Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Адбылася сустрэча святароў і кансэкраваных асобаў Пінскай дыяцэзіі
Беларусь - Пінская дыяцэзія
18.10.2012 16:26

18 кастрычніка, у свята святога Лукі, евангеліста, адбылася сустрэча святароў і кансэкраваных асобаў Пінскай дыяцэзіі. Распачалася сустрэча канферэнцыяй аб працы Сіноду Біскупаў па новай евангелізацыі. Ксёндз Славамір Ляскоўскі ў сваім разважанні выказаў прапановы, як ажыццявіць пастановы Сіноду ў нашых жыццёвых умовах.

Пасля адбылася cвятая Імша, якую ўзначаліў біскуп Пінскі Антоні Дзям’янка. Падчас літургіі ўдзельнікі разважалі пра Год веры.

Пасля Імшы на сустрэчы абмяркоўваліся душпастырскія планы на бліжэйшы час, а таксама былі абвешчаны новыя прызначэнні. Рашэннем ардынарыя дэканам Пінскім быў прызначаны кс. Тадэвуш Шэшка, пробашч парафіі ў Лагішыне, які дагэтуль займай пасаду віцэ-дэкана гэтага дэканату. Гэтая пасада была вакантнай з чэрвеня бягучага года ў сувязі са смерцю святой памяці кс. Тадэвуша Стэчкоўскага, пробашча парафіі ў Іванаве (Палескае). Віцэ-дэканам быў прызначаны кс. Андрэй Бародзіч.

Таксама біскуп прадставіў новых пробашчаў: у Маларыце і Дамачава — кс. Пятра Бялевіча, у Іванаве, Драгічыне і Бездзежы — кс. Паўла Кручка, у Высокім — кс. Юрыя Варанко, у Воўчыне — кс. Юрыя Медушэўскага. Ад абавязкаў пробашча вызвалены: у Маларыце — кс. Тадэвуш Альшэўскі, у Дамачава — кс. Юрый Хіневіч, у Высокім і Воўчыне — кс. Ян Васілеўскі.

У свята святога Лукі, апекуна працаўнікоў службы аховы здароўя, душпастырам медыцынскіх работнікаў Пінскай дыяцэзіі быў прызначаны кс. Леанард Акалатовіч, пробашч парафіі ў Лунінцы.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме