З 31 снежня па 2 студзеня ў Навагрудку ў кляштары сясцёр назарэтанак адбылася сустрэча «Таварыства Святой Сям’і з Назарэта». У сустрэчы, якую праводзілі сёстры назарэнтанкі і кс. Аляксандр Фаміных, прыняло ўдзел каля 40 чалавек — сем’і з Гродна, Смаргоні і Навагрудка.

У апошні дзень 2014 г. і першы дзень новага 2015 г. дапаможны біскуп Гродзенскай дыяцэзіі Юзаф Станеўскі ўзначаліў святыя Імшы ў лідскай парафіі Узвышэння Святога Крыжа (Фара). Іерарх сустрэўся з вернікамі, каб выказаць ім сардэчныя віншаванні з Новым годам, а таксама разам памаліцца.

1 студзеня, ва ўрачыстасць Святой Багародзіцы Марыі і ў першы дзень новага года, біскуп Гродзенскі Аляксандр Кашкевіч узначаліў святую Імшу ў катэдральным касцёле св. Францішка Ксаверыя ў Гродне.

28 снежня, у нядзелю Святой Сям’і, дзеці і моладзь парафіі ў Сапоцкіне (Гродзенская дыяцэзія) прадставілі містэрыю на тэму Божага Нараджэння. Містэрыя пад назвай “Да Бэтлеема не так далёка…” была прапанавана увазе гледачоў у мясцовым Доме культуры.

25 снежня, ва ўрачыстасць Нараджэння Пана, у парафіі Святой Сям’і ў Лідзе на святой Імшы 17 кандыдатаў былі прыняты ў міністранты. Перад гэтым хлопцы прайшлі курс падрыхтоўкі, за які адказвалі кс. Юрый Гурскі і цырыманіярыі Ян Мік’янец і Андрэй Юхнік, старанна рыхтуючы іх да гэтага служэння.

26 снежня ў парафіі Святой Сям’і ў Лідзе (Гродзенская дыяцэзія) адбыліся сямейныя калядкі. Свята праходзіла пад кіраўніцтвам сясцёр Беззаганнага Зачацця Найсвяцейшай Панны Марыі.

Нядзеля Святой Сям’і: Езуса, Марыі і Юзафа — патранальнае свята Кангрэгацыі Сясцёр Найсвяцейшай Сям’і з Назарэта. 28 снежня ў рэктаральным касцёле Звеставання Найсвяцейшай Панны Марыі (пабрыгідскі) у Гродне, дзе сёстры назарэтанкі служаць шмат гадоў, прайшлі яго галоўныя святкаванні.

26 снежня ў парафіі Беззaганнага Зачацця Найсвяцейшай Панны Марыі ў Гродне прайшла аплатковая сустрэча ўдзельнікаў пілігрымкі «Гродна-Рось». Аплатковая сустрэча, якая збірае пілігрымаў з усёй Гродзенскай дыяцэзіі, якія летам падарожнічалі ў санктуарый у Росі, па традыцыі адбываецца ў другі дзень святаў Божага Нараджэння і з’яўляецца добрай нагодай, каб на нейкі час вярнуцца да перажытага разам шляху і падзяліцца сваёй радасцю.

Моладзь парафіі Беззаганага Зачацця Найсвяцейшай Панны Марыі ў Слоніме (Гродзенская дыяцэзія) 28 снежня, у свята Святой Сям’і, прадставіла слоўна-музычную містэрыю пра Божае Нараджэнне.

24-26 снежня дапаможны біскуп Гродзенскай дыяцэзіі Юзаф Станеўскі сустрэўся з вернікамі Ашмянскага дэканату. Іерарх наведаў парафіі Св. Міхала Арханёла ў Ашмянах, Найсвяцейшага Сэрца Езуса i Анёлаў Ахоўнікаў у Андажаве, Святых апосталаў Пятра і Паўла ў Граўжышках і Св. апостала Якуба ў Цудзенішках.

27 снежня ў Вышэйшай духоўнай семінарыі ў Гродне прайшла аплатковая сустрэча членаў малітоўнага руху за святароў «Маргарытка» ў Гродзенскай дыяцэзіі. Сустрэчу арганізаваў кс. Валерый Быкоўскі — духоўны айцец Вышэйшай духоўнай семінарыі і апякун «Маргарытак».

У вігілію Нараджэння Пана біскуп Гродзенскі Аляксандр Кашкевіч узначаліў Імшу пастэрку ў гродзенскім катэдральным касцёле св. Францішка Ксаверыя. У Імшы прынялі ўдзел вернікі катэдральнай парафіі і горада Гродна.

Перад Божым Нараджэннем, 23 снежня, на тэрыторыі Лідскай цэнтральнай раённай бальніцы адбылася аплатковая сустрэча медыкаў.

Напярэдадні Божага Нараджэння ў шпітальнай капліцы Маці Божай з Люрда ўпершыню быў запалены Бэтлеемскі агонь. У Ліду яго прывезлі члены мясцовай дружыны харцэраў «Крайка».

20 снежня, перад Божым Нараджэннем, у парафіі Святых апосталаў Пятра і Паўла ў Іўі (Гродзенская дыяцэзія) адбыўся чарговы, дванаццаты агляд-конкурс дзіцячых яселек. На конкурс было прадстаўлена 49 работ.