У Музеі гісторыі рэлігіі ў Гродне адкрылася выстава жывапісу, графікі і скульптуры на біблійную тэматыку. У яе склад увайшлі прыклады пластыкі, алейнага жывапісу і мастацкага ліцця, якія не фігуруюць у пастаяннай экспазіцыі музея.
8 жніўня ў Смаргоні прайшоў таварыскі турнір па міні-футболе ў фармаце 5х5 “Святы ксёндз Боско. 200 гадоў за 200 хвілін”, прысвечаны 200-годдзю з дня нараджэння святога Яна Боско.
З 7 па 9 жніўня праходзіла XIV пешая пілігрымка з Гродна ў дыяцэзіяльны санктуарый Езуса Журботнага ў Росі. «Навярніся да Бога» – такім быў дэвіз пілігрымкі, у якой удзельнічалі каля 300 чалавек з розных месцаў Гродзенскай дыяцэзіі, а таксама з Вілейкі, Пружан і Вільні (Літва).
Біскуп Гродзенскі Аляксандр Кашкевіч на заканчэнне сёлетніх урачыстасцяў у санктуарыі Езуса Журботнага ў Росі адзначыў, што хацеў бы, каб да цудатворнай фігуры Езуса, вядомай сваімі ласкамі ўжо больш за 400 гадоў, скіроўваліся вернікі ў пешых і аўтобусных пілігрымках з усіх парафій дыяцэзіі і з-за мяжы.
5 жніўня апоўначы дапаможны біскуп Гродзенскай дыяцэзіі Юзаф Станеўскі ўзначаліў святую Імшу ў катэдральным касцёле св. Францішка Ксаверыя ў Гродне. Гэты дзень асабліва блізкі гродзенскім католікам, бо на яго прыпадае ўспамін Маці Божай Кангрэгацкай, якая больш за 350 гадоў апякуецца жыхарамі горада.
Маладыя людзі з Душпастырства студэнцкай і працуючай моладзі «Open» Гродзенскай дыяцэзіі на чале з яго кіраўніком кс. Антоніем Грэмзам прымаюць удзел у Пілігрымцы даверу, якая праходзіць у французскай вёсцы Тэзэ.
2 жніўня дзеці, моладзь і дарослыя парафіі Св. Міхала Арханёла ў Смаргоні (Гродзенская дыяцэзія) на Імшы дзякавалі Богу за служэнне кс. Здзіслава Вэдэра SDB. Святар працаваў у парафіі ў Смаргоні 13 гадоў, 12 з якіх быў пробашчам, а цяпер накіроўваецца на новае месца служэння.
З 26 ліпеня па 1 жніўня праходзілі чарговыя рэкалекцыі для міністрантаў парафіі Святой Сям’і ў Лідзе. У рэкалекцыях прынялі ўдзел 33 міністранты рознага ўзросту.
1 жніўня ў касцёле Перамянення Пана ў Навагрудку адбылася святая Імша ў межах урачыстасцяў 72-й гадавіны мучаніцкай смерці благаслаўлёных навагрудскіх сясцёр назарэтанак. Эўхарыстыю ў навагрудскім фарным касцёле, дзе маліліся і ўдзельнічалі ў штодзённых святых Імшах сёстры мучаніцы, узначаліў біскуп Пінскі Антоні Дзям’янка.
31 ліпеня лес каля Навагрудка, дзе ў час вайны фашысты расстралялі 11 сясцёр назарэтанак, наведалі шматлікія пілігрымы. Сястра Стэлла і 10 яе сябровак загінулі там ранкам 1 жніўня 1943 г., аддаўшы жыццё за бацькаў сем’яў.
Лета – час натхнення сонцам, блакітным небам, неверагоднымі беларускімі краявідамі і цудамі Бога. Адпачынак з Нябесным Айцом выбірае шчучынская моладзь на працягу ўжо 10 гадоў.