У новым запісе ў «Твітэры» 12 чэрвеня Святы Айцец нагадаў пра тое, наколькі небяспечна ставіць на месца Бога ідалаў. «З колькімі відамі маральнай і матэрыяльнай беднасці мы сутыкаемся сёння ў выніку таго, што адмаўляем Бога і ставім шматлікіх ідалаў на Яго месца!» — так гучаць словы Пантыфіка.
На заканчэнне агульнай аўдыенцыі 12 чэрвеня папа Францішак нагадаў, што сёння адзначаецца Сусветны дзень барацьбы з дзіцячай працай, прысвечаны ў гэтым годзе супрацьдзеянню эксплуатацыі дзяцей у якасці хатняй прыслугі. Папа назваў эксплуатацыю дзяцей «сумным феноменам, які ўсё больш распаўсюджваецца, асабліва ў бедных краінах».
11 чэрвеня папа Францішак звярнуўся да сляпых і асобаў з аслабленым зрокам. Пантыфік скіраваў аўдыёпасланне да ўдзельнікаў летніка, арганізаванага ў мястэчку Тырэнія Італьянскім аб’яднаннем сляпых і людзей са слабым зрокам.
Анталогія тэкстаў Бэнэдыкта XVI, прысвечаных экалогіі, адзначана прэміяй за ўклад у ахову навакольнага асяроддзя. Кніга «Дзеля чалавечай экалогіі», у якой змешчаны тэксты прамоваў, гамілій, лістоў, выступленняў падчас канферэнцый, у якіх сённяшні Пантыфік на пенсіі звяртаў увагу на праблемы навакольнага асяродзя, разглядаючы іх не толькі праз рэлігійную, але таксама сацыяльную, культурную і эканамічную прызму, выйшла ў 2012 г.
Пра значэнне пілігрымак сказаў Святы Айцец маладым вернікам, якія позна вечарам 8 чэрвеня ішлі з Мачэраты ў Ларэта (Італія). Гэтую пілігрымку ўжо на працягу 35 гадоў арганізуе рух «Камунія і вызваленне», і сёлета ў ёй прынялі ўдзел 100 тысяч чалавек. Папа Францішак звязаўся з імі па тэлефоне.
Дзесяць Божых запаведзяў не з’яўляюцца «абмежаваннем свабоды», але «так» для Любові, каб бараніць чалавека і накіроўваць яго да сапраўднай свабоды, — сказаў папа Францішак вечарам 8 чэрвеня ў відэазвароце да ўдзельнікаў ініцыятывы «Дзесяць плошчаў для дзесяці запаведзяў», якая прайшла ў Мілане (Італія). Сустрэчу арганізаваў рух «Аднаўленне ў Духу Святым» у супрацоўніцтве з Папскай радай па новай евангелізацыі.
9 чэрвеня пасля малітвы «Анёл Панскі» папа Францішак нагадаў пра беатыфікацыю ў гэты дзень у Кракаве дзвюх польскіх законніц: Сафіі Мацеўскай, якая ў першай палове ХVII ст. заснавала супольнасць Законніц Ахвяравання Найсвяцейшай Панне Марыі, і Люцыі Шэўчык, якая ў ХІХ ст. заснавала Кангрэгацыю Дачок Маці Божай Балеснай (серафіткі). «Разам з кракаўскім Касцёлам мы дзякуем за гэта Пану», — сказаў Пантыфік.
Пра неабходнасць вяртання каштоўнасці чалавечай асобы нагадаў Святы Айцец Францішак у новым запісе ў «Твітэры» 9 чэрвеня. «У „культуры адходаў“ чалавечае жыццё больш не лічыцца першаснай каштоўнасцю, якую трэба паважаць і абараняць», — так гучаць словы Пантыфіка.
8 чэрвеня Святы Айцец Францішак сустрэўся з Прэзідэнтам Італіі Джорджо Напалітана, які прыбыў у Ватыкан са сваім першым афіцыйным візітам. Падчас сустрэчы Папа падкрэсліў, што візіт кіраўніка дзяржавы пацвярджае выдатныя адносіны паміж Італіяй і Святым Пасадам і нагадвае вобраз двух пагоркаў — Квірынала, на якім размяшчаецца прэзідэнцкі палац, і Ватыкана, «якія глядзяць адзін на аднаго з павагай і сімпатыяй».
7 чэрвеня Святы Айцец сустрэўся ў Ватыкане з навучэнцамі езуіцкіх школ Італіі і Албаніі. У сустрэчы ўдзельнічалі каля 9 тысяч маладых людзей.
«Грамадства спажывецтва прывучыла нас траціць. Але выкідваць ежу — гэта быццам красці яе ў бедных і галодных», — такі новы запіс Святога Айца Францішка ў «Твітэры», які з’явіўся 7 чэрвеня.
Штодзённая праца папскага дыпламатычнага прадстаўніка можа стаць для яго «трэніровачнай залай святасці», — лічыць папа Францішак. 6 чэрвеня Пантыфік прыняў на аўдыенцыі навучэнцаў і выкладчыкаў Папскай Касцёльнай Акадэміі, якая рыхтуе дыпламатаў Апостальскай Сталіцы.
Клопату аб стварэнні прысвечаны новы запіс папы Францішка ў «Твітэры» 5 чэрвеня. «Клопат аб стварэнні — не толькі тое, што Бог казаў на пачатку гісторыі: Ён даручае гэта кожнаму з нас як частку свайго плану», — так гучаць словы Пантыфіка.
Святы Айцец заявіў аб сваёй заклапочанасці лёсам Сірыі і зноў заклікаў да міру ў гэтай краіне. 5 чэрвеня папа Францішак сустрэўся з удзельнікамі нарады каталіцкіх дабрачынных арганізацый, якая праходзіла ў Рыме і была прысвечана сірыйскай праблематыцы.
3 чэрвеня падчас сустрэчы з прэфектам Кангрэгацыі па справах Кананізацыі кардыналам Анджэло Амата папа Францішак падпісаў шэраг дэкрэтаў аб прызнанні мучаніцтва амаль сотні ахвяраў антыкаталіцкага тэрору ў Іспаніі, які адбываўся падчас грамадзянскай вайны 1936–1939 гг. Сярод іх законнікі і законніцы, святары і свецкія вернікі.
У новым запісе ў «Твітэры» 12 чэрвеня Святы Айцец нагадаў пра тое, наколькі небяспечна ставіць на месца Бога ідалаў. «З колькімі відамі маральнай і матэрыяльнай беднасці мы сутыкаемся сёння ў выніку таго, што адмаўляем Бога і ставім шматлікіх ідалаў на Яго месца!» — так гучаць словы Пантыфіка.
На заканчэнне агульнай аўдыенцыі 12 чэрвеня папа Францішак нагадаў, што сёння адзначаецца Сусветны дзень барацьбы з дзіцячай працай, прысвечаны ў гэтым годзе супрацьдзеянню эксплуатацыі дзяцей у якасці хатняй прыслугі. Папа назваў эксплуатацыю дзяцей «сумным феноменам, які ўсё больш распаўсюджваецца, асабліва ў бедных краінах».
11 чэрвеня папа Францішак звярнуўся да сляпых і асобаў з аслабленым зрокам. Пантыфік скіраваў аўдыёпасланне да ўдзельнікаў летніка, арганізаванага ў мястэчку Тырэнія Італьянскім аб’яднаннем сляпых і людзей са слабым зрокам.
Анталогія тэкстаў Бэнэдыкта XVI, прысвечаных экалогіі, адзначана прэміяй за ўклад у ахову навакольнага асяроддзя. Кніга «Дзеля чалавечай экалогіі», у якой змешчаны тэксты прамоваў, гамілій, лістоў, выступленняў падчас канферэнцый, у якіх сённяшні Пантыфік на пенсіі звяртаў увагу на праблемы навакольнага асяродзя, разглядаючы іх не толькі праз рэлігійную, але таксама сацыяльную, культурную і эканамічную прызму, выйшла ў 2012 г.
Пра значэнне пілігрымак сказаў Святы Айцец маладым вернікам, якія позна вечарам 8 чэрвеня ішлі з Мачэраты ў Ларэта (Італія). Гэтую пілігрымку ўжо на працягу 35 гадоў арганізуе рух «Камунія і вызваленне», і сёлета ў ёй прынялі ўдзел 100 тысяч чалавек. Папа Францішак звязаўся з імі па тэлефоне.
Дзесяць Божых запаведзяў не з’яўляюцца «абмежаваннем свабоды», але «так» для Любові, каб бараніць чалавека і накіроўваць яго да сапраўднай свабоды, — сказаў папа Францішак вечарам 8 чэрвеня ў відэазвароце да ўдзельнікаў ініцыятывы «Дзесяць плошчаў для дзесяці запаведзяў», якая прайшла ў Мілане (Італія). Сустрэчу арганізаваў рух «Аднаўленне ў Духу Святым» у супрацоўніцтве з Папскай радай па новай евангелізацыі.
9 чэрвеня пасля малітвы «Анёл Панскі» папа Францішак нагадаў пра беатыфікацыю ў гэты дзень у Кракаве дзвюх польскіх законніц: Сафіі Мацеўскай, якая ў першай палове ХVII ст. заснавала супольнасць Законніц Ахвяравання Найсвяцейшай Панне Марыі, і Люцыі Шэўчык, якая ў ХІХ ст. заснавала Кангрэгацыю Дачок Маці Божай Балеснай (серафіткі). «Разам з кракаўскім Касцёлам мы дзякуем за гэта Пану», — сказаў Пантыфік.
Пра неабходнасць вяртання каштоўнасці чалавечай асобы нагадаў Святы Айцец Францішак у новым запісе ў «Твітэры» 9 чэрвеня. «У „культуры адходаў“ чалавечае жыццё больш не лічыцца першаснай каштоўнасцю, якую трэба паважаць і абараняць», — так гучаць словы Пантыфіка.
8 чэрвеня Святы Айцец Францішак сустрэўся з Прэзідэнтам Італіі Джорджо Напалітана, які прыбыў у Ватыкан са сваім першым афіцыйным візітам. Падчас сустрэчы Папа падкрэсліў, што візіт кіраўніка дзяржавы пацвярджае выдатныя адносіны паміж Італіяй і Святым Пасадам і нагадвае вобраз двух пагоркаў — Квірынала, на якім размяшчаецца прэзідэнцкі палац, і Ватыкана, «якія глядзяць адзін на аднаго з павагай і сімпатыяй».
7 чэрвеня Святы Айцец сустрэўся ў Ватыкане з навучэнцамі езуіцкіх школ Італіі і Албаніі. У сустрэчы ўдзельнічалі каля 9 тысяч маладых людзей.
«Грамадства спажывецтва прывучыла нас траціць. Але выкідваць ежу — гэта быццам красці яе ў бедных і галодных», — такі новы запіс Святога Айца Францішка ў «Твітэры», які з’явіўся 7 чэрвеня.
Штодзённая праца папскага дыпламатычнага прадстаўніка можа стаць для яго «трэніровачнай залай святасці», — лічыць папа Францішак. 6 чэрвеня Пантыфік прыняў на аўдыенцыі навучэнцаў і выкладчыкаў Папскай Касцёльнай Акадэміі, якая рыхтуе дыпламатаў Апостальскай Сталіцы.
Клопату аб стварэнні прысвечаны новы запіс папы Францішка ў «Твітэры» 5 чэрвеня. «Клопат аб стварэнні — не толькі тое, што Бог казаў на пачатку гісторыі: Ён даручае гэта кожнаму з нас як частку свайго плану», — так гучаць словы Пантыфіка.
Святы Айцец заявіў аб сваёй заклапочанасці лёсам Сірыі і зноў заклікаў да міру ў гэтай краіне. 5 чэрвеня папа Францішак сустрэўся з удзельнікамі нарады каталіцкіх дабрачынных арганізацый, якая праходзіла ў Рыме і была прысвечана сірыйскай праблематыцы.
3 чэрвеня падчас сустрэчы з прэфектам Кангрэгацыі па справах Кананізацыі кардыналам Анджэло Амата папа Францішак падпісаў шэраг дэкрэтаў аб прызнанні мучаніцтва амаль сотні ахвяраў антыкаталіцкага тэрору ў Іспаніі, які адбываўся падчас грамадзянскай вайны 1936–1939 гг. Сярод іх законнікі і законніцы, святары і свецкія вернікі.
Ватыканскае радыё