучаніцкай смерці благаслаўлёных сясцёр назарэтанак у Навагрудку.
Раніцай 25 ліпеня ў парафіі Найсвяцейшага Адкупіцеля ў Гродне была адпраўлена святая Імша, якая распачала 6-е пешае паломніцтва да месца мучаніцкай смерці сясцёр назарэтанак з Навагрудка.
19-24 ліпеня адбылася пілігрымка з Ліды “шляхам святога Яна Паўла ІІ” у Польшчу. У ёй прынялі ўдзел урачы, прадстаўнікі службы аховы здароўя і іншыя жыхары горада – у цэлым 53 чалавекі.
24 ліпеня ў парафіі Найсвяцейшай Панны Марыі Вастрабрамскай Маці Міласэрнасці ў Гродне адбылася святая Імша за памерлую Рамуальду Толкач, маці шанштацкай сястры Марыны Толкач. Рамуальда Толкач адышла ў вечнасць 22 ліпеня.
Апошнім часам біскуп Гродзенскі Аляксандр Кашкевіч здзейсніў некалькі новых прызначэнняў у Гродзенскай дыяцэзіі.
18 ліпеня, у першы дзень урачыстацяў у гонар Найсвяцейшай Панны Марыі з Гары Кармэль у дыяцэзіяльным санктуарыі Маці Божай Шкаплернай у Гудагаі, дзякавалі Богу за 25 гадоў святарства айцы кармэліты босыя Павел Леліта і Бэрнард Радзік.