24 сакавіка ў барысаўскім касцёле Нараджэння Найсвяцейшай Панны Марыі адбылася прыміцыйная Імша айца марыяніна Вадзіма Мізера. Святар атрымаў прэзбітэрскае пасвячэнне 8 сакавіка ў Оршы.

25 сакавiка, ва ўрачыстасць Звеставання Пана, у Барысаве распачалі будаўнiцтва касцёла Спаслання Святога Духа. Радасць гэтай падзеi падзялiў з вернiкамi дапаможны бiскуп Мiнска-Магiлёўскай архідыяцэзii Юрый Касабуцкi.

Увечары 25 сакавіка Мітрапаліт Мінска-Магілёўскі арцыбіскуп Тадэвуш Кандрусевіч цэлебраваў Імшу ў мінскай архікатэдры Імя Найсвяцейшай Панны Марыі. У гэты дзень Касцёл адзначае ўрачыстасць Звеставання Пана.

Раніцай 25 сакавіка, у дзень, калі Каталіцкі Касцёл адзначае Звеставанне Пана, Мітрапаліт Мінска-Магілёўскі арцыбіскуп Тадэвуш Кандрусевіч наведаў Бабруйск, дзе сустрэўся са старшынёй гарвыканкама Дзмітрыем Банохавым. Бакі абмеркавалі пытанне аб пяціпавярховым будынку, які ў савецкія часы, у 1968 г., быў узведзены перад мясцовым касцёлам Беззаганнага Зачацця Найсвяцейшай Панны Марыі.

У парафіі Св. Андрэя, апостала, у Нарачы адбылося выступленне харавых ансамбляў удзельнікаў рэспубліканскага конкурсу “Юныя таленты Беларусі”, якія прадставілі ўвазе слухачоў рэлігійныя спевы (“Хвалите имя Господне», «Отче наш», «Аллелюя», «Слава Отцу и Сыну», польскія калядкі).

23 сакавіка, у ІІІ нядзелю Вялікага посту, Мітрапаліт Мінска-Магілёўскі арцыбіскуп Тадэвуш Кандрусевіч наведаў парафію Святога Юзафа ў Крупках, дзе ўдзяліў сакрамэнт канфірмацыі. У парафіі адзначаўся адпуст.

15-16 сакавіка ў салезіянскім араторыі Мінска моладзь з розных куткоў Беларусі прымала ўдзел у рэкалекцыях аб добрай смерці. 25 чалавек з Мінска, Смаргоні, Дзятлава, Мінойтаў і іншых гарадоў разважалі над тэмай “Навяртанне душы: пост, малітва, міласціна”.

15 сакавіка ў парафіі Божага Цела ў Мінску адбылася сустрэча Трэцяга Ордэну кармэлітаў босых. Згодна з Канстытуцыяй супольнасці, свецкія кармэліты надалі свайму ордэну імя святога Юзафа – магутнага абаронца Касцёла.

Прыміцыйная Імша новапрэзбітэра а. Канстанціна Анашкі, марыяніна, прайшла 16 сакавіка ў яго роднай парафіі Імя Найсвяцейшай Панны Марыі ў Мінску. На Імшы прысутнічалі вернікі парафіі, родныя і знаёмыя, а таксама браты марыяне, якія падтрымлівалі яго на дарозе да святарства.

“Мы прызначаны для хвалы, якую мае Езус у небе. Але перад гэтым нас чакае крыж, які мы павінны несці. Для гэтага мы павінны быць моцнымі духоўна. Менавіта таму кожны год у Вялікі пост мы, нягледзячы на складаную і цяжкую дарогу нашага жыцця, разам з Езусам падымаемся на гару Табор”, - падкрэсліў Мітрапаліт Мінска-Магілёўскі арцыбіскуп Тадэвуш Кандрусевіч падчас Імшы ў другую нядзелю Вялікага посту, 16 сакавіка. Імшу іерарх цэлебраваў у мінскім архікатэдральным касцёле.

15 сакавіка Мітрапаліт Мінска-Магілёўскі арцыбіскуп Тадэвуш Кандрусевіч узначаліў Імшу ў гадавіну асвячэння архікатэдральнага касцёла Імя Найсвяцейшай Панны Марыі. Касцёл быў асвячаны ў 1710 г.

13 сакавіка ў архікатэдральным касцёле Імя Найсвяцейшай Панны Марыі ў Мінску адбылася Імша падзякі ў першую гадавіну абрання Папы Францішка – кардынала Хорхе Марыё Берголіо – на Святы Пасад. Імшу ўзначаліў Апостальскі Нунцый у Беларусі арцыбіскуп Клаўдыё Гуджэроцці.

13 сакавіка адбылася сустрэча духавенства і кансэкраваных асобаў Мінска-Магілёўскай архідыяцэзіі. Сустрэчу, якая праходзіла ў парафіі Св. Яна Хрысціцеля ў Мінску, узначаліў Мітрапаліт Мінска-Магілёўскі арцыбіскуп Тадэвуш Кандрусевіч.

13 сакавіка адбылося першае ў бягучым годзе пасяджэнне Рады святароў Мінска-Магілёўскай архідыяцэзіі. Пасяджэнне праходзіла ў парафіі Святога Яна Хрысціцеля ў Мінску.

9 сакавіка, у першую нядзелю Вялікага посту, Мітрапаліт Тадэвуш Кандрусевіч узначаліў святую Імшу ў парафіі Узвышэння Святога Крыжа ў Вілейцы. Мэтай візіту іерарха было памаліцца разам з мясцовымі парафіянамі, заахвоціць іх да шчырага перажывання Вялікага посту і ўдзяліць благаслаўленне.