Справа евангелізацыі з’яўляецца фундаментам кожнай касцёльнай ініцыятывы, — звярнуў увагу папа Францішак. 17 мая Пантыфік сустрэўся з супрацоўнікамі Папскіх місійных ініцыятыў.

Звярнуць увагу на тое, якое месца займае ў жыцці вернікаў Бог, прапанаваў Святы Айцец Францішак у сваім новым запісе ў «Твітэры» 17 мая. «Ці сапраўды наша жыццё напоўнена прысутнасцю Бога? Колькі рэчаў займаюць месца Бога ў маім жыцці кожны дзень?» — над такімі пытаннямі заахвоціў задумацца Папа.

Папа Францішак наведае шэраг рымскіх парафій. У Апостальскай Сталіцы прадстаўлена праграма мерапрыемстваў з удзелам Пантыфіка на бліжэйшыя месяцы.

Жыць верай кожны момант заахвоціў Святы Айцец у сваім новым запісе ў «Твітэры» 16 мая. «Мы не можам быць „часовымі“ хрысціянамі! Мы павінны імкнуцца жыць нашай верай у кожны момант кожнага дня», — так гучаць словы папы Францішка.

Адказваць на сучасныя выклікі «з рашучасцю і дальнабачнасцю» заахвоціў папа Францішак чатырох новых паслоў пры Апостальскай Сталіцы, з якімі сустрэўся 16 мая. Пантыфік прыняў у дыпламатаў з Кыргызстана, Антыгуа і Барбуды, Люксембурга і Бастваны даверчыя граматы.

Хуан-Марцін дэль Потра 15 мая сустрэўся з Папам Рымскім Францішкам у Ватыкане і ўручыў Пантыфіку тэнісную ракетку, якой ён перамог у фінале US Open-2009.

Папа Францішак прывітаў Патрыярха Канстанцінопальскага Барталамея, які прыбыў у Мілан з нагоды святкавання 1700-годдзя Міланскага эдыкта — дакумента імператара Канстанціна, які «абвясціў свабоду веравызнання для хрысціян, адкрыў дарогу Евангеллю і рашуча паспрыяў нараджэнню еўрапейскай цывілізацыі». 15 мая Пантыфік скіраваў Патрыярху тэлеграму.

У 2013 годзе папа Францішак наведае Сардзінію. Пантыфік памоліцца ў мясцовым санктуарыі Маці Божай з Банарыё, ад якой паходзіць назва сталіцы Аргенціны Буэнас-Айрэс.

18–19 мая ў Рыме пройдзе Дзень свецкіх рухаў, новых супольнасцяў, асацыяцый і аб’яднанняў пад дэвізам «Я веру! Павяліч у нас веру». Для ўдзелу ў форуме зарэгістраваліся каля 120 тысяч чалавек са 150 рухаў з розных краін свету, у тым ліку і Беларусі. 19 мая ўдзельнікі сустрэчы збяруцца на Эўхарыстыі на плошчы Св. Пятра, якую ўзначаліць Папа.

Пра павагу і любоў да чалавечага жыцця напісаў папа Францішак у «Твітэры» 15 мая. «Гэта Бог дае жыццё. Давайце будзем паважаць і любіць чалавечае жыццё, асабліва ранімае жыццё ў мацярынскім улонні», — так гучаць словы Пантыфіка.

Вернасць Хрысту ў паўсядзённасці — такую тэму закрануў Святы Айцец Францішак у сваім чарговым запісе ў «Твітэры» 13 мая. «Ці магу я быць верным Хрысту ў маім штодзённым жыцці? Ці здольны я паказваць сваю веру з пашанай, але таксама з адвагай?» — такія пытанні паставіў Пантыфік.

Новы даведнік са статыстычнай інфармацыяй пра Касцёл «Annuario Pontificio» прадставілі Святому Айцу 13 мая Дзяржаўны сакратар кардынал Тарчызіо Бэртонэ і субстытут Апостальскай Сталіцы арцыбіскуп Анджэло Бэчу. Даведнік распрацавала Цэнтральная статыстычная служба Святога Пасаду.

Маліцца за хрысціян, якія церпяць пераслед і насілле, заклікаў Святы Айцец Францішак у «Твітэры». «Давайце маліцца за шматлікіх хрысціян у свеце, якія ўсё яшчэ пакутуюць ад пераследу і насілля. Няхай Бог дасць ім адвагу веры», — так гучыць новы запіс у папскім профілі, які з’явіўся 12 мая.

12 мая папа Францішак правёў сваю першую кананізацыю. Пантыфік абвясціў святымі 800 мучанікаў з італьянскага Атранта, якія аддалі жыццё за веру напрыканцы XV ст., а таксама дзвюх заснавальніц манаскіх супольнасцяў з Лацінскай Амерыкі: калумбійку Лаўру ад св. Кацярыны Сіенскай і мексіканку Марыю Гвадалупэ.

11 мая папа Францішак звярнуўся да вернікаў з новым запісам у «Твітэры». «Дух Святы дапамагае нам паглядзець на іншых свежым позіркам, бачыць іх заўсёды як братоў і сясцёр у Езусе, паважаць і любіць», — так гучаць словы Пантыфіка.