«Касцёл клапоціцца пра тых, хто не знаёмы з Евангеллем, бо жадае, каб усе былі збаўлены і сустрэліся з любоўю Пана», — гаворыцца ў пасланні Папы Францішка на Сусветны дзень місій, які будзе адзначацца 23 кастрычніка.

Сельскагаспадарчы цэнтр для іракскіх і сірыйскіх бежанцаў быў адкрыты ў Іярданіі за кошт ахвяраванняў, сабраных у павільёне Апостальскай Сталіцы падчас Міжнароднай выставы «Expо 2015», якая праходзіла ў Мілане.

Айцец Фэдэрыко Ламбардзі, кіраўнік Прэс-службы Апостальскай Сталіцы, заклікаў да сумленнай інфармацыі аб тым, што Папа Францішак сказаў пра дыяканат жанчын падчас сустрэчы з генеральнымі настаяцельніцамі жаночых манаскіх супольнасцяў.

Пра важнасць Святога Духа ў жыцці Касцёла і кожнага хрысціяніна гаварыў Папа Францішак 15 мая падчас сустрэчы з вернікамі на апошняй у гэтым годзе малітве «Regina Cаeli».

Быць сынамі Бога Айца – гэта тое, «для чаго мы былі створаны, гэта наша самая глыбокая ДНК», сказаў Папа Францішак у гаміліі падчас Імшы ў базыліцы св. Пятра 15 мая, ва ўрачыстасць Спаслання Духа Святога.

Ватыканская дыпламатыя павінна быць мудрай і міласэрнай, будаваць масты з культурамі і ўрадамі, рабіць бачнай прысутнасць Касцёла і надзяляць голасам Евангелле, сказаў Папа Францішак 13 мая падчас візіту ў Папскую касцёльную акадэмію.

Спагадлівасці, якая прадугледжвае суперажыванне, спачуванне і актыўную дапамогу іншаму чалавеку, Папа Францішак прысвяціў пазачарговую агульную аўдыенцыю, якая прайшла 14 мая ў Ватыкане ў рамках святкавання Юбілейнага Года.

Найбольш вострыя праблемы сучаснасці неабходна разглядаць у шырокай перспектыве: у беднасці бачыць не толькі эканамічны, але і маральны аспект, міграцыю разумець як з’яву, якая выходзіць па-за межы асобных краін і закранае ўсё чалавецтва. Пра гэта казаў Папа 13 мая падчас сустрэчы з удзельнікамі Міжнароднай канферэнцыі Фонду «Centesimus Annus pro Pontifice».

Езус моліцца аб адзінстве хрысціян, але ў Касцёле ёсць сейбіты разладу, якія сваёй мовай дзеляць і нішчаць, сказаў Папа Францішак 12 мая падчас ранішняй Эўхарыстыі ў Ватыкане.

12 мая Пантыфік правёў дыскусію адносна ролі жанчыны ў Касцёле і адзначыў, што хоча стварыць камісію, якая вывучыць магчымасць аднаўлення жаночага дыяканскага служэння.

Каля 6500 чалавек уратаваў у завірусе вайны ксёндз Х'ю О'Флаэрці, мемарыяльная дошка ў гонар якога была адкрыта ў Ватыкане на мінулым тыдні.

12 мая Папа Францішак прыняў на аўдыенцыі ў Ватыкане японскага прынца Акісіна — малодшага сына імператара Японіі Акіхіта — і яго жонку прынцэсу Кіка. Сустрэча працягвалася каля 20 хвілін і завяршылася абменам памятнымі падарункамі.

29 ліпеня падчас свайго візіту ў Польшчу Святы Айцец наведае былы нацысцкі канцлагер «Аўшвіц-Біркенаў» і сустрэнецца з тымі, хто выжыў у ім.

Інстытут рэлігійных спраў (Ватыканскі банк) працягвае дапамагаць Святому Айцу ў яго служэнні пастыра Паўсюднага Касцёла, гаворыцца ў апублікаванай 12 мая штогадовай справаздачы гэтай структуры Апостальскай Сталіцы.

У чэрвені Дзяржаўны Сакратар Папы Францішка кардынал П’етро Паралін здзейсніць візіт ва Украіну, каб выказаць салідарнасць Пантыфіка да насельніцтва, якое перажывае пакуты. Аб гэтым паведаміў сам кардынал 11 мая ва ўніверсітэце Тарту ў межах афіцыйнага візіту ў Эстонію.