11 лістапада на 65 годзе жыцця адышоў у вечнасць Генрых Быкоўскі, бацька кс. Валерыя Быкоўскага, выкладчыка Вышэйшай духоўнай семінарыі ў Гродне і пробашча парафіі Імя Найсвяцейшай Панны Марыі і Св. Яна Непамука ў Вялікіх Эйсмантах.

9 лістапада навучэнцы Вышэйшай духоўнай семінарыі ў Гродне чарговы раз сталі сведкамі бескарыслівага служэння людзей, якія вырашылі раздзяліць сваё жыццё з дзецьмі-інвалідамі.

10 лістапада пасля цяжкай хваробы памёр Станіслаў Субель, бацька кс. Віктара Субеля, які нясе служэнне ў Трабах, што на Гродзеншчыне. Пахаванне спачылага адбудзецца ў суботу, 12 лістапада, у 10.00 у касцёле свв. Космы і Дам’яна ў Астраўцы.

10 лістапада ў Мінску прайшла душпастырская сустрэча святароў і законнікаў, якія нясуць служэнне ў Мінскай вобласці. Падчас літургіі, якую ўзначаліў Мітрапаліт Тадэвуш Кандрусевіч, прысутныя маліліся за памерлых святароў і кансэкраваных асобаў Мінска-Магілёўскай архідыяцэзіі.

Урачыстае закрыццё дзвярэй юбілейных касцёлаў не азначае развітання з таямніцай, якую мы перажывалі на працягу апошніх месяцаў. Міласэрнасць не мае канца. Наадварот, пасля Юбілею ўсё толькі пачынаецца», — адзначае ў пасланні на заканчэнне Юбілейнага Года Міласэрнасці біскуп Пінскі Антоні Дзям’янка.

На нашым сайце цяпер можна спампаваць тэксты лекцыянарыя ў фарматах для электронных кніг, планшэтаў і смартфонаў. Гэта тыя самыя тэксты, што і раней былі апублікаваны на партале Catholic.by у раздзеле «Літургія — Лекцыянарый», але канвертаваныя для зручнага чытання на сучасных электронных гаджэтах.

У Навагрудскім раёне 8–9 лістапада ў 15-ці навучальных установах адбылася прэзентацыя выстаўкі «Два шляхі: што выбіраеш ты?» і лекцыі на тэму важнасці захавання чыстасці да заключэння сакрамэнту сужэнства.

Малітва за нявінных ахвяраў сталінскага рэжыму на месцы масавых расстрэлаў у 30-я гады ХХ ст. у лесе каля вескі Паляі Віцебскага раёна прайшла 8 лістапада. Увечары моладзь віцебскай парафіі Святога Духа разам з ардынарыем Віцебскай дыяцэзіі Алегам Буткевічам і некалькімі святарамі прыбылі на месца расстрэлаў, каб ушанаваць памяць тых, хто знаўшоў тут апошні спачынак.

«Запрашаю ўсіх вернікаў прыняць актыўны ўдзел у набажэнствах у стацыйных касцёлах Пінскай дыяцэзіі з нагоды закрыцця Юбілейных Брамаў і выкарыстаць гэтыя дні, каб прайсці праз Браму Міласэрнасці, атрымаць дар адпусту і падзякаваць Пану Богу за ўсе Яго ласкі», — піша біскуп у сваім звароце.

Штогадовая дабрачынная акцыя моладзі з душпастарства «OPEN» у Гродне пад назвай «Пячэнька за пячэнька» сёлета пройдзе 27 лістапада ў гродзенскай катэдры.

«Умацаваныя ласкай Юбілейнага Года, выйдзем насустрач кожнай асобе, несучы дабрыню і пяшчоту Бога. Няхай праз нашае служэнне да ўсіх людзей дойдзе бальзам Божай міласэрнасці, як знак Божага Валадарства, якое прысутнічае сярод нас», — піша Мітрапаліт.

«Калі чалавечыя сэрцы параненыя і часта вязнуць у граху, мы павінны з большай руплівасцю звяртацца да Беззаганнага Сэрца Маці Хрыста і Маці Касцёла(...). Няхай гэта набажэнства развіваецца ў нашых парафіях і сем'ях, а таксама ў індывідуальных сустрэчах з Найсвяцейшай Паннай», — адзначае біскуп Антоні Дзям'янка ў сваім звароце.

7 лістапада група жыхароў з Ліды пад кіраўніцтвам кс. Юрыя Беганскага, душпастыра хворых і медыкаў у Лідзе, здзейсніла пілігрымку да Вострай Брамы ў Літве. Пілігрымка, у якой прынялі ўдзел больш за сто чалавек, была прысвечана заканчэнню Года Міласэрнасці.

У Бабруйску ў парафіі Беззаганнага Зачацця Найсвяцейшай Панны Марыі 7 лістапада адбылася пастырская сустрэча духавенста і кансэкраваных асоб Магілёўшчыны. У межах сустрэчы на мясцовых могілках маліліся за спачылае духавества.

З 3 па 5 лістапада пры парафіі Унебаўзяцця Найсвяцейшай Панны Марыі ў Адамавічах адбыліся рэкалекцыі для дзяўчат, арганізаваныя сёстрамі кармэлітанкамі, якія нясуць служэнне пры парафіі.