У шлях пілігрымка вырушыла 25 ліпеня з парафіі Нараджэння Насвяцейшай Панны Марыі г. Барысава, у складзе 43 чалавек, колькасць якіх увесь час павялічваецца. 31 ліпеня пілігрымы пераадольваюць апошнія кіламетры, адмераўшы крокам дарогі Міншчыны і ўжо амаль усёй Віцебшчыны.

Бібліятэка імя Урублеўскага пры Літоўскай Акадэміі навук выклала ў інтэрнэт калекцыю перыёдыкі ХХ ст.

З 28 па 31 ліпеня 2014 г. у Міждыяцэзіяльнай вышэйшай духоўнай семінарыі імя св. Тамаша Аквінскага ў Пінску прайшлі рэкалекцыі для юнакоў, якія жадаюць распазнаць сваё пакліканне. Рэкалекцыі праводзіў кс. Павел Ярашэвіч.

Для дабрачыннага каталіцкага таварыства «Карытас» Мінска-Магілёўскай архідыяцэзіі стала добрай традыцыяй спрыяць у арганізацыі адпачынку за мяжой для беларускіх дзяцей і моладзі. У гэтым годзе 120 дзяцей наведаюць такія месцы ў Польшчы, як Лодзь, Элк і Кельцэ, а таксама «Хаўс Нідэрмюлен» у Германіі.

«Шырокія магчымасці ставяць перад намі пытанне аб адказнасці за здароўе і жыццё, якія па прычыне неразважлівасці ці кепскіх звычак можна лёгка паставіць пад рызыку духоўнай, маральнай ці фізічнай шкоды. Таму ў Пінскай дыяцэзіі заахвочваю ўсіх людзей добрай волі да абстынэнцыі – паўстрымання ад ужывання алкагольных напояў асабліва на працягу месяца жніўня», — адзначае ў адозве біскуп.

Раніцай 30 ліпеня 2014 г. з парафіі Найсвяцейшай Тройцы ў Друі вырушыла ў Росіцу XV пілігрымка. Шлях з Друі ў Росіцу заўсёды своеасаблівы для ўдзельнікаў, бо ў 1942 годзе ім прайшлі росіцкія благаслаўлёныя, каб праз год прыняць пакутніцкую смерць, да канца служачы як душпастыры парафіянам спаленай вёскі.

29 ліпеня 2014 г. дапаможны біскуп Гродзенскай дыяцэзіі Юзаф Станеўскі ўзначаліў святую Імшу для ўдзельнікаў V пешай назарэтанскай пілігрымкі «Гродна-Навагрудак». Пілігрымка ў 71-ю гадавіну мучаніцкай смерці благаслаўлёных сясцёр назарэтанак з Навагрудка вырушыла 26 ліпеня і працягнецца да 31 ліпеня.

26 ліпеня 2014 г. у Лучаі адбыўся парафіяльны адпуст у гонар святой Ганны. Свята, прысвечанае ўспаміну маці Найсвяцейшай Панны Марыі, сабрала вернікаў на ўрачыстай Імшы, якую ўзначаліў біскуп Віцебскі Алег Буткевіч. Падчас Імшы быў удзелены сакрамэнт канфірмацыі.

28 ліпеня 2014 г. у Вышэйшай духоўнай семінарыі ў Гродне адбыўся экзамен для кандыдатаў на першы год навучання. Перад гэтым, 25-27 ліпеня, абітурыенты прынялі ўдзел у рэкалекцыях па распазнанні паклікання.

З 14 па 25 ліпеня ў Смаргоні ў парафіі Св. Міхала Арханёла праходзіў лагер для дзяцей з 6 да 14 гадоў “Вакацыі з Богам”. На працягу дзесяці дзён 95 дзяцей разам з 20 аніматарамі i дапаможнікамі, кс. Станіславам Краўчанкам SDB, с. Веранікай Блізнюк FMA і семінарыстам Алегам Каралёвым SDB разважалі над жыццём маленькага салезіянскага святога Дамініка Савіо. Дэвізам лагера былі словы “Да неба разам са св. Дамінікам Савіо”.

27 ліпеня 2014 г. на ўспамін св. Крыштафа, які з’яўляецца апекуном вадзіцеляў і якога Касцёл узгадваў у пятніцу, 25 ліпеня, у парафіі Найсвяцейшай Панны Марыі Ружанцовай (св. Дамініка) у Ракаве адбылося благаслаўленне вадзіцеляў і асвячэнне транспартных сродкаў.

У Вышэйшай духоўнай семінарыі ў Гродне адбыліся рэкалекцыі для хлопцаў, прысвечаныя распазнанню паклікання. Каб паразважаць над сваім пакліканнем, у семінарыю прыехалі 38 маладых людзей.

Напрыканцы ліпеня адбылася сустрэча міністрантаў парафіі Найсвяцейшай Тройцы ў Друі. У праграме сустрэчы цэнтральнай стала Эўхарыстыя, у якой прынялі ўдзел міністранты, кантары і лектары з Друі, Друйска і пад'яздных капліц парафіі.

З 14 па 25 ліпеня ў мінскім араторыі імя св. Яна Боско праходзілі канікулы з Богам для дзяцей ад 6 да 14 гадоў. Сёлета прыклад святасці ўдзельнікі лагера бралі ў святога Дамініка Савіо, які аднойчы пастанавіў: “Лепш мне памерці, чым зграшыць!”