Ксёндз Міхал Ластоўскі, кусташ дыяцэзіяльнага санктуарыя Маці Божай Яснагорскай Цярпліва Слухаючай на Узгорку Надзеі ў Капцёўцы, прызначаны мадэратарам Таварыства Жывога Ружанца і парафіяльных ружанцовых колаў у Гродзенскай дыяцэзіі.

9 кастрычніка падчас пастырскай сустрэчы духавенства Гродзенскай дыяцэзіі прысутныя ўшанавалі памяць кс. інфулата Станіслава Кучынскага. Сёлета адзначаецца 100-годдзе яго нараджэння.

7 кастрычніка ў парафіі Найсвяцейшай Тройцы ў Шыдловічах святкавалі адпустовыя ўрачыстасці Маці Божай Ружанцовай, а таксама маліліся ў знак падзякі за 25-ці гадовую працу айцоў міхалітаў у Беларусі.

Мы чакалi гэтага моманту цэлы год. Роўна столькі часу прайшло з моманту, калі ў нашу парафiю Свв. Космы i Дам'яна ў Астраўцы прыязджалi мiсiянеры — айцы рэдэмптарысты з Гродна.

5 кастрычніка адбылася першая ў гэтым навучальным годзе сустрэча старэйшай групы Савіо-клуба ў салезіянскім араторыі ў Смаргоні. Клуб дзейнічае ў араторыі тры гады, праз сумесныя сустрэчы дзеці разам з аніматарамі шукаюць шлях да святасці.

У в. Макараўцы адноўлены будынак касцёла Узвышэння Святога Крыжа, які з’яўляецца адным з найстарэйшых помнікаў архітэктуры драўлянага дойлідства на Гродзеншчыне. Аднаўленне святыні амаль што бесперапынна працягвалася пяць гадоў. Інцыятарамі аднаўлення была сама парафія на чале з кс. Паўлам Беланосам.

4 кастрычніка ў Вышэйшай духоўнай семінарыі ў Гродне адбылася ўрачыстая інаўгурацыя новага навучальнага года. Сёлета гэтая ўстанова ўжо ў 25-ы раз прыняла маладых людзей, якія пасля праходжання семінарыйнай фармацыі жадаюць прысвяціць жыццё абвяшчэнню Хрыстовага Евангелля.

4 кастрычніка ў гродзенскім катэдральным касцёле св. Францішка Ксаверыя адбылася святая Імша, падчас якой чатыры навучэнцы трэцяга курса Вышэйшай духоўнай семінарыі ў Гродне атрымалі духоўны строй – сутану. Гэтай Імшой распачаўся новы 2014/2015 навучальны год у гродзенскай семінарыі і на катэхетычных курсах пры аддзеле каталіцкага навучання і выхавання Гродзенскай Курыі.

1 кастрычніка ў парафіі Св. Яна Хрысціцеля ў Мсцібаве шматлікія вернікі і святары маліліся ў інтэнцыі спачылага кс. Казіміра Валентыновіча ў 30-ю гадавіну яго смерці. Ксёндз Валентыновіч быў пробашчам гэтай парафіяльнай супольнасці на працягу 40 гадоў, пахаваны на парафіяльных могілках.

Напярэдадні адпустовай урачыстасці ў Смаргоні 27 верасня ў араторыі імя св. Яна Боска адбыўся супольны вечар моладзі з нагоды распачацця навучальнага года, паведамляецца на sdb.by.

30 верасня кс. прэлат Юзаф Трубовіч, які з’яўляецца найстарэйшым святаром Гродзенскай дыяцэзіі, адзначае 58-годдзе прэзбітэрскага пасвячэння.

29 верасня парафія Св. Міхала Арханёла ў Міхалішках адзначыла адпустовую ўрачыстасць. Прыгожы парафіяльны касцёл — «пярліна» Астравеччыны — збірае вернікаў не толькі раз у год: амаль кожны дзень там шмат турыстаў з Беларусі і з-за мяжы, якія прыбываюць у групах і ў індывідуальным парадку, каб пабачыць хараство архітэктуры і ўбранства святыні. У дзень адпусту касцёл таксама быў напоўнены: прыбылі святары і вернікі з наваколля.

У маладой парафіі, што знаходзіцца ў новым мікрараёне горада, арцыпастыр цэлебраваў святую Імшу і маліўся разам з вернікамі аб атрыманні пляцу пад будову новай святыні.

23–25 верасня ў дыяцэзіяльным санктуарыі Маці Божай Каралевы сем’яў у Тракелях адбылася фармацыйная сустрэча для святароў Гродзенскай дыяцэзіі ад 1 да 10 гадоў святарства ўключна.

25 верасня ў Каталіцкім універсітэце Любліна (Польшча) рэктар Вышэйшай духоўнай семінарыі ў Гродне кс. Раман Рачко абараніў доктарскую дысертацыю, здабыўшы ступень доктара тэалогіі.