Ватыкан: святкаванне 30-годдзя абрання Папы Яна Паўла ІІ
15.10.2008 16:01
Галоўнай падзеяй ватыканскіх і рымскіх святкаванняў 30-годдзя абрання Папы Яна Паўла ІІ стане прагляд фільму «Сведчанне» ў чацвер 16 кастрычніка 2008 г. Фільм створаны па матывах аднайменнай кнігі кардынала Станіслава Дзівіша. На праглядзе будзе прысутнічаць Бэнэдыкт XVI, удзельнікі Сіноду Біскупаў, працаўнікі Рымскай Курыі і пілігрымы. Пасля Святы Айцец выступіць з прамовай.
Святы Айцец Бэнэдыкт XVI, падводзячы вынікі ХІІ Генеральнай асамблеі Сіноду Біскупаў на тэму «Слова Божае ў жыцці і місіі Касцёла», назваў яе «супольным крочаннем да Пана пад кіраўніцтвам Божага слова».
23 кастрычніка 2008 г. Патрыярх Маскоўскі і ўсяе Русі Алексій ІІ скіраваў да Святога Айца Бэнэдыкта XVI пасланне, у якім выказаў свой аптымізм у адносінах да перспектыў супрацоўніцтва з Каталіцкім Касцёлам.
Генеральны вікарый Мінска-Магілёўскай архідыяцэзіі біскуп Антоні Дзям’янка, які ў гэты час знаходзіцца ў Рыме і прадстаўляе Каталіцкі Касцёл ў Беларусі на ХІІ Генеральнай асамблеі Сіноду Біскупаў, даслаў інфармацыю пра ход яе працы на другім тыдні, якую прапануем Вашай увазе.
Апостальская Сталіца адобрыла новыя формулы на заканчэнне святой Імшы, якія 18 кастрычніка 2008 г. абвясціў прэфект Кангрэгацыі Божага Культу і Дысцыпліны Сакрамэнтаў кардынал Фрэнсіс Арынзэ. Прапанова дадаць некалькі альтэрнатыўных формул была ўнесена ў 2005 г. удзельнікамі сходу Сіноду Біскупаў.
Глыбокую радасць і ўдзячнасць выказаў Бэнэдыкт XVI у адказ на прамову Сусветнага Патрыярха Канстанцінопальскага Барталамея I пасля завяршэння Вячэрні 18 кастрычніка 2008 г. у Сіксцінскай капэле. Упершыню ў гісторыі Сусветнаму Патрыярху была прапанавана магчымасць звярнуцца да Сіноду Біскупаў Рыма-каталіцкай Царквы.
16 кастрычніка 2008 г., у 10-ю гадавіну публікацыі энцыклікі «Fides et ratio» («Вера і розум»), Латэранскім універсітэтам (Рым) у супрацоўніцтве з Папскай акадэміяй навук і Сусветнай канферэнцыяй каталіцкіх інстытутаў філасофіі быў арганізаваны міжнародны кангрэс.
Пасля прагляду фільма «Сведчанне» (па матывах аднайменнай кнігі кардынала Станіслава Дзівіша) Святы Айцец Бэнэдыкт XVI прыгадаў вечар 1978 г. Менавіта ў гэты час новаабраны Папа звярнуўся да вернікаў, сабраных на плошчы Святога Пятра. Бэнэдыкт XVI прыгадаў таксама яго словы, прамоўленыя 22 кастрычніка 1978 г. на ўрачыстае распачацце Пантыфікату.
Ужо другі тыдзень Генеральны вікарый Мінска-Магілёўскай архідыяцэзіі біскуп Антоні Дзям’янка знаходзіцца ў Рыме на ХІІ Генеральнай асамблеі Сіноду Біскупаў як прадстаўнік Каталіцкага Касцёла ў Беларусі. Прапануем вашай увазе фрагменты інтэрв’ю з біскупам Антоніем для Ватыканскага радыё, у якім гаворка ідзе пра мінулы і сучасны стан біблійнага душпастырства на Беларусі.
Папская рада па міжрэлігійным дыялогу скіравала да мусульманаў сваё Пасланне з нагоды заканчэння Рамадана — месяца шчырага посту і малітвы. Сёлета Рамадан працягваўся з 1 па 29 верасня. У Пасланні старшыня ватыканскага ведамства кардынал Жан-Луі Таран прапануе для разважання тэму «Разам за годнасць сям’і». Вашай увазе прапануем поўны тэкст паслання на рускай мове.
Галоўнай падзеяй ватыканскіх і рымскіх святкаванняў 30-годдзя абрання Папы Яна Паўла ІІ стане прагляд фільму «Сведчанне» ў чацвер 16 кастрычніка 2008 г. Фільм створаны па матывах аднайменнай кнігі кардынала Станіслава Дзівіша. На праглядзе будзе прысутнічаць Бэнэдыкт XVI, удзельнікі Сіноду Біскупаў, працаўнікі Рымскай Курыі і пілігрымы. Пасля Святы Айцец выступіць з прамовай. 
12 кастрычніка 2008 г. Святы Айцец Бэнэдыкт XVI на плошчы Святога Пятра ўзначаліў урачыстую кананізацыйную святую Імшу, падчас якой да ліку святых былі далучаны сястра Альфонса ад Беззаганнага Зачацця з Кангрэгацыі трэцяга францішканскага ордэну свецкіх, якая паходзіць з Індыі, заснавальнік Кангрэгацыі Місіянераў Найсвяцейшых Сэрцаў Езуса і Марыі італьянскі святар Гаэтано Эррыко, швейцарская місіянерка, панна і заснавальніца Кангрэгацыі Сясцёр Францішканак Місіянерак Марыі Успамогі Хрысціянаў Марыя Бернарда Бютлер, а таксама с. Нарчыса ад Езуса з Эквадора.
Сусветны дзень мігрантаў і бежанцаў, які будзе адзначацца 19 студзеня 2009 г., павінен стаць «для ўсіх стымулам жыць у паўнаце братэрскай любові, без якіх-небудзь адрозненняў і дыскрымінацый, каб мы былі ўпэўненымі, што кожны, каму мы патрэбны, з’яўляецца нашым бліжнім і што мы можам дапамагчы яму», — заклікае Бэнэдыкт XVI у Пасланні на 95 Сусветны дзень, сканцэнтраваным на тэме «Святы Павел — вандроўнік, „Апостал язычнікаў“».
«Ужо ў гэтым годзе з’явіцца новая сацыяльная энцыкліка Бэнэдыкта XVI», — паведаміў падчас прэс-канферэнцыі, прысвечанай папскаму пасланню на 95-ы Сусветны дзень мігрантаў і бежанцаў, старшыня Папскай рады душпастырства эмігрантаў і падарожнікаў, а таксама Папскай рады справядлівасці і супакою кардынал Рэнато Рафаэле Марціно.
«Сінод накрэсліў душпастырскія дырэктывы, каб усталяваць практыку сустрэчы са Словам Божым — крыніцаю жыцця», — адзначыў кардынал Марк Уэлле, генеральны дакладчык ХІІ Генеральнай асамблеі Сіноду Біскупаў. Арцыбіскуп Квебекскі (Канада) указаў на сувязь Святога Пісання з адраджэннем Касцёла, экуменізмам і дыялогам Касцёла з асобнымі народамі і рэлігіямі.
Ватыканскае радыё