У велікодную нядзелю 5 красавіка ў архікатэдральным касцёле Імя Найсвяцейшай Панны Марыі святую Імшу ў 13.00 узначаліў Апостальскі Нунцый у Беларусі арцыбіскуп Клаўдыё Гуджэроцці. На Эўхарыстыі прысутнічаў Мітрапаліт Мінска-Магілёўскі арцыбіскуп Тадэвуш Кандрусевіч.

5 красавіка, ва ўрачыстасць Уваскрасення Пана, рэзурэкцыйная святая Імша адбылася ў мінскім архікатэдральным касцёле. Імшу з удзелам мінскіх вернікаў цэлебраваў Мітрапаліт Тадэвуш Кандрусевіч.

4 красавіка ў мінскім архікатэдральным касцёле адбылася літургія Пасхальнай вігіліі. Урачыстую літургію цэлебраваў Мітрапаліт Мінска-Магілёўскі арцыбіскуп Тадэвуш Кандрусевіч, разам з ім маліўся Апостальскі Нунцый у Беларусі арцыбіскуп Клаўдыё Гуджэроцці.

3 красавіка, у Вялікую пятніцу, парафію Святога Антонія ў Магілёве наведаў дапаможны біскуп Мінска-Магілёўскай архідыяцэзіі Юрый Касабуцкі.

Вечарам у Вялікую пятніцу, 3 красавіка, у мінскім архікатэдральным касцёле Імя Найсвяцейшай Панны Марыі адбылася літургія Мукі Пана. Літургію ўзначаліў Мітрапаліт Мінска-Магілёўскі арцыбіскуп Тадэвуш Кандрусевіч, у ёй прыняў удзел Апостальскі Нунцый у Беларусі арцыбіскуп Клаўдыё Гуджэроцці і шматлікія вернікі горада.

2 красавіка, у Вялікі чацвер, у мінскім архікатэдральным касцёле Імя Найсвяцейшай Панны Марыі адбылася святая Імша Вячэры Пана.

2 красавіка, у Вялікі чацвер, святары Магілёўшчыны сабраліся разам з дапаможным біскупам Мінска-Магілёўскай архідыяцэзіі Юрыем Касабуцкім на святой Імшы Хрызма, каб падзякаваць Богу за дар святарства.

1 красавіка каля касцёла Найсвяцейшай Тройцы (Святога Роха) на Залатой Горцы ў Мінску адбыўся інсцэніраваны Крыжовы шлях, які па традыцыі рыхтуе парафіяльная моладзь. У набажэнстве прыняў удзел Мітрапаліт Мінска-Магілёўскі арцыбіскуп Тадэвуш Кандрусевіч, які затым цэлебраваў у парафіі святую Імшу.

27 сакавіка група дзяцей «Пухавіцкія пярлінкі» касцёла святога Антонія ў Мар’інай Горцы правяла Крыжовы шлях у суседніх Асіповічах.

28 сакавіка ў мінскай архікатэдры адбыўся галоўны штогадовы сход Легіёна Марыі «Acies». Падчас сходу легіянеры склалі асабістае прысвячэнне Маці Божай.

28 сакавіка прыпадала 500-годдзе з дня нараджэння св. Тэрэзы ад Езуса, кармэлітанкі босай, Доктара Касцёла. Супольнасць кармэлітаў босых у Мінску, дом якіх носіць імя св. Тэрэзы Авільскай, урачыста адзначыла гэты дзень.

28 сакавіка ў цэнтры «Карытас» у Ляскоўцы скончыўся чатырохдзённы курс «Тэрапіі, сканцэнтраванай на вырашэнні праблем». Курс быў арганізаваны Радай па справах сям’і пры Канферэнцыі Каталіцкіх Біскупаў Беларусі для дарадцаў сямейнага жыцця і ўсіх тых, хто працуе з сем’ямі як у парафіях, так і ў сямейных кансультацыях.

На ранішнюю Імшу Пальмовай нядзелі 29 сакавіка ў  парафіі Найсвяцейшай Панны Марыі Ружанцовай (св. Дамініка) у Ракаве сабралася амаль удвая большая колькасць вернікаў, чым звычайна. Пасля Імшы вакол касцёла адбыўся Крыжовы шлях.

«Колькі разоў мы здраджваем Хрысту дзеля грошай, выгоды, у тым ліку палітычнай выгоды? Колькі разоў мы з'яўляемся патэнцыйнымі Юдамі? — былі пытанні Апостальскага Нунцыя ў Беларусі арцыбіскупа Клаўдыё Гуджэроцці падчас гаміліі на Імшы ў Пальмовую нядзелю ў мінскай катэдры 29 сакавіка.

«Чаму Езус уехаў у Ерузалем не на кані, а на восліку?» — запытаўся ў самых малодшых вернікаў Мітрапаліт Тадэвуш Кандрусевіч падчас Імшы для дзяцей на Пальмовую нядзелю 29 сакавіка ў мінскай архікатэдры.