|
Прэзентацыя >>>
I вось Я з вамi ва ўсе днi аж да сканчэння веку (Mц 28, 20)
Евангелiст Мацвей на пачатку свайго Евангелля нагадвае нам, што Езус, чыю гісторыю ён пачынае распавядаць, - гэта «Бог-з-намі», Эмануэль (Mц 1, 23), а ў канцы ён цытуе словы, у якіх Езус абяцае застацца з намі назаўсёды, нават пасля свайго вяртання на нябёсы. Да канца свету Ён будзе «Богам-з-намі».
Езус звяртае гэтыя словы да сваіх вучняў пасля таго, як ужо даверыў iм заданне ісцi i несцi па ўсім свеце Ягонае пасланне. Ён цалкам усведамляе, што пасылае іх як авечак сярод ваўкоў, і што яны сустрэнуць супрацiўленне і пераслед (Mц 10, 16-22). Але Ён не хоча пакiнуць iх адных пры выканнi гэтай місіi. Менавіта таму ў хвiлiны адыходу Ён запэўнiвае, што застанецца з імі! Яны не будуць бачыць Яго сваiмi вачыма, не пачуюць Ягонага голасу, не змогуць дакрануцца да Яго, але Ён застанецца паміж імі, як і раней, і нават больш, чым раней. I калі да гэтага часу Ягоная прысутнасць была звязана з пэўным месцам: Ён прысутнiчаў у Капернауме ці ля возера, на гары ці ў Ерусаліме, з гэтага часу і назаўсёды Ён будзе паўсюль там, дзе Ягоныя вучні.
Езус таксама меў на ўвазе і ўсiх нас, хто ў будучыні дасведчыць цяжкасці штодзённага жыцця. Езус – Уцелаўлёная Любоў - магчыма, думаў: Я хацеў бы заўсёды быць з людзьмі, хацеў бы падзяляць іхнія турботы, хацеў бы даваць ім парады, суправаджаць іх на iхнiх шляхах, уваходзiць у iхнiя дамы, сваёй прысутнасцю хацеў бы ажыўляць іхнюю радасць.
Вось чаму ён хацеў застацца з намі - каб мы маглi адчуваць Ягоную блізкасць, Ягоную сілу, Ягоную любоў.
У Евангеллi паводле Лукi сказана (Лк 24, 52), што вучні, убачыўшы Езуса, узыходзячага на неба, «з вялікай радасцю вярнуліся ў Ерусалім». Як гэта было магчыма? Бо яны дасведчылі, што Ягоныя словы ёсць праўдай.
Гэтак жа i мы будзем перапоўненыя радасцю, калі сапраўды паверым у абяцанне Езуса:
I вось Я з вамi ва ўсе днi аж да сканчэння веку
Гэтыя словы, апошнія словы, якiя сказаў Езус сваім вучням, азначаюць канец Ягонага зямнога жыцця і адначасова пачатак жыцця Касцёла, у якiм Ён прысутнічае ў шэрагу розных спосабаў: у Эўхарыстыі, у Ягоным Слове, у сваіх прадстаўніках (біскупах, святарах), у бедных, у маленькіх, у адкiнутых... ва ўсіх блiжніх.
Для нас незвычайна блізка гэтае акрэсленне асаблівай прысутнасцi Езуса, на якую Ён сам - таксама ў Евангеллі паводле Мацвея (Mц 18, 20) - нам паказаў: «Дзе двое цi трое сабраныя ў імя Маё, там Я ёсць сярод іх». Ён прагне, каб праз гэтую прысутнасць Ён мог быць у кожным месцы.
Калі мы жывем так, як Ён нас просiць, а асабліва Ягоным Новым Запаветам, мы можам дасведчыць гэтую Ягоную прысутнасць таксама i па-за касцёламі, i пасярод людзей, у месцах, дзе жывем, паўсюль.
Тады адзiнае, што неабходна, - гэта ўзаемная любоў, ахвярная, разумеючая, якая ўдзельнічае ў пакутах, трывогах і радасцях нашых братоў: тая любоў, якая ахоплівае ўсё, усё даруе, якая тыповая для хрысціянства.
Давайце будзем жыць так, каб кожны меў магчымасць сустрэцца з Ім ужо тут, на зямлі.
К’яра Любіч
апублiкавана ў „Nowe Miasto” 2002, № 3
|
«Папа Францішак пажадаў скіраваць словы сардэчнага прывітання ў адрас Яго Эксцэленцыі Мітрапаліта Паўла, арцыбіскупа Тадэвуша Кандрусевіча, каталіцкіх і праваслаўных братоў у біскупстве, шаноўных дакладчыкаў і ўсіх удзельнікаў Форума, — адзначае Дзяржаўны сакратар кардынал П'етро Паралін. — Просячы аб малітве, Папа Францішак сардэчна запэўнівае ўсіх удзельнікаў Форума ў сваёй благаслаўляючай памяці».
31 мая біскуп Пінскі Антоні Дзям’янка наведаў групу дзяцей і моладзі на “Канікулах з Богам” у Баранавіцкім рэгіёне. Таксама пінскі ардынарый правёў набажэнства ў касцёле ў Ішкалдзі, сустрэўся з вернікамі парафіі, якія аказаліся ў складанай сітуацыі пасля ад’езду пробашча кс. Мацея Шмытоўскага, і вызначыў часовых душпастыраў да моманту ўрэгулявання сітуацыі.
31 мая, у свята Адведзінаў Найсвяцейшай Панны Марыі, у апошні дзень маёвага набажэнства, у вёсцы Фашчаўка Магілёўскага дэканату святкавалі парафіяльную ўрачыстасць. Імшу ўзначаліў дэкан Магілёўскага дэканату кс. Павел Шылак, Божае Слова да вернікаў наблізіў адміністратар парафіі ў Горках кс. Андрэй Кеўліч.
З нагоды Міжнароднага дня абароны дзяцей, які адзначаецца 1 чэрвеня, моладзь і прадстаўнікі Легіёна Марыі з парафіі Св. Юзафа ў Маладзечне завіталі ў мясцовы дзіцячы інтэрнат.
Па традыцыі на працягу некалькіх гадоў у Гродзенскай дыяцэзіі ў першую нядзелю чэрвеня адзначаецца Дзень бацькі. Сёлета галоўныя ўрачыстасці адбыліся 1 мая ў санктуарыі Маці Божай Чэнстахоўскай на Узгорку надзеі ў Капцёўцы.
31 мая, напярэдадні Міжнароднага дня абароны дзяцей, у Гомелі прайшла традыцыйная акцыя ў абарону жыцця, якую арганізавала грамадскае дабрачыннае аб'яднанне «Выратаванне немаўлят». Арганізацыя аб'ядноўвае хрысціян розных канфесій, урачоў-гінеколагаў, прадстаўнікоў розных прафесій.
“Езус нас суправаджае, вядзе, бярэ за руку і падымае нас, калі мы падаем”, - нагадаў Папа Францішак у разважанні падчас малітвы “Regina Caeli” на плошчы св. Пятра 1 чэрвеня. “Уваскрослы Езус знаходзіцца недалёка ад хрысціян, якіх пераследуюць і дыскрымінуюць. Ён побач з кожным чалавекам, які пакутуе”, - падкрэсліў Пантыфік.