30 сакавіка ў Варшаве ў Арках Кубіцкага пры Каралеўскім замку адбылося адкрыццё XXIII выставы-кірмашу каталіцкіх выдаўцоў, у якой прымае ўдзел і беларускае выдавецтва Мінска-Магілёўскай архідыяцэзіі «Про Хрысто».
28-29 сакавіка ў Лебедзеве праходзіла сустрэча для хлопцаў, якія разважаюць над сваім пакліканнем. Такія сустрэчы ўжо не першы раз ладзіць Душпастырства пакліканняў Мінска-Магілёўскай архідыяцэзіі ў супрацоўніцтве з Міждыяцэзіяльнай вышэйшай духоўнай семінарыяй імя св. Тамаша Аквінскага ў Пінску.
28 сакавіка ў парафіі Маці Божай Ружанцовай і св. Дамініка ў Ракаве развіталіся з пілігрымуючай фігурай Маці Божай Фацімскай, якая прабывала там у межах святкавання Юбілею 100-годдзя фацімскіх аб’яўленняў. З Ракава фігуру Фацімскай Панны перавезлі ў парафію Св. Аляксея ў Івянцы.
24 сакавіка ў дзяржаўным мемарыяльным комплексе «Хатынь» адбылося благаслаўленне крыжа, узведзенага для публічнага пакланення. Раней на месцы хатынскай трагедыі не было ніводнага хрысціянскага знаку.
13 сакавіка ў парафіі Св. Казіміра ў Маладзечне слухачы катэхез для дарослых атрымалі Бібліі з рук дапаможнага біскупа Мінска-Магілёўскай архідыяцэзіі Аляксандра Яшэўскага.
16 сакавіка кс. Юзаф Пятушка МІС адзначыў юбілей свайго святарства — 60 гадоў. Павіншаваць юбіляра прыбыў Мітрапаліт Мінска-Магілёўскі арцыбіскуп Тадэвуш Кандрусевіч, Апостальскі Візітатар для грэка-католікаў у Беларусі архімандрыт Сяргей Гаек і ксяндзы марыяне, якія нясуць служэнне ў парафіях Беларусі.
18 сакавіка ў парафіі Святога Юзафа ў Валожыне адбылося асвячэнне бакавога алтара, якое здзейсніў Апостальскі Нунцый у Беларусі ацыбіскуп Габар Пінтэр.
17 сакавіка, ва ўспамін апекуна Ірландыі св. Патрыка, Мітрапаліт Тадэвуш Кандрусевіч узначаліў св. Імшу і малітву Крыжовага шляху ў мінскай архікатэдры. Святы Патрык быў выкрадзены ірландскімі разбойнікамі, і гэтае здарэнне прывяло яго да Бога, а пазней ён прынёс хрысціянства ў краіну яго крыўдзіцеляў.
12 сакавіка ў другую нядзелю Вялікага посту біскуп Аляксандр Яшэўскі SDB наведаў парафію Узвышэння Святога Крыжа ў Вілейцы, а таксама сустрэўся з вернікамі іншых парафій Вілейшчыны.
10 сакавіка, у пятніцу першага тыдня Вялікага посту, Мітрапаліт Тадэвуш Кандрусевіч узначаліў малітву Крыжовага шляху ў мінскай архікатэдры, пасля якой цэлебраваў святую Імшу.
9 сакавіка ў мінскім касцёле свв. Сымона і Алены Мітрапаліт Тадэвуш Кандрусевіч цэлебраваў св. Імшу для Мінскай літоўскай дыяспары. Нагодай для сустрэчы стаў успамін апекуна Літвы — святога Казіміра. У Каталіцкім Касцёле літургічны ўспамін святога каралевіча прыпадае на 4 сакавіка.
4 сакавіка ва ўспамін св. Казіміра ў магілёўскай парафіі Св. Казіміра і Св. Ядзвігі адбылося парафіяльнае свята. На сумесную малітву сабраліся не толькі вернікі і святары з Магілёва, але і з іншых гарадоў.
5 сакавіка Мітрапаліт Тадэвуш Кандрусевіч узначаліў св. Імшу ў парафіі Найсвяцейшай Панны Марыі Успамогі Хрысціянаў у Бараўлянах. Іерарх прыбыў разам з дапаможнымі біскупамі архідыяцэзіі Юрыем Касабуцкім і Аляксандрам Яшэўскім SDB, каб разам з парафіяльнай супольнасцю памаліцца за пробашча кс. Казіміра Шыдэлку SDB з нагоды яго імянін.
Мітрапаліт Тадэвуш Кандрусевіч заклікае святароў Мінска-Магілёўскай архідыяцэзіі правесці 3 сакавіка набажэнствы Крыжовага шляху ў інтэнцыі ахвяраў часоў ганенняў на Касцёл у Беларусі.
«Падчас Вялікага посту Касцёл заклікае нас спаліць грэх і ўсё, што перашкаджае духоўнаму развіццю», — такой думкай распачаў гамілію Мітрапаліт Тадэвуш Кандрусевіч падчас святой Імшы ў Папяльцовую сераду 1 сакавіка — першы дзень Вялікага посту.