“Пакліканне да святарства – гэта не кар’ера, а служэнне іншым у тым месцы і ў той функцыі, якую выбраў нам Бог. І радасць святара вынікае з прысвячэння Найсвяцейшаму Сэрцу Езуса, - піша Мітрапаліт. - Хто ідзе за Хрыстом, павінен лічыцца з тым, што атрымае крыж, і, можа, нават цяжэйшы за іншыя, і з ім павінен будзе ісці аж да велікоднай раніцы. Аднак яго святарства не будзе сумным, бо з ім будзе Той, які перамог усялякі смутак і роспач”.

Ва ўспамін св. Дамініка Савіо вернікі дзятлаўскай парафіі Унебаўзяцця Найсвяцейшай Панны Марыі сабраліся, каб ушанаваць гэтага святога юнака.

18 мая 1944 г. скончылася бітва пад Монтэ-Касіна, вядомая таксама як бітва за Рым - адна з самых вялікіх і крывавых баталій супраць нямецкай нацысцкай арміі на Захадзе Еўропы. Сёлета спаўняецца 70 гадоў з часу гэтай бітвы. 3 мая 2014 г. у рамках пілігрымкі ў кляштар Монтэ-Касіна на вайсковых могілках разам з міжнароднай групай сяброў Беларусі маліўся Апостальскі візітатар для грэка-католікаў Беларусі архімандрыт Сяргей Гаек.

Ужо ў маі ў Беларусі распачынаюцца ўрачыстасці з нагоды 100-годдзя з дня нараджэння кардынала Казіміра Свёнтка. Успамінаць легендарнага чалавека, першага Мітрапаліта Мінска-Магілёўскага і першага кардынала ў Беларусі будуць па ўсёй краіне.Але галоўныя мерапрыемствы пройдуць у Пінскай дыяцэзіі, служэнню якой іерарх прысвяціў усё сваё жыццё.

5 мая дапаможны біскуп Пінскай дыяцэзіі Казімір Велікаселец, які служыць у Гомелі, адзначыў дзень нараджэння, з якім іерарха павіншавалі мясцовыя вернікі. А 4 чэрвеня гг. біскуп будзе адзначаць 30 гадоў з часу прэзбітэрскага пасвячэння.

У першую нядзелю мая, калі ў Гродзенскай дыяцэзіі святкуецца Дзень маці, у санктуарыі Маці Божай Шкаплернай у Гудагаі парафіяне і пілігрымы маліліся ў інтэнцыі ўсіх маці. Малітва мела характар падзякі Маці Божай за 250-гадовую прысутнасць у гэтым месцы і апеку над вернікамі.

4 мая ў парафіі Святога Андрэя, апостала, у Нарачы (Мінска-Магілёўская архідыяцэзія) Апостальскі Нунцый у Беларусі арцыбіскуп Клаўдыё Гуджэроцці ўзначаліў Імшу-падзяку за кананізацыю Папы Яна Паўла ІІ. Кананізацыя адбылася 27 красавіка ў Ватыкане.

Новы выпуск праграмы “Вытокі” прысвечаны Пасхальнаму Трыдууму ў Віцебску. Галоўныя цэлебрацыі гэтых дзён узначаліў у Віцебскай дыяцэзіі яе ардынарый біскуп Алег Буткевіч.

5 мая адзначаецца Міжнародны дзень барацьбы за правы інвалідаў. Каталіцкі Касцёл у сваёй дзейнасці шмат увагі ўдзяляе асобам з абмежаванымі магчымасцямі.

Па традыцыі першая нядзеля мая ў Гродзенскай дыяцэзіі адзначаецца як Дзень маці. Ва ўсіх капліцах і касцёлах вернікі моляцца ў інтэнцыі жывых і памерлых маці, выказваюць ім сардэчныя віншаванні.

5 мая ў Вышэйшай духоўнай семінарыі ў Гродне прайшлі мерапрыемствы ў гонар 20-годдзя дзейнасці дабрачыннага каталіцкага таварыства "Карытас" Гродзенскай дыяцэзіі. У межах юбілейных урачыстасцяў адбыліся прэзентацыя дзейнасці таварыства, даклады, святая Імша.

З 28 красавіка па 3 мая ў Баранавічах праходзілі штогадовыя рэкалекцыі для прадстаўнікоў Ордэна Меншых Братоў Капуцынаў. Асаблівай адметнасцю сёлетніх рэкалекцый было тое, што багатую спадчыну заснавальніка ордэна беларускім капуцынам набліжалі ягоныя суайчыннікі Апостальскі Нунцый у Беларусі арцыбіскуп Клаўдыё Гуджэроцці і сакратар Апостальскай Нунцыятуры монс. Філіпа Чампанэлі.

3 мая ў санктуарыі Маці Божай Валадаркі Азёраў у Браславе адбылося прэзбітэрскае пасвячэнне дыяканаў Яна Кароткіна і Аляксандра Фядотава з манаскай супольнасці айцоў сэрцанаў. Пасвячэнне ўдзяліў ардынарый Віцебскай дыяцэзіі біскуп Алег Буткевіч.

3 мая ў парафіі Святога Юрыя ў Паланэчцы адзначалася 100-годдзе нараджэння кс. Ежы Росяка – шматгадовага пробашча парафіі. Імшу ўзначаліў біскуп Пінскі Антоні Дзям’янка.