Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святарства — саюз жыцця і любові з уваскрослым Хрыстом. Імша Хрызма ў Пінску
Беларусь - Пінская дыяцэзія
28.03.2013 15:27

У Вялікі чацвер святары дыяцэзіі збіраюцца разам са сваім біскупам на святую Імшу Хрызму. Літургія гэтая мае асаблівае значэнне, бо цэлебруецца на ўспамін пра ўстанаўленне двух сакрамэнтаў — Эўхарыстыі і святарства. Пра іх сутнасць разважалі біскуп Антоні Дзям’янка і прэзбітэры Пінскай дыяцэзіі, сабраныя ў катэдры Пінска 28 сакавіка.

«Святарства з’яўляецца саюзам жыцця і любові з уваскрослым Хрыстом. Хрыстус укладае ў нашыя рукі сваю Божую моц. Прысутная Яго моц і ў нашых словах», — нагадаў у гаміліі біскуп Антоні Дзям’янка.

Хрыстус, як адзначыў іерарх, чакае ад святароў поўнай адданасці Яму: «Хрыстус першы „палюбіў мяне і аддаў сябе за мяне“. Таму мае права і ад нас чакаць гэтага, каб мы аддалі Яму ўсё сваё жыццё, усяго сябе, усё, што атрымалі і чым з’яўляемся. Гэта адна з таямніцаў святарскага жыцця і шчасця».

Біскуп заклікаў да ўдзячнасці Богу за дар святарства і Эўхарыстыю. «Эўхарыстыя — гэта сакрамэнт любові, а мы, святары, павінны быць слугамі сакрамэнту любові, які з’яўляецца апісаннем і падсумаваннем усёй веры Касцёла і цэнтрам яго жыцця і дзейнасці», — падкрэсліў іерарх.

Поўны тэкст гаміліі тут>>>

(VGr)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме