16 верасня ў Пінску адбылася сустрэча катэхетаў, а таксама пастырская сустрэча духавенства Пінскай дыяцэзіі. Сустрэча катэхетаў была прысвечана тэме катэхізацыі дарослых.

12 верасня ў касцёле Божага Цела ў пасёлку Беразінскім Маладзечанскага раёна адбыўся канцэрт, прысвечаны 250-годдзю з дня нараджэння М.К. Агінскага, вядомага палітычнага і вайсковага дзеяча Вялікага княства Літоўскага, кампазітара і мецэната.

Мітрапаліт Мінска-Магілёўскі арцыбіскуп Тадэвуш Кандрусевіч прадстаўляў епіскапат Беларусі на Пленарнай Асамблеі Рады Біскупскіх Канферэнцый Еўропы, якая праходзіла на Святой Зямлі 11-16 верасня.

«Мы, як паслядоўнікі Езуса Хрыста, ніколі не павінны забываць аб тым, што выхаванне маладога пакалення, каб было сапраўды ўніверсальным, павінна быць таксама выхаваннем да жыцця ў веры», – адзначае біскуп Гродзенскі.

13 верасня вёска Лучай святкавала 473 гады свайго існавання. Як духоўным, так і забаўляльным цэнтрам фэсту стала парафія Св. Юды Тадэвуша, апостала.

12 верасня ў парафіі Божага Цела ў Беразінскім прайшоў штогадовы аднадзённы турнір па міні-футболе на Кубак благаслаўлёнага Міхала Сапоцькі.

Пленарную Асамблею Рады Бiскупскiх Канферэнцый Еўропы ў 2017 г. прапанавана правесці ў Мінску. Сёлетняя асамблея праходзіць на Святой Зямлі з 11 па 16 верасня, беларускі епіскапат на ёй прадстаўляе Мітрапаліт Мінска-Магілёўскі арцыбіскуп Тадэвуш Кандрусевіч.

13 верасня ў парафіі Маці Божай Шкаплернай у Мядзелі прайшлі ўрачыстасці 250-годдзя пабудовы першай Кальварыі. У гэты дзень у свята Узвышэння Святога Крыжа парафію адведаў і Апостальскі Нунцый у Беларусі арцыбіскуп Клаўдыё Гуджэроцці.

12 верасня ў парафіі Імя Найсвяцейшай Панны Марыі ў Параф’янаве (Докшыцкі дэканат) адзначалі парафіяльную ўрачыстасць, радасць якой з вернікамі прыехаў раздзяліць біскуп Віцебскі Алег Буткевіч.

14 верасня ў курыі Гродзенскай дыяцэзіі адбылася жараб’ёўка каманд-удзельніц ХІ турніру па міні-футболе «Памяці св. Яна Паўла ІІ», які пройдзе ў парафіі Беззаганнага Зачацця Найсвяцейшай Панны Марыі ў Слоніме 19 верасня. Турнір праводзіцца ўжо ў 11-ы раз.

14 верасня гродзенская парафія Адшукання Святога Крыжа (пабернардынскі) перажывала адпустовую ўрачыстасць. Прыгожы вялікі крыж, які змешчаны ў галоўным алтары святыні, надае гэтаму сакральнаму будынку веліч і стварае адпаведную малітоўную атмасферу.

На Святой Зямлі працягваецца Пленарная Асамблея Рады Біскупскіх Канферэнцый Еўропы. Форум еўрапейскіх біскупаў праходзіць з 11 па 16 верасня, у ім прымае ўдзел Мітрапаліт Мінска-Магілёўскі арцыбіскуп Тадэвуш Кандрусевіч.

З 8 верасня, свята Нараджэння Найсвяцейшай Панны Марыі, да 12 верасня, успаміну Імя Найсвяцейшай Панны Марыі, у лідскай парафіі Беззаганнага Зачацця Найсвяцейшай Панны Марыі праходзіла 40-гадзіннае набажэнства, якое праводзіў дапаможны біскуп Гродзенскай дыяцэзіі Юзаф Станеўскі.

14 верасня Касцёл адзначае свята Узвышэння Святога Крыжа. Напярэдадні ў мінскай парафіі Узвышэння Святога Крыжа на Кальварыі пачалося святкаванне парафіяльнай урачыстасці. Святую Імшу ўзначаліў дапаможны біскуп Мінска-Магілёўскай архідыяцэзіі Юрый Касабуцкі.

У чацвёрты дзень працы Пленарнай Асамблеi Рады Бiскупскiх Канферэнцый Еўропы, 14 верасня, завяршыліся паведамленні бiскупаў аб сітуацыі Касцёла ў іх краінах. У асамблеі прымае ўдзел таксама Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч.