«Праўду кажу вам: лепш для вас, каб Я пайшоў, бо калі Я не пайду, Суцяшыцель не прыйдзе да вас, калі ж пайду, пашлю Яго да вас» (Ян 16,7)

29 мая Каталіцкі Касцёл адзначае ўрачыстасць Унебаўшэсця Пана. Пасля ўваскрасення Хрыстус аб’яўляўся вучням і казаў пра Божае Валадарства, а на саракавы дзень на іх вачах узнёсся на неба з Аліўнай гары.

5 мая адзначаецца Міжнародны дзень барацьбы за правы інвалідаў. Каталіцкі Касцёл у сваёй дзейнасці шмат увагі ўдзяляе асобам з абмежаванымі магчымасцямі.

Месяц май у Каталіцкім Касцёле асаблівым чынам прысвечаны ўшанаванню Найсвяцейшай Панны Марыі. Маёвыя набажэнствы маюць вельмі багатую гісторыю, якая пачынаецца яшчэ ў Егіпце. Ужо ў V стагоддзі хрысціяне (копты) збіраліся на працягу ўсяго месяца мая, каб спяваць песні ў гонар Марыі. Упершыню май быў названы месяцам Марыі ў 1549 г. у Германіі ў кнізе «Май духоўны». У 1814 г. Папа Пій VII выдаў булу, у якой адобрыў практыкаванне маёвых набажэнстваў.

29 красавіка адзначаецца Радуніца. У Беларусі гэта дзяржаўнае свята і выхадны дзень. Таму, напэўна, могілкі наведаюць не толькі праваслаўныя, але і католікі. У гэты дзень на магілах можна часта заўважыць пакінутыя ежу і піццё, а на могілках — падпітых людзей. Аб тым, што падобныя ўчынкі з’яўляюцца грахом і як належыць хрысціянам памінаць памерлых, глядзіце ў сюжэце ТРК Ангел ТВ.

13 красавіка 2014 г., у Пальмовую нядзелю, пачынаецца Вялікі тыдзень. Літyргія гэтага дня нагадвае пра ўрачысты ўезд Езуса Хрыста ў Ерузалем перад Яго ўкрыжаваннем.

5 сакавіка, у Папяльцовую сераду, пачынаецца Вялікі пост. У гэты дзень, у адпаведнасці з даўняй традыцыяй хрысціянства, у касцёлах падчас Імшаў адбываецца пасыпанне галоваў вернікаў попелам.

6 студзеня Каталіцкі Касцёл адзначае ўрачыстасць Аб’яўлення Пана, вядомую таксама як Тры Каралі. Евангелле паводле Мацвея апавядае аб магах або мудрацах з Усходу, якія, ідучы за зоркай, прыбылі ў Ерузалем і Бэтлеем, шукаючы нованароджанага юдэйскага караля.

Кожны католік абавязаны ўдзельнічаць у святой Імшы кожную нядзелю, а таксама ва ўрачыстасці і святы, спіс якіх прыводзіцца.

Упершыню пра Адвэнт як час падрыхтоўкі да Нараджэння Пана ўзгадваецца ў гістарычных крыніцах IV ст. Адвэнт багаты на разнастайныя сімвалы і традыцыі. Пры гэтым кожны народ і краіна маюць штосьці адметнае.

1 снежня 2013 г. у Каталіцкім Касцёле пачынаецца Адвэнт — перыяд падрыхтоўкі да Нараджэння Божага Сына. Адвэнт — гэта таксама пачатак новага літургічнага года.

16 лістапада адзначаецца ўспамін Найсвяцейшай Панны Марыі, Маці Міласэрнасці, Маці Божай Вастрабрамскай. Маці Божай Вастрабрамская з’яўляецца галоўнай апякункай Гродзенскай дыяцэзіі.

12 лістапада адзначаецца ўспамін св. Язафата Кунцэвіча, біскупа і мучаніка. Лёс Язафата Кунцэвіча стаў своеасаблівым сімвалам і сведчаннем таго, якія цяжкасці адчувала Грэка-Каталіцкая Царква на пачатку свайго станаўлення на беларускіх землях.

2 лістапада ў Касцёле адзначаецца ўспамін усіх памерлых вернікаў. У гэты дзень прынята наведваць могілкі і асаблівым чынам маліцца за памерлых.