17 верасня ў Пінску адбылася агульнадыяцэзіяльная сустрэча святароў і кансэкраваных асобаў. Спачатку прайшла малітоўная частка сустрэчы пад кіраўніцтвам ардынарыя Пінскай дыяцэзіі біскупа Антонія Дзям’янкі, а пасля ў будынках курыі і Міждыяцэзіяльнай вышэйшай духоўнай семінарыі — арганізацыйная сустрэча, на якой былі абмеркаваны бягучыя справы дыяцэзіі. Між іншым, біскуп-ардынарый аб’явіў некаторыя новыя прызначэнні.

Адказным за катэхізацыю ў Пінскай дыяцэзіі быў прызначаны кс. Юрый Хіневіч, пробашч парафіі Узвышэння Святога Крыжа ў Брэсце. З пытаннямі да адказнага святара можна звяртацца праз наступныя кантакты:
тэл: 8 (0162) 23 22 06
e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

Акрамя таго, былі прызначаны рэгіянальныя катэхетычныя візітатары:

1. кс. Тадэвуш Шэшка (Лагішын) — для Пінскага дэканата
2. кс. Юрый Хіневіч (Брэст, парафія Узвышэння Св. Крыжа) — для Брэсцкага дэканата
3. кс. Алег Сількевіч (Баранавічы, Катэхетычны каледж) — для Баранавіцкіх дэканатаў
4. кс. Уладзімір Буклярэвіч (Бяроза) — для Пружанскага дэканата
5. с. Таццяна Халапук (Светлагорск) — для Гомельскай вобласці.

Галоўным каардынатарам душпастырства моладзі ў Пінскай дыяцэзіі быў прызначаны кс. Андрэй Рылка (намеснік дырэктара Катэхетычнага каледжа ў Баранавічах). Моладзь і іншыя зацікаўленыя асобы могуць звязацца з кс. Андрэем праз наступныя кантакты:
тэл: +375 29 727 31 98
e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

Біскуп Антоні Дзям’янка прызначыў таксама рэгіянальных душпастыраў моладзі:

1. кс. Андрэй Бародзіч (Пінск, катэдральны касцёл) — для г. Пінск
2. кс. Валянцін Ляўковіч (Брэст, парафія Узвышэння Св. Крыжа) — для г. Брэст
3. кс. Алег Сількевіч (Баранавічы, Катэхетычны каледж) — для г. Баранавічы
4. кс. Андрэй Рылка (Баранавічы, Катэхетычны каледж) — для г. Гомель.
   
   (VGr)