Апостальскі Нунцый у Беларусі арцыбіскуп Клаўдыё Гуджэроцці даў інтэрв'ю, якое было запісана для праграм радыё "Беларусь" Беларускага радыё Нацыянальнай дзяржаўнай тэлерадыёкампаніі Рэспублікі Беларусь, якое вяшчае для слухачоў беларускага замежжа.

У дзень кананізацыі бл. Яна Паўла ІІ у катэдральны касцёл св. Францішка Ксаверыя ў Гродне прыбудзе частка рэліквій благаслаўлёнага. Рэліквіі для гродзенскіх католікаў ахвяраваў арцыбіскуп Кракава Станіслаў Дзівіш, які быў асабістым сакратаром Пантыфіка.

У Генеральным консульстве Польшчы ў Гродне адкрылася выстава «Пілігрым», прысвечаная бл. Яну Паўлу II. Аўтарамі фотаздымкаў з’яўляюцца беластоцкія фатографы Пётра Савіцкі і Анджэй Сакольскі.

1 мая арганізуецца аўтобусная пілігрымка ў Будслаў ад мінскага касцёла Св. Сымона і Алены. Арганізуе яе Міжнародная Дыяконія Евангелізацыі «Каштоўная Перліна» руху «Святло — Жыццё».

23 красавіка ў парафіi Найсвяцейшага Адкупіцеля ў Гродне (Дзевятоўка) дапаможны біскуп Гродзенскай дыяцэзіі Юзаф Станеўскі ўдзяліў сакрамэнт канфірмацыі парафіяльнай моладзі - 99-ці асобам.

З нагоды Вялікадня каталіцкія валанцёры Ліды наведалі дзяцей, якія знаходзяцца ў рэабілітацыйным аддзяленні Лідскай цэнтральнай раённай бальніцы, і аддзяленне кругласутачнага прабывання для пажылых людзей.

На сцяне санктуарыя Звеставання Найсвяцейшай Панны Марыі ў Назарэце ўжо пачалі ўсталёўваць табліцу з мазаічнай выявай адной з самых вялікіх святынь Каталіцкага Касцёла ў Беларусі — Будслаўскага абраза Маці Божай.

23 красавіка ў Глыбокім адбылося адкрыццё і асвячэнне помніка “Езус і самаранка” на Саборным пляцы каля фантана. Рашэнне аб устаноўцы помніка на біблійную тэму было прынята Глыбоцкім раённым выканаўчым камітэтам з нагоды 600-годдзя горада. Ідэя належыць скульптару Вячаславу Долгаву, ажыццявілі яе Мікалай Сталяр і Яраслаў Парахневіч.

23 красавіка ў гомельскім Доме міласэрнасці сёстры каталіцкага ордэна Місіянерак Любові (сёстры Маці Тэрэзы) зладзілі велікодны абед для мясцовых жабракоў і бяздомных. На абедзе сабраліся каля ста чалавек. Дапамагалі сёстрам парафіяне і вікарый гомельскай парафіі кс. Дамінік Шыманскі.

Пра свой удзел у тэлевізійных конкурсах «Must be the Musik» (Polsat, Польшча) і «Акадэмія талентаў» (АНТ, Беларусь) у новай рубрыцы нашага партала «Моладзь у Касцёле» распавядаюць Яна Бажычка і Ірына Некраш.

Вечарам ў Вялікую пятніцу, 18 красавіка, у Магілёве ў парафіі Святога Казіміра і Ядзвігі адбылося набажэнства Крыжовага шляху, а пасля — літургія Мукі Пана. Крыжовы шлях і Літургію ўзначаліў дапаможны біскуп Мінска-Магілёўскі Юрый Касабуцкі. У літургіі прыняў удзел пробашч парафіі а. Раман Шульц OP і вернікі горада.

“У цяжкіх хвілінах нашага жыцця, падчас нашых асабістых Вялікіх пятніц, нам неабходна памятаць аб Уваскрасенні. Як пасля заходу сонца наступае яго ўсход, так і пасля падзенняў і жыццёвых цяжкасцяў Хрыстус вядзе нас да паўстання да новага жыцця, у якім мы павінны дзяліцца з іншымі праўдай Яго Уваскрасення”, - адзначыў Мітрапаліт Мінска-Магілёўскі арцыбіскуп Тадэвуш Кандрусевіч на Імшы 21 красавіка, у велікодны панядзелак. Імша адбылася ў мінскім касцёле святых Сымона і Алены.

Увечары 19 красавіка дапаможны біскуп Мінска-Магілёўскай архідыяцэзіі Юрый Касабуцкі ўзначаліў літургію пасхальнай вігіліі ў катэдральнай парафіі Унебаўзяцця Найсвяцейшай Панны Марыі і св. Станіслава ў Магілёве.

19 красавіка дапаможны біскуп Мінска-Магілёўскай архідыяцэзіі Юрый Касабуцкі асвяціў велікодныя стравы ў парафіях Магілёўшчыны і павіншаваў вернікаў з надыходзячай урачыстасцю Уваскрасення Пана.