«Немагчыма не чуць, не бачыць ці не звяртаць увагі на злачынствы супраць жанчын і дзяўчат, немагчыма больш лічыць іх проста непазбежнымі наступствамі жахлівай рэчаіснасці ваенных канфліктаў», — заявіў прадстаўнік Святога Пасаду пры АБСЕ.

Эрмэс Марыя Ронкі, італьянскі законнік, праводзіць велікапосныя рэкалекцыі для Папы Рымскага і супрацоўнікаў Рымскай курыі ў італьянскім Арыча ў прыгарадзе Рыма. Духоўныя практыкаванні з удзелам Пантыфіка пачаліся 8 сакавіка.

Пантыфік ухваліў 4 сакавіка новае «Палажэнне аб кіраванні актывамі спраў беатыфікацыі і кананізацыі». Па новых правілах ініцыятар беатыфікацыйнага або кананізацыйнага працэсу павінен стварыць адмысловы фонд па кіраванні актывамі, звязанымі з ім.

Падчас пасяджэння Рады па правах чалавека ААН Ватыкан адзначыў «недахоп палітычнай волі з боку разнастайных інстытутаў міжнароднай супольнасці» ў справе абароны права на рэлігійную свабоду.

Святы Айцец змяніў правілы ватыканскага пратакола адносна сустрэч з католікамі — кіраўнікамі дзяржаў, якія былі разведзены і ўступілі ў паўторны шлюб.

У Ватыкане апублікавалі інфармацыю аб літургічных цэлебрацыях Вялікага тыдня, якія ўзначаліць Папа Францішак. 20 сакавіка, у Пальмовую нядзелю, у 9.30 Пантыфік асвеціць на плошчы св. Пятра пальмовыя галінкі.

Старшыня Папскай рады справядлівасці і міру кардынал Пітэр Тарксан выступіў з прамовай на семінары пра здароўе і сексуальнасць, які быў прымеркаваны да свята 8 сакавіка.

Тры гадзіны на прыватнай размове з Папам Францішкам правялі сіцылійскія святары. Ініцыятыва зыходзіла ад Святога Айца, які, даведаўшыся пра шматлікія душпастырскія ініцыятывы, якія яны рэалізуюць, сам патэлефанаваў, запрашаючы іх у Ватыкан.

Двое новых святых, двое благаслаўлёных і восем Слугаў Божых з'явяцца ў Каталіцкім Касцёле. 3 сакавіка Папа Францішак падчас сустрэчы з прэфектам Кангрэгацыі па справах Кананізацыі кардыналам Анджэло Амата ўхваліў адмысловыя дэкрэты.

Кожны год 8 сакавіка Святы Пасад збірае жанчын, якія ўмацавалі Касцёл праз сваю ініцыятыву, сілу волі і лідарскія якасці.

Папа Францішак прымае ўдзел у велікапосных рэкалекцыях, якія праходзяць у мястэчку Арыча пад кіраўніцтвам італьянскага прапаведніка айца Эрмаса Марыі Ронкі. 7 сакавіка тэмай рэкалекцыйных разважанняў стала пытанне, якое Езус скіраваў да вучняў пасля суцішэння буры: «Чаго вы такія баязлівыя? Яшчэ не маеце веры?» (Mк 4, 40)

15 сакавіка Папа Францішак узначаліць Звычайны кансісторый па кананізацыйных справах. Пра гэта паведаміла 7 сакавіка Служба папскіх літургічных цэлебрацый. Кансісторый пачнецца малітвай Літургіі гадзін.

За апошнія дзевяць гадоў колькасць ахрышчаных католікаў у свеце расла больш хуткімі тэмпамі (14,1 працэнта), чым колькасць насельніцтва планеты (10,8 працэнта). Такую выснову можна зрабіць згодна з данымі, апублікаванымі Цэнтральнай статыстычнай службай Святога Пасаду.

Сёстры місіянеркі Божай любові, якія былі забіты на мінулым тыдні ў Емене, «аддалі сваю кроў за Касцёл» і з'яўляюцца не толькі ахвярамі злачынцаў, але і ахвярамі «абыякавасці», адзначыў Папа Францішак.

Пра тое, што «ў сакрамэнце паяднання мы заўсёды можам пачаць нанова», і пра «ўтоенага трэцяга сына» з прыпавесці пра марнатраўнага сына і міласэрнага бацьку, Папа Францішак казаў у разважаннях перад малітвай «Анёл Панскі» 6 сакавіка на плошчы св. Пятра.