10 мая ў парафіі Перамянення Пана ў Вавёрцы (Гродзенская дыяцэзія) 55 вернікаў атрымалі з рук біскупа Гродзенскага Аляксандра Кашкевіча сакрамэнт канфірмацыі. Да гэтага дня вернікі падрыхтоўваліся праз удзел у катэхезе, святыя Імшы, а таксама кожны індывідуальна — праз асабістую малітву.
11 мая ў капліцы, каля якой на працягу амаль 20 гадоў мясцовыя вернікі збіраліся на малітве, ружанцовых і маёвых набажэнствах, працэсійна праводзілі памерлых, адбылася апошняя святая Імша. Невялікая святыня, як гістарычны для парафіі аб’ект, будзе перанесена на пляц, дзе збудуюць новы касцёл для гродзенскай парафіі Святога Духа.
10 мая парафію Святых Пятра і Паўла ў Іўі наведаў моладзевы хор «Calasanz», які ў гэтым годзе адзначае 10-годдзе існавання пры парафіі ў Шчучыне, дзе служаць айцы піяры.
11 мая вернікі гродзенскай парафіі Беззаганнага Зачацця Найсвяцейшай Панны Марыі (Паўднёвы) дзякавалі за 15 гадоў з часу асвячэння парафіяльнай святыні. 15 гадоў таму касцёл праз урачысты акт асвячэння быў перададзены ў поўную ўласнасць Богу.
9 мая вучні адзінаццатых класаў з парафіі ў Шчучыне, дзе служаць айцы піяры, здзейснілі пілігрымку ў Нацыянальны санктуарый Маці Божай Будслаўскай. Такая пілігрымка адбываецца кожны год на заканчэнне катэхетычных заняткаў у парафіі.
10 мая дапаможны біскуп Гродзенскай дыяцэзіі Юзаф Станеўскі цэлебраваў святыя Імшы ў гродзенскай парафіі Найсвяцейшага Адкупіцеля (Дзевятоўка). Падчас Імшаў, адна з якіх была на польскай, а другая на беларускай мове, іерарх удзяліў Першую святую Камунію дзецям парафіі.
10 мая ў Гродне прайшоў сімпозіум «Любоў – наша пакліканне. Сям’я, якая жыве ў паўнаце», арганізаваны Радай па справах сям’і пры ККББ. Сімпозіум адбыўся ў межах падрыхтоўкі да Сусветнай сустрэчы сем’яў у Філадэльфіі, якая пройдзе 22-27 верасня.
3 мая прыхільнікі творчасці ксяндза Канстанціна Стаповіча, які пісаў пад псеўданімам Казімір Сваяк, сабраліся ў чарговы раз, каб аддаць пашану гэтаму выбітнаму сыну сваёй зямлі. Гэтым разам сустрэча з нагоды 89-й гадавіны смерці святара і паэта — ён адышоў у вечнасць 6 мая 1926 г. — адбылася ў Клюшчанах (Гродзенская дыяцэзія), яго роднай парафіі.
У каталіцкіх вернікаў з Іўя склаліся дзве прыгожыя традыцыі на пачатку мая. У парафіі Святых Апосталаў Пятра і Паўла моляцца за маленькіх парафіянаў з іх мамамі і пажарнікаў.
3 мая каля 15-й гадзіны са Смаргоні ад’ехаў цягнік «Чыстыя сэрцам», стала ціха і сумна, як быццам чагосьці не хапае. Як і звычайна, шмат часу адводзілася на падрыхтоўку, каб пасля перажыць прыгожыя моманты жыцця, якія хутка прабягаюць. Каб падрыхтаваць ХХІІ Дні моладзі Гродзенскай дыяцэзіі, трэба было добра падзяліць працу, прызначыць адказных за розныя моманты і пасля чакаць сюрпрызаў, якіх было нямала.
З 1 па 3 мая ў Смаргоні прайшлі Дыяцэзіяльныя дні моладзі. Тэмай сёлетняй сустрэчы моладзі Гродзенскай дыяцэзіі сталі словы “Чыстыя сэрцам бачаць Бога”. Сваімі перажываннямі дзеляцца маладыя ўдзельнікі сустрэчы.
Ужо традыцыйна Гродзенская дыяцэзія ў першую нядзелю мая адзначае Дзень маці. Ва ўсіх капліцах і касцёлах вернікі моляцца ў інтэнцыі жывых і памерлых маці, выказваюць ім сардэчныя віншаванні.
3 мая ў Смаргоні завяршыліся ХХІІ Дні моладзі Гродзенскай дыяцэзіі. У іх прынялі ўдзел амаль 2 тысячы маладых людзей з усёй дыяцэзіі, а таксама з Мінска-Магілёўскай архідыяцэзіі і Пінскай дыяцэзіі.
2 мая ў межах ХХІІ Дзён моладзі Гродзенскай дыяцэзіі адбылася эўхарыстычная адарацыя, падчас якой вельмі шмат людзей прыступіла да сакрамэнту пакаяння. Адарацыя і сакрамэнт пакаяння падрыхтавалі маладых людзей да пасвячэння ў “Рух чыстых сэрцаў”.
2 мая ў першай палове дня ў межах ХХІІ Дыяцэзіяльных дзён моладзі ў Смаргоні адбылася катэхеза ў групах. Дні моладзі Гродзенскай дыяцэзіі сёлета прысвечаны словам благаслаўленняў Езуса “Шчаслівыя чыстыя сэрцам, бо яны Бога ўбачаць” (Мц 5, 8).