Пачалася рэгістрацыя пілігрымаў, якія жадаюць прыняць удзел у мерапрыемствах Юбілейнага Года Міласэрнасці ў Ватыкане. Гэта можна зрабіць на сайце www.im.va.

Святы Пасад рашуча асудзіў тэракты ў сталіцы Францыі, якія адбыліся вечарам 13 лістапада. Кіраўнік Прэс-службы Апостальскай Сталіцы а. Фэдэрыко Ламбардзі апісаў іх як замах на мір усяго чалавецтва.

Старшыня Папскай рады па справах сям’і арцыбіскуп Вінчэнца Палья 14-15 лістапада здзейсніць візіт у Сірыю. На гэтыя дні заплаваны сустрэчы з Патрыярхам Мелькіцка-Каталіцкай Царквы Грыгорыем III і прысутнымі ў Дамаску біскупамі, а таксама з сірыйскімі хрысціянскімі сем’ямі.

Прэс-служба Святога Пасаду паведаміла 2 лістапада аб крымінальным расследаванні, якое вядзе на працягу апошніх месяцаў Ватыканская жандармерыя ў сувязі з выкраданнем і распаўсюджваннем канфідэнцыйных дакументаў.

Папа Францішак, прымаючы просьбу Кангрэгацыі Каталіцкай Адукацыі, заснаваў фонд «Gravvissimus educationes» з сядзібай у Дзяржаве Ватыкан.

Канчатковы даклад XIV Генеральнай Асамблеі Сіноду Біскупаў на тэму сям’і быў зацверджаны ўдзельнікамі 24 кастрычніка. Як і ў выпадку з аналагічным дакументам у канцы мінулагодняга пасяджэння, галасавалі асобна па кожным з 94 пунктаў.

24 кастрычніка Cінод Біскупаў, пасяджэнне якога праходзіць у Ватыкане, скіраваў пасланне аб сітуацыі сем’яў, якія жывуць ва ўмовах канфліктаў на Блізкім Усходзе, у Афрыцы і ва Украіне.

Раніцай 20 кастрычнiка ў межах Сінода Біскупаў на тэму сям’і працавалi лінгвістычныя групы, у другой палове дня прагучалі даклады рэлятараў груп. Перад гэтым са словам да ўдзельнiкаў Сiнода звярнуўся Старшыня Аддзела знешнiх царкоўных сувязяў Маскоўскага Патрыярхату Мiтрапалiт Валакаламскi Iларыён.

Біскупы павінны знайсці адказ на падвойную пагрозу радыкалаў-ісламістаў і радыкалаў знутры Заходняга свету, каб свет зразумеў прыгажосць хрысціянскай сям'і, сказаў кардынал Рабэр Сара, прэфект Кангрэгацыі Божага Культу і Дысцыпліны Сакрамэнтаў.

У адной з малых груп Сінода Біскупаў выказвалася прапанова аб скліканні спецыяльнай камісіі экспертаў, якія вывучаць магчымасць святой Камуніі для разведзеных, што жывуць у новых несакрамэнтальных саюзах.

Падчас 8-й Генеральнай кангрэгацыі Сінода Біскупаў, якая прайшла 14 кастрычніка ў Ватыкане, былі прадстаўлены даклады трынаццаці працоўных груп на тэму другой часткі «Instrumentum Laboris», якая была названа «пульсуючым сэрцам» усяго Сінода.

На пасяджэнні Сінода Біскупаў ідзе ў дадзены момант складаны працэс дэтальнага разгляду працоўнага дакумента «Instrumentum Laboris».

Кіраўнік Прэс-службы Апостальскай Сталіцы а. Фэдэрыко Ламбардзі ўнёс яснасць у пытанне аб лёсе выніковага дакумента Сінода Біскупаў на тэму сям’і, які праходзіць у Ватыкане 4-25 кастрычніка.

Неабходна глядзець на Сінод як на працэс абмену меркаваннямі, камунікацыю, якая адбываецца спакойна і шчыра, і не трэба шукаць у ім нейкія прыватныя інтарэсы і спробы маніпуляцыі, адзначыў кіраўнік Прэс-службы Апостальскай Сталіцы а. Фэдэрыко Ламбардзі падчас брыфінгу 8 кастрычніка.

Удзельнікі Сінода Біскупаў на тэму сям’і падтрымалі ўвядзенне Папам Францішкам новых нормаў, пакліканых паспрыяць паскарэнню прызнання несапраўднасці сужэнства. Адпаведныя дакументы Святога Айца былі апублікаваны два месяцы таму і ўвойдуць у сілу 8 снежня, з пачаткам Юбілейнага Года Міласэрнасці.