Дабрачынная акцыя па зборы канцылярскіх тавараў і прадметаў гігіены адбылася ў Гродне. Ініцыяванае гродзенскім аддзелам адукацыі мерапрыемства было прымеркавана да Cусветнага дня інвалідаў.

У чарговым выпуску навін Таварыства св. Францішка Сальскага Кацярына Мальцава і Уладзіслаў Зарэцкі робяць агляд навін салезіянскіх араторыяў.

Дапаможны біскуп Гродзенскай дыяцэзіі Юзаф Станеўскі ў першую нядзелю Адвэнту наведаў парафію Божай Міласэрнасці (Маладзёжны) ў Лідзе. У гаміліі падчас святой Імшы іерарх заахвоціў вернікаў да малітоўнага чування перад прыйсцем Пана.

«Андрэйкі» ў невялікай капліцы ў Навасёлках, якія належаць да лучайскай парафіі Св. Юды Тадэвуша, сабралі не толькі мясцовую моладзь, але і гасцей з Варапаева, Канстанцінава, Паставаў, Глыбокага і Шаркаўшчыны.

Пастырская сустрэча духавенства Магілёўскага дэканату прайшла 2 снежня ў Касцюковічах. У сустрэчы прыняў удзел дапаможны біскуп Мінска-Магілёўскай архідыяцэзіі Юрый Касабуцкі.

Дабрачынная каталіцкая місія «Карытас-Міласэрнасць» (ДКМ) працягне работу з дзіцячым афтальмалагічным аддзяленнем Гомельскай абласной клінічнай спецыялізаванай бальніцы. У прыватнасці, там плануецца адрамантаваць і ўладкаваць пакой сустрэч бацькоў з дзецьмі.

Згодна з рэзалюцыяй Генеральнай Асамблеі ААН ад 14 кастрычніка 1992 года ў мэтах павышэння дасведчанасці і мабілізацыі падтрымкі важных пытанняў, якія тычацца ўключэння людзей з інваліднасцю як у грамадскія структуры, так і ў працэсы развіцця, 3 снежня прынята адзначаць Міжнародны дзень інвалідаў.

28 лістапада моладзь і дзеці з Дзятлава (Гродзенская дыяцэзія) сабраліся ў мясцовым салезіянскім араторыі на свята «Андрэйкі» перад Адвэнтам. Назва гэтага свята паходзіць ад успаміну св. апостала Андрэя, які адзначаецца якраз перад пачаткам Адвэнту.

У гомельскай парафіі Нараджэння Божай Маці з кастрычніка па снежань па панядзелках ужо больш за 20 гадоў праходзяць сустрэчы «Школы веры» для дарослых і моладзі. Як тлумачыць пробашч кс. Славамір Ласкоўскі, сустрэчы ладзяцца па той прычыне, што большасць парафіян — або так званыя неакатолікі, або тыя, хто быў ахрышчаны ў дзяцінстве, але ніколі не меў зносін з Касцёлам, бо тут яго не было доўгія гады.

29 лістапада, у апошнюю суботу перад Адвэнтам, літургічная служба алтара парафіі Святой Тэрэзы ў Шчучыне (Гродзенская дыяцэзія) здзейсніла экскурсію. Яе мэтай былі, акрамя інтэграцыі міністрантаў, адпачынак наведванне цікавых месцаў.

2 снежня на 76-м годзе жыцця адышоў у вечнасць кс. Рычард Юнік, пробашч парафіі Св. Юзафа ў Рубяжэвічах (Мінска-Магілёўская архідыяцэзія).

29 лістапада ў парафіі Святога Андрэя, апостала, прайшлі дэканальныя моладзевыя «Андрэйкі», на якіх быў праведзены  конкурс  ведаў «Дастаткова толькі Бога», прысвечаны 500-годдзю нараджэння святой Тэрэзы Авільскай.

29 лістапада моладзь парафіі Нараджэння Найсвяцейшай Панны Марыі ў Браславе (Віцебская дыяцэзія) разам з гасцямі з Полацка і Мёраў зладзіла свята «Андрэйкі», якое па традыцыі праходзіць перад Адвэнтам.

У першую нядзелю Адвэнту, 30 лістапада, парафію святога Мікалая, біскупа, у Свіры наведаў дырэктар «Caritas» Мінска-Магілёўскай
архідыяцэзіі кс. Аляксандр Фаміных і супрацоўніца гэтага дабрачыннага каталіцкага таварыства Вольга Камінская.

Конкурс навуковых работ і сачыненняў сярод вучняў сярэдніх школ, ліцэяў і гімназій праводзіць Інстытут тэалогіі БДУ.