11 верасня ў Вышэйшай духоўнай семінарыі ў Гродне адбылася ўрачыстасць, прысвечаная 25-годдзю існавання семінарыі, і інаўгурацыя 26-га навучальнага года. У гэты адметны дзень навучальную ўстанову наведалі многія шаноўныя госці, прадстаўнікі ВНУ горада Гродна, выкладчыкі, сябры семінарыі і бацькі першакурснікаў.
У апошні дзень кананічнай візітацыі біскупа Аляксандра Кашкевіча хлебам і соллю вітала парафіяльная супольнасць на чале з адміністратарам парафіі ў Солах ксяндзом дэканам Леанардам Станкоўскім.
3 верасня 10-ы год фармацыі пачало душпастырства студэнцкай і працуючай моладзі «OPEN», якое знаходзіцца ў Гродне. Душпастырства ўключае маладых людзей Гродна і іншых мясцін дыяцэзіі, якія прыбываюць у Гродна на вучобу.
З пачаткам новага навучальнага года ў Вышэйшай духоўнай семінарыі ў Гродне адбыліся некаторыя персанальныя змены. Новым духоўным айцом семінарыі прызначаны кс. Здзіслаў Вэдэр SDB. Таксама быў прызначаны прэфект семінарыстаў кс. Андрэй Лiшко.
Вернікі парафіі Унебаўзяцця Найсвяцейшай Панны Марыі і св. Язафата Кунцэвіча ў Сапоцкіне (Гродзенская дыяцэзія) мелі чарговую нагоду для пілігрымкі. 6 верасня парафіяне, у тым ліку дзеці і моладзь, здзейснілі пешую пілігрымку ў парафіяльную капліцу ў Калетах на адпустовую ўрачыстасць.
6 верасня дапаможны біскуп Гродзенскай дыяцэзіі Юзаф Станеўскі ў межах святкавання Дня беларускага пісьменства, яднаючыся з дзяржаўнымі ўрачыстасцямі, якія сёлета прайшлі ў Шчучыне, маліўся разам з айцамі піярамі і вернікамі шчучынскай парафіі Св. Тэрэзы.
У жыцці кожнага семінарыста ёсць дзень, калі тое, што схавана ў глыбіні яго сэрца, становіцца бачным для ўсіх. Гэтым доўгачаканым момантам з’яўляецца прыняцце сутаны — духоўнага адзення, якое будзе сведчыць аб прагненні чалавека верна наследаваць Хрыста ў штодзённым жыцці.
5 верасня завяршыліся трохдзённыя рэкалекцыі для навучэнцаў Вышэйшай духоўнай семінарыі ў Гродне, якія адбываюцца на пачатку кожнага навучальнага года.
4 верасня ў Навагрудку ў літургічны ўспамін благаслаўлёнай Марыі Стэлы і яе паплечніц з Кангрэгацыі Сясцёр Найсвяцейшай Сям’і з Назарэта маліліся за манахінь-мучаніц.
Біскуп Гродзенскі Аляксандр Кашкевіч здзяйсняе кананічную візітацыю парафій Смаргонскага дэканата. У трэці дзень візітацыі іерарх наведаў парафіі Маці Божай Добрай Рады ў Нястанішках і Найсвяцейшай Тройцы ў Жодзішках.
1 верасня ў бальнічнай капліцы Маці Божай Люрдскай у Лідзе адбылася сустрэча капелана кс. Юрыя Бяганскага, дзяцей-інвалідаў і іх бацькоў на пачатку новага навучальнага года.
1 верасня ў адпаведнасці з воляй Папы Францішка дапаможны біскуп Гродзенскай дыяцэзіі Юзаф Станеўскі маліўся ў францішканскім касцёле ў Гродне аб ахове стварэння. Святы Айцец Францішак устанавіў гэтую дату Сусветным днём малітвы аб ахове стварэння.
29 жніўня ў санктуарыі Маці Божай Каралевы сем’яў у Тракелях адбылася V Дыяцэзіяльная сустрэча выкладчыкаў, настаўнікаў і выхавацеляў Гродзенскай дыяцэзіі. На сустрэчу ў «школу Марыі» прыбыло больш за 120 чалавек з усёй дыяцэзіі, якія ўдзельнічаюць у працэсе навучання маладога пакалення.