5 кастрычніка Міждыяцэзіяльная вышэйшая духоўная семінарыя імя святога Тамаша Аквінскага ў Пінску чарговы раз перажывала ўрачыстую інаўгурацыю новага навучальнага года. 2015/2016 год з’яўляецца пятнаццатым па ліку пасля адраджэння семінарыі ў 2001 годзе кардыналам Казімірам Свёнткам.

«Транзітус», сакрамэнт канфірмацыі, а таксама благаслаўленне хатніх жывёлаў — вось тры падзеі, якія прамінулі за два дні, 3-4 кастрычніка, у францішканскай парафіі ў Гродне, у вігілію і дзень успаміну аднаго з самых любімых святых, апекуна навакольнага асяроддзя — Францішка з Асізі.

Энцыкліка Папы на беларускай мове, моўная хвілінка з кс. Юрыем Барком, Нацыянальная пілігрымка беларусаў вачыма журналістаў-замежнікаў і іншыя падзеі Касцёла ў Беларусі за апошні тыдзень.

1 кастрычніка прызначаны новы дырэктар Рэлігійнай місіі «Дабрачыннае каталіцкае таварыства “Карытас”» Мінска-Магілёўскай архідыяцэзіі, якім стаў брат Андрэй Жылевіч OFMCap. Прапануем інтэрв’ю з новапрызначаным дырэктарам.

У вігілію ўспаміну св. Францішка з Асізі ў парафіі Святой Сям’і ў Лідзе адбылася ўрачыстая святая Імша, падчас якой адна з членаў Трэцяга Ордэна свецкіх францішканаў аднавіла манаскія абяцанні, а тры чалавекі ўступілі на чарговую ступень фармацыі.

Неад’емнай складаючай жыцця і дзейнасці св. Францішка Асізскага былі яго любоў да ўсяго існага, замілаванне навакольным светам і распаўсюджванне ідэі братэрства з кожнай жывой істотай. Усё гэта стала прычынай таго, каб у дзень успаміну святога адзначаць таксама Сусветны дзень (абароны) жывёл.

26 верасня ў Катэхетычным каледжы імя З. Лазінскага ў Баранавічах адбылася святочная святая Імша, прысвечаная распачаццю новага навучальнага года. Імшу канцэлебравалі новы дырэктар каледжа кс. Павел Рудзьман, выкладчык дагматычнай тэалогіі кс. Алег Сількевіч і выкладчык гісторыі філасофіі кс. Юрый Павайба.

5 кастрычніка ўрачыста пачынаецца навучальны год у Міждыяцэзіяльнай вышэйшай духоўнай семінарыі ў Пінску. З гэтай нагоды Catholic.by публікуе інтэрв'ю з кіраўніком установы — прызначаным у жніўні на пасаду рэктара кс. Андрэем Рылкам.

3 кастрычніка гасцінна адкрыў свае дзверы для дзяцей і моладзі араторый імя благаслаўлёных мучанікаў з Познані ў Дзятлаве (Гродзенская дыяцэзія).

Пробашч мінскай парафіі Беззаганнага Зачацця Найсвяцейшай Панны Марыі а. Аляксандр Шамрыцкі МІС падзякаваў за малітоўную падтрымку і пошук Ані Лашкінай. 13-гадовая дзяўчынка, якая прапала 1 кастрычніка па дарозе ў касцёл Беззаганнага Зачацця Найсвяцейшай Панны Марыі, на сённяшні дзень знойдзена.

Ранiцай 4 кастрычнiка Папа Францiшак узначаліў у базылiцы св. Пятра ў Ватыкане святую Iмшу, якая стала пачаткам Сінода Біскупаў на тэму «Пакліканне і місія сям’і ў Касцёле і сучасным свеце». Разам з Пантыфікам Імшу канцэлебравалi Айцы Сiнода. У Сінодзе ўдзельнічае Мітрапаліт Мінска-Магілёўскі арцыбіскуп Тадэвуш Кандрусевіч.

Сёння распачынаецца Тыдзень Міласэрнасці — час паяднання з Хрыстом у спаўненні Яго волі і ўчынкаў міласэрнасці да бліжніх.

Падчас рэстаўрацыйных прац у Гомельскім епархіяльным упраўленні Беларускай Праваслаўнай Царквы выявілі ўнікальны абраз. Спецыялісты вызначылі, што знойдзены ў вёсцы Уза Гомельскага раёна абраз Панны Марыі можа мець 400-гадовы ўзрост. Абраз заўважыў і прывёз у рэстаўрацыйную майстэрню епіскап Гомельскі і Жлобінскі Стэфан.

Аня Лашкіна, 13-гадовая мінская школьніца, якая прапала 1 кастрычніка па дарозе ў касцёл, знойдзена. Курыя Мінска-Магілёўскай архідыяцэзіі просіць аб малітве ў яе інтэнцыі.

4-25 кастрычніка ў Ватыкане пройдзе пасяджэнне Сінода Біскупаў на тэму «Пакліканне і місія сям’і ў Касцёле і сучасным свеце». Касцёл у Беларусі на форуме прадставіць старшыня беларускага епіскапату Мітрапаліт Мінска-Магілёўскі арцыбіскуп Тадэвуш Кандрусевіч. Перад пачаткам Сінода Сatholic.by задаў арцыпастыру некаторыя пытанні.