29 красавіка адзначаецца Радуніца. У Беларусі гэта дзяржаўнае свята і выхадны дзень. Таму, напэўна, могілкі наведаюць не толькі праваслаўныя, але і католікі. У гэты дзень на магілах можна часта заўважыць пакінутыя ежу і піццё, а на могілках — падпітых людзей. Аб тым, што падобныя ўчынкі з’яўляюцца грахом і як належыць хрысціянам памінаць памерлых, глядзіце ў сюжэце ТРК Ангел ТВ.

27 красавіка ў парафіі Св. Міхала Арханёла ў Ашмянах адбылася святочная падзея: больш за 200 чалавек прынялі сакрамэнт канфірмацыі. Сакрамэнт удзяліў дапаможны біскуп Гродзенскай дыяцэзіі Юзаф Станеўскі.

27 красавіка ў парафіі Найсвяцейшага Сэрца Пана Езуса i св. Язафата ў Заневічах вернікі маліліся ў 30-годдзе смерці былога пробашча кс. Юзафа Маціеўскага. Урачыстую Эўхарыстыю ўзначаліў дапаможны біскуп Гродзенскай дыяцэзіі Юзаф Станеўскі, які паходзіць з гэтай парафіі. У 1969 г. кс. Маціеўскі ўдзяліў будучаму іерарху хрост, пазней Першую Камунію.

У Беларусь прыбудуць сімвалы Сусветных дзён моладзі — крыж і абраз Маці Божай «Salus Populi Romani», якія ўжо шмат гадоў з’яўляюцца нязменнымі «ўдзельнікамі» міжнароднага моладзевага форуму.

27 красавіка ў Магілёве, у парафіі Унебаўзяцця Найсвяцейшай Панны Марыі адбылася сустрэча Клуба Каталіцкай Інтэлігенцыі з маладдзю з нагоды далучэння да святога алтара Пана двух Папаў: Яна ХХІІІ і Яна Паўла ІІ.

27 красавіка, калі ў Апостальскай Сталіцы былі абвешчаны два новыя святыя: Ян Павел ІІ і Ян ХХІІІ, у касцёле святога Юды Тадэвуша ў Лучаі адбыліся Імша і набажэнства ў іх гонар. З нагоды абвяшчэння новых святых пасля літургіі адбыўся канцэрт беларускага выканаўцы Зміцера Вайцюшкевіча.

27 красавіка, у нядзелю Божай Міласэрнасці, калі былі абвешчаны святымі Ян ХХІІІ і Ян Павел ІІ, у касцёле святой Ганны на Ватыкане адбылася Імша падзякі за кананізацыю гэтых двух Пантыфікаў. У Імшы, якую ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч, прынялі ўдзел пілігрымы з Беларусі, што прыбылі ў Апостальскую Сталіцу на падзею кананізацыі.

Мітрапаліт Мінска-Магілёўскі арцыбіскуп Тадэвуш Кандрусевіч лічыць кананізацыю двух Пантыфікаў падзеяй нештодзённай, бо “Ян Павел ІІ быў вельмі моцна звязаны з Беларуссю”, а Ян ХХІІІ паспрыяў адраджэнню і абнаўленню мясцовага Касцёла праз Другі Ватыканскі Сабор.

Каталіцкі Касцёл мае двух новых святых. 27 красавіка падчас урачыстай Эўхарыстыі на плошчы св. Пятра ў Ватыкане Папа Францішак кананізаваў двух сваіх папярэднікаў - Яна XXIII і Яна Паўла II.

«Галоўнае — гэта нашыя дзеці» — пад такім дэвізам распачаўся сёлета ўжо трэці фестываль «Таленты чыстых сэрцаў». Мерапрыемства, арганізаванае Моладзевай каталіцкай місіяй «Чыстае сэрца« і Упраўленнем адукацыі Мінскай вобласці, заклікана дапамагчы дзецям-сіротам і асобам з асаблівасцямі развіцця развіць свае таленты і артыстычныя здольнасці.

26 красавіка адлічваецца 28-ая гадавіна аварыі на Чарнобыльскай АЭС, сумныя наступствы якой збірае як Беларусь, так і Украіна, і Расія і іншыя краіны.